മകൻ ആദ്വിക്കിനൊപ്പമുള്ള അജിത്തിന്റെ ഫോട്ടോ ആഘോഷമാക്കി ആരാധകര്.
ഏറ്റവും ആരാധകരുള്ള താരങ്ങളില് ഒരാളാണ് തമിഴകത്തിന്റെ തല അജിത്ത് (Ajith). സാമൂഹ്യമാധ്യമങ്ങളില് അജിത്തിന്റെ സാന്നിധ്യം ഇല്ലെങ്കിലും ആരാധകര് തലയുടെ വിശേഷങ്ങള് ആഘോഷമാക്കാറുണ്ട്. അജിത്തിന്റെ ഫോട്ടോകള് ഓണ്ലൈനില് തരംഗമായി മാറാറുണ്ട്. ഇപോഴിതാ അജിത്തിന് ഒപ്പം മകനുമുള്ള ഒരു ഫോട്ടോയാണ് ചര്ച്ചയാകുന്നത്.
അജിത്ത്- ശാലിനി ദമ്പതിമാര്ക്ക് ഒരു മകനും ഒരു മകളുമാണ് ഉള്ളത്. ആദ്വികും അനൗഷ്കയും. ആദ്വികിന് ഒപ്പം 'തല'യുള്ള ഫോട്ടോയാണ് ഇപോള് ചര്ചയാകുന്നത്. അജിത്ത് നായകനായിട്ടുള്ള വലിമൈ എന്ന ചിത്രമാണ് ഇനി റിലീസാകാനുള്ളത്. തമിഴ്നാട്ടിലെ തിയേറ്റര് വിതരണാവകാശം റൊമിയോ പിക്ചേഴ്സിന്റെ രാഹുലും ഗോപുരം സിനിമയും സ്വന്തമാക്കിയിരുന്നു. 2022 പൊങ്കല് റിലീസായാണ് ചിത്രം എത്തുക.
എച്ച് വിനോദ് ആണ് ചിത്രം സംവിധാനം ചെയ്യുന്നത്.
ഒടിടിയല്ല തിയറ്ററില് തന്നെയാകും ചിത്രം റിലീസ് ചെയ്യുക എന്ന് നേരത്തെ വലിമൈയുടെ പ്രവര്ത്തകര് വ്യക്തമാക്കിയിരുന്നു. ബസ് ചേസ് അടക്കമുള്ള രംഗങ്ങള് ചിത്രത്തിലുണ്ടാകും. അജിത്ത് പൊലീസ് വേഷത്തിലാകും ചിത്രത്തില് എത്തുകയെന്ന് റിപ്പോര്ട്ടുണ്ടായിരുന്നു. അജിത്തിന്റെ നായികയായി വലിമൈയെന്ന ചിത്രത്തില് എത്തുന്നത് ഹുമ ഖുറേഷിയാണ്. നീരവ് ഷാ ഛായാഗ്രഹണവും യുവന് ശങ്കര് രാജ സംഗീത സംവിധാനവും നിര്വ്വഹിക്കുന്നു.
