Theerpp : 'വിധിതീർപ്പിലും പകതീർപ്പിലും ഒരുപോലെ കുടിയേറിയ ഇരുതലയുള്ള ഒറ്റവാക്ക്'; 'തീർപ്പ്' ഫസ്റ്റ് ലുക്ക്
പൃഥ്വിരാജും ഇന്ദ്രജിത്തുമാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്.
മുരളി ഗോപിയുടെ രചനയില് രതീഷ് അമ്പാട്ട് സംവിധാനം ചെയ്യുന്ന ചിത്രം 'തീർപ്പി'ന്റെ (Theerpp) ഫസ്റ്റ് ലുക്ക് പോസ്റ്റർ പുറത്തെത്തി. പൃഥ്വിരാജിന്റെ കഥാപാത്രത്തിന് ചുറ്റും മറ്റ് താരങ്ങളെ ഉൾക്കൊള്ളിച്ച് രസകരമായ രീതിയിലാണ് പോസ്റ്റർ തയ്യാറാക്കിയിരിക്കുന്നത്. ചിത്രം ഉടൻ റിലീസ് ചെയ്യും. പൃഥ്വിരാജും ഇന്ദ്രജിത്തുമാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്.
മുരളി ഗോപി ആദ്യമായി നിര്മ്മാണ മേഖലയിലേക്ക് ചുവചുവെക്കുന്ന ചിത്രം കൂടിയാണിത്. നിര്മ്മാണ പങ്കാളികളായി രതീഷ് അമ്പാട്ടും വിജയ് ബാബുവും ഒപ്പമുണ്ട്. ഫ്രൈഡേ ഫിലിം ഹൗസിന്റെയും സെല്ലുലോയ്ഡ് മാര്ഗിന്റെയും ബാനറുകളിലാണ് നിര്മ്മാണം. സൈജു കുറുപ്പ്, ഇഷ തല്വാര്, വിജയ് ബാബു, ഹന്ന റെജി കോശി തുടങ്ങിയവരും കഥാപാത്രങ്ങളായെത്തുന്നു. രതീഷ് അമ്പാട്ടിന്റെ അരങ്ങേറ്റചിത്രമായിരുന്ന 'കമ്മാരസംഭവ'ത്തിന്റെയും രചന മുരളി ഗോപി ആയിരുന്നു.
അതേസമയം, ഷാജി കൈലാസ് സംവിധാനം ചെയ്യുന്ന കാപ്പ എന്ന ചിത്രത്തിലാണ് പൃഥ്വിരാജ് ഇപ്പോൾ അഭിനയിച്ചു കൊണ്ടിരിക്കുന്നത്. 'കൊട്ട മധു' എന്ന കഥാപാത്രത്തെയാണ് പൃഥ്വിരാജ് ചിത്രത്തിൽ അവതരിപ്പിക്കുന്നത്. ആസിഫ് അലിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. അന്ന ബെന്നും ചിത്രത്തിലുണ്ട്. ജി ആര് ഇന്ദുഗോപൻ എഴുതിയ 'ശംഖുമുഖി' എന്ന നോവലിനെ ആസ്പദമാക്കിയുള്ളതാണ് ചിത്രം.ഇന്ദു ഗോപൻ തന്നെയാണ് ചിത്രത്തിന്റെ തിരക്കഥ എഴുതുന്നത്.
Kaapa : മഞ്ജു വാര്യർക്ക് പകരം അപര്ണ ബാലമുരളി; 'കാപ്പ' ചിത്രീകരണം പുരോഗമിക്കുന്നു
കടുവയാണ് പൃഥ്വിരാജിന്റേതായി ഒടുവിൽ പുറത്തിറങ്ങിയ ചിത്രം. പൃഥ്വിരാജ് പ്രൊഡക്ഷന്സും ലിസ്റ്റിന് സ്റ്റീഫന്റെ മാജിക് ഫ്രെയിംസും ചേര്ന്നാണ് നിര്മ്മാണം. ആദം ജോണിന്റെ സംവിധായകനും 'ലണ്ടൻ ബ്രിഡ്ജ്', 'മാസ്റ്റേഴ്സ്' എന്നീ ചിത്രങ്ങളുടെ തിരക്കഥാകൃത്തുമായ ജിനു എബ്രഹാമാണ് 'കടുവ'യുടെയും രചന നിര്വഹിച്ചിരിക്കുന്നത്. സായ് കുമാര്, സിദ്ദിഖ്, ജനാര്ദ്ദനൻ, വിജയരാഘവൻ, അജു വര്ഗീസ്, ഹരിശ്രീ അശോകൻ, രാഹുല് മാധവ്, കൊച്ചുപ്രേമൻ, സംയുക്ത മേനോൻ, സീമ, പ്രിയങ്ക തുടങ്ങിയവര് മറ്റ് വേഷങ്ങളില് എത്തുന്നു. വിവേക് ഒബ്റോയ് ആണ് ചിത്രത്തിൽ പ്രതിനായകനായി എത്തിയത്.