ലോകേഷ് കനകരാജിന്റെ സംവിധാനത്തിലുള്ള പുതിയ ചിത്രം 'ലിയോ'യ്ക്കായി കാത്ത് ആരാധകര്.
വിജയ് ആരാധകര് ആകാംക്ഷയോടെ കാത്തിരിക്കുന്ന ചിത്രമാണ് 'ലിയോ'. ലോകേഷ് കനകരാജാണ് വിജയ് ചിത്രം സംവിധാനം ചെയ്യുന്നത് എന്ന പ്രത്യേകതയുമുണ്ട്. 'ലിയോ'യുടെ അപ്ഡേറ്റുകളും വലിയ ചര്ച്ചയാണ്. ഇപ്പോഴിതാ കേരളത്തില് വിജയ്യുടെ പുതിയ ചിത്രത്തിന് വമ്പൻ റിലീസായിരിക്കുമെന്ന റിപ്പോര്ട്ടാണ് പുറത്തുവരുന്നത്.
കേരളത്തില് 650ല് അധികം സ്ക്രീനുകളിലായിരിക്കും ചിത്രം റിലീസ് ചെയ്യുകയെന്ന് ട്രേഡ് അനലിസ്റ്റുകള് ട്വീറ്റ് ചെയ്യുന്നു. മൂവായിരത്തിലധികം പ്രദര്ശനങ്ങളും ആദ്യ ദിവസമുണ്ടാകും. എന്തായാലും കേരളത്തില് വിജയ്യുടെ പുതിയ ചിത്രവും ആവേശമാകുമെന്നാണ് റിപ്പോര്ട്ടുകള് സൂചിപ്പിക്കുന്നത്. ലോകേഷ് കനകരാജും വിജയ്യും ഒന്നിക്കുമ്പോള് ചിത്രം ഹിറ്റാകുമെന്നാണ് ആരാധകരുടെ പ്രതീക്ഷയും.
ലിയോ'യുടെ ചിത്രീകരണം പൂര്ത്തിയായതായി അറിയിച്ച് രംഗത്ത് എത്തിയിരുന്നു ലോകേഷ് കനകരാജ്. ആറ് മാസങ്ങളില് 125 ദിവസത്തെ സിനിമാ ചിത്രീകരണം. സിനിമയ്ക്കായി സമര്പ്പിച്ചവര്ക്ക് താൻ നന്ദി പറയുകയാണെന്നും ലോകേഷ് കനകരാജ് വ്യക്തമാക്കുന്നു. എല്ലാവരിലും അഭിമാനം തോന്നുന്നു എന്നുമാണ് 'ലിയോ'യുടെ സംവിധായകൻ ലോകേഷ് കനകരാജ് സാമൂഹ്യ മാധ്യമത്തില് പങ്കുവെച്ച കുറിപ്പിലൂടെ വ്യക്തമാക്കിയിരിക്കുന്നത്.
ലോകേഷ് കനകരാജ് സംവിധാനം ചെയ്യുന്ന ചിത്രത്തില് വിജയ്യുടെ നായികയാകുന്നത് തൃഷയാണ്. വിജയ്യും തൃഷയും 14 വര്ഷങ്ങള്ക്ക് ശേഷം വീണ്ടും ഒന്നിക്കുന്നു എന്ന പ്രത്യേകതയും 'ലിയോ'യ്ക്കുണ്ട്. ഗൗതം വാസുദേവ് മേനോൻ, അര്ജുൻ, മാത്യു തോമസ്, മിഷ്കിൻ, സഞ്ജയ് ദത്ത്, പ്രിയ ആനന്ദ്, മൻസൂര് അലി ഖാൻ, സാൻഡി മാസ്റ്റര്, ബാബു ആന്റണി, മനോബാല, ജോര്ജ്, അഭിരാമി വെങ്കടാചലം, ഡെൻസില് സ്മിത്ത്, മഡോണ സെബാസ്റ്റ്യൻ, അനുരാഗ് കശ്യപ് തുടങ്ങിവരും 'ലിയോ'യില് വേഷമിടുന്നു. ലോകേഷ് കനകാജിന്റെ സംവിധാനത്തിലുള്ള പുതിയ ചിത്രത്തില് രജനികാന്ത് നായകനാകും എന്നും അടുത്തിടെ റിപ്പോര്ട്ടുണ്ടായിരുന്നു.
Read More: 'ചെന്നൈയിലേക്ക്', ഭാര്യയുടെ സ്നേഹ ചുംബനത്തിന്റെ ഫോട്ടോ പങ്കുവെച്ച് ബാല
