അമിതാഭ് ബച്ചനും അനുപം ഖേറും ബൊമൻ ഇറാനിയും ഒന്നിക്കുന്ന ചിത്രത്തിന്റെ ഫസ്റ്റ് ലുക്ക്.
അമിതാഭ് ബച്ചന് പ്രധാന കഥാപാത്രമാകുന്ന ചിത്രമാണ് 'ഉഞ്ജായി'. അനുപം ഖേറും ബൊമൻ ഇറാനിയും ചിത്രത്തില് അമിതാഭ് ബച്ചനൊപ്പമുണ്ട്. 'ഉഞ്ജായി' എന്ന ചിത്രത്തിന്റെ ഫസ്റ്റ് ലുക്ക് പുറത്തുവിട്ടിരിക്കുകയാണ്. അമിതാഭ് ബച്ചന് തന്നെയാണ് ഫസ്റ്റ് ലുക്ക് പുറത്തുവിട്ടിരിക്കുന്നത്.
മല കയറുന്ന അമിതാഭ് ബച്ചനെയും അനുപം ഖേറിനെയും ബൊമന് ഇറാനിയെയുമാണ് ഫസ്റ്റ് ലുക്ക് പോസ്റ്ററില് കാണുന്നത്. സിനിമയുടെ റിലീസും പ്രഖ്യാപിച്ചിട്ടുണ്ട്. 11. 11. 2022ന് ആണ് ചിത്രം റിലീസ് ചെയ്യുക. ലോക സൗഹൃദ ദിനത്തോട് അനുബന്ധിച്ച് ആണ് സൂരജ് ബര്ജത്യ സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തുവിട്ടിരിക്കുന്നത്.
അമിതാഭ് ബച്ചന് അഭിനയിക്കുന്ന ചിത്രങ്ങളില് ഇനി 'ബ്രഹ്മാസ്ത്ര'യാണ് ആദ്യം റിലീസ് ചെയ്യാനുള്ളത്. 'ബ്രഹ്മാസ്ത്ര പാര്ട്ട് വണ് : ശിവ' സെപ്റ്റംബര് ഒമ്പതിനാണ് തിയറ്ററുകളില് റിലീസ് ചെയ്യുക. അയൻ മുഖര്ജി ആണ് ചിത്രം സംവിധാനം ചെയ്യുന്നത്. രണ്ബിര് കപൂര് ആണ് ചിത്രത്തില് നായകനായി എത്തുന്നത്.
ആലിയ ഭട്ട് ആണ് ചിത്രത്തില് നായികയായി എത്തുന്നത്. 'ഇഷ' എന്ന കഥാപാത്രമായിട്ടാണ് ചിത്രത്തില് ആലിയ ഭട്ട് അഭിനയിക്കുന്നത്. പങ്കജ് കുമാറാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. 'ബ്രഹ്മാസ്ത്ര'യുടെ തെലുങ്ക് ട്രെയിലറിന് ശബ്ദം നല്കിയത് ചിരഞ്ജീവിയാണ്.ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലാണ് 'ബ്രഹ്മാസ്ത്ര' എത്തുക. ഹുസൈൻ ദലാലും അയൻ മുഖര്ജിയും ചേര്ന്ന് തിരക്കഥ എഴുതിയിരിക്കുന്നു.
സംവിധായകൻ എസ് എസ് രാജമൗലിയാണ് മലയാളമുള്പ്പടെയുള്ള തെന്നിന്ത്യൻ ഭാഷകളില് 'ബ്രഹ്മാസ്ത്ര' അവതരിപ്പിക്കുക. തെല നാഗാര്ജുനയും 'ബ്രഹ്മാസ്ത്ര'യില് ഒരു കഥാപാത്രത്തെ അവതരിപ്പിക്കുന്നു. രണ്ട് ഭാഗങ്ങളായിട്ട് ഉള്ള ചിത്രം ആദ്യ ഭാഗം എത്തുന്നത് 'ബ്രഹ്മാസ്ത്ര പാര്ട് വണ്: ശിവ' എന്ന പേരിലാണ്. ഷാരൂഖ് ഖാൻ ചിത്രത്തില് ഒരു അതിഥി വേഷത്തില് എത്തുമെന്നും റിപ്പോര്ട്ടുണ്ട്.
അമിതാഭ് ബച്ചൻ പ്രധാന കഥാപാത്രമാകുന്ന മറ്റൊരു ചിത്രമാണ് 'ഗുഡ്ബൈ'. രശ്മിക മന്ദാന ആണ് ചിത്രത്തില് നായികയായി എത്തുന്നത്. വികാസ് ബാഹ്ല് ചിത്രം സംവിധാനം ചെയ്യുന്നു. 'ഗുഡ്ബൈ' എന്ന ചിത്രം ഒക്ടോബര് ഏഴിനാണ് റിലീസ് ചെയ്യുക.
Read More : രശ്മിക മന്ദാനയുടെ ബോളിവുഡ് ചിത്രം 'ഗുഡ്ബൈ', റിലീസ് പ്രഖ്യാപിച്ചു
