മലയാളത്തിന്റെ പ്രിയ താരമായ നിവിൻ പോളിക്ക് ജന്മദിന ആശംസകളുമായി ദുല്ഖര്.
മലയാളത്തിന്റെ പ്രിയ താരങ്ങളില് ഒരാളാണ് നിവിൻ പോളി. നിവിൻ പോളിയുടെ ജന്മദിനമാണ് ഇന്ന്. ഒട്ടേറെ പേരാണ് നിവിൻ പോളിക്ക് ജന്മദിനം ആശംസിച്ച് രംഗത്ത് എത്തിയിരിക്കുന്നത്. അടുത്ത സുഹൃത്തും നടനുമായ ദുല്ഖറും നിവിൻ പോളിയുടെ ഹൃദ്യമായ ജന്മദിന ആശംസകള് നേര്ന്ന് രംഗത്ത് എത്തി.
'കുട്ടൻസ്', മികച്ച ജന്മദിനം ആശംസിക്കുന്നു. വരാനിരിക്കുന്ന റിലിസുകളാല് മനോഹരമായ വര്ഷമാകട്ടെ എന്ന് ആശംസിക്കുന്നുവെന്നും ദുല്ഖര് എഴുതിയിരിക്കുന്നു. 'ബാംഗ്ലൂര് ഡേയ്സി'ലെ ലൊക്കേഷനില് നിന്നുള്ള ഫോട്ടോ പങ്കുവെച്ചാണ് ദുല്ഖറിന്റെ ആശംസ. 'ബാംഗ്ലൂര് ഡേയ്സി'ല് 'കുട്ടൻ' എന്ന കഥാപാത്രത്തെയാണ് നിവിൻ പോളി അവതരിപ്പിച്ചത്.
സാറ്റര്ഡേ നൈറ്റ് എന്ന ചിത്രമാണ് നിവിൻ പോളിയുടേതായി ഇനി റിലീസ് ചെയ്യാനുള്ളത്. റോഷൻ ആൻഡ്രൂസ് ആണ് ചിത്രം സംവിധാനം ചെയ്യുന്നത്. ഒരു കോമഡി എന്റര്ടെയ്നര് ആയിരിക്കും ചിത്രം. 'സാറ്റര്ഡേ നൈറ്റ്' നവംബര് നാലിനാണ് തിയറ്ററുകളില്1 റിലീസ് ചെയ്യുക.
'സ്റ്റാന്ലി' എന്ന കഥാപാത്രത്തെയാണ് ചിത്രത്തിൽ നിവിൻ പോളി അവതരിപ്പിക്കുന്നത്. നവീൻ ഭാസ്കർ ആണ് ചിത്രത്തിന്റെ രചന. വിനായക അജിത്ത് ആണ് നിര്മാണം. അജിത്ത് വിനായക ഫിലിംസിന്റെ ബാനറിലാണ് നിര്മാണം. അജു വർഗീസ്, സൈജു കുറുപ്പ്, സിജു വിത്സൺ എന്നിവരും നിവിൻ പോളിക്കൊപ്പം ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു. സാനിയ ഇയ്യപ്പൻ, മാളവിക, പ്രതാപ് പോത്തൻ, ശാരി, വിജയ് മേനോൻ, അശ്വിൻ മാത്യു എന്നിവരും ചിത്രത്തിലുണ്ട്. അസ്ലം കെ പുരയിൽ ചിത്രത്തിന്റെ ഛായാഗ്രഹണം നിർവഹിക്കുന്നു. പ്രൊഡക്ഷൻ ഡിസൈന് അനീസ് നാടോടി, വസ്ത്രാലങ്കാരം സുജിത്ത് സുധാകരൻ, മേക്കപ്പ് സജി കൊരട്ടി, കലാസംവിധാനം ആൽവിൻ അഗസ്റ്റിൻ. പ്രൊഡക്ഷൻ കൺട്രോളർ നോബിൾ ജേക്കബ്, കളറിസ്റ്റ് ആശിർവാദ് ഹദ്കർ, ഡി ഐ പ്രൈം ഫോക്കസ് മുംബൈ സൗണ്ട് ഡിസൈൻ രംഗനാഥ് രവി എന്നിവരാണ്. ഓഡിയോഗ്രാഫി രാജകൃഷ്ണൻ എം ആർ, ആക്ഷൻ അലൻ അമിൻ, മാഫിയ ശശി, കൊറിയോഗ്രഫി വിഷ്ണു ദേവ. സ്റ്റിൽസ് സലീഷ് പെരിങ്ങോട്ടുക്കര, പൊമോ സ്റ്റിൽസ് ഷഹീൻ താഹ, ഡിസൈൻ ആനന്ദ് രാജേന്ദ്രന്. മാർക്കറ്റിംഗ് കൺസൾട്ടന്റ്സ് കാറ്റലിസ്റ്റ്, പിആർഒ ശബരി. ഡിജിറ്റൽ മാർക്കറ്റിംഗ് ഹെയിൻസ്.
Read More: 'പ്രചോദനത്തിന്റെ തണല് മരമാണ് അമിതാഭ് ബച്ചൻ', ആശംസകളുമായി മോഹൻലാല്
