അമിതാഭ് ബച്ചനും ചിത്രത്തില് ഒരു പ്രധാന കഥാപാത്രമായി എത്തുന്നു (Goodbye).
അമിതാഭ് ബച്ചൻ പ്രധാന കഥാപാത്രമാകുന്ന ചിത്രമാണ് 'ഗുഡ്ബൈ'. രശ്മിക മന്ദാന ആണ് ചിത്രത്തില് നായികയായി എത്തുന്നത്. വികാസ് ബാഹ്ല് ചിത്രം സംവിധാനം ചെയ്യുന്നു. 'ഗുഡ്ബൈ' എന്ന ചിത്രത്തിന്റെ റിലീസ് പ്രഖ്യാപിച്ചിരിക്കുകയാണ് ഇപ്പോള് (Goodbye).
ഒക്ടോബര് ഏഴിനാണ് ചിത്രം റിലീസ് ചെയ്യുക. തിയറ്ററുകളില് തന്നെയാണ് ചിത്രം റിലീസ് ചെയ്യുക. രശ്മിക മന്ദാനയുടെ അരങ്ങേറ്റ ബോളിവുഡ് ചിത്രമാണ് ഇത്. നീന ഗുപ്തയും ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നു.
'ബ്രഹ്മാസ്ത്ര'യാണ് അമിതാഭ് ബച്ചൻ അഭിനയിച്ചതില് ഇനി റിലീസ് ചെയ്യാനുള്ള മറ്റൊരു ചിത്രം. 'ബ്രഹ്മാസ്ത്ര പാര്ട്ട് വണ് : ശിവ' സെപ്റ്റംബര് ഒമ്പതിനാണ് തിയറ്ററുകളില് റിലീസ് ചെയ്യുക. അയൻ മുഖര്ജി ആണ് ചിത്രം സംവിധാനം ചെയ്യുന്നത്. രണ്ബിര് കപൂര് ആണ് ചിത്രത്തില് നായകനായി എത്തുന്നത്.
ആലിയ ഭട്ട് ആണ് ചിത്രത്തില് നായികയായി എത്തുന്നത്. 'ഇഷ' എന്ന കഥാപാത്രമായിട്ടാണ് ചിത്രത്തില് ആലിയ ഭട്ട് അഭിനയിക്കുന്നത്. പങ്കജ് കുമാറാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. 'ബ്രഹ്മാസ്ത്ര'യുടെ തെലുങ്ക് ട്രെയിലറിന് ശബ്ദം നല്കിയത് ചിരഞ്ജീവിയാണ്.ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലാണ് 'ബ്രഹ്മാസ്ത്ര' എത്തുക. ഹുസൈൻ ദലാലും അയൻ മുഖര്ജിയും ചേര്ന്ന് തിരക്കഥ എഴുതിയിരിക്കുന്നു.
സംവിധായകൻ എസ് എസ് രാജമൗലിയാണ് മലയാളമുള്പ്പടെയുള്ള തെന്നിന്ത്യൻ ഭാഷകളില് 'ബ്രഹ്മാസ്ത്ര' അവതരിപ്പിക്കുക. തെല നാഗാര്ജുനയും 'ബ്രഹ്മാസ്ത്ര'യില് ഒരു കഥാപാത്രത്തെ അവതരിപ്പിക്കുന്നു. രണ്ട് ഭാഗങ്ങളായിട്ട് ഉള്ള ചിത്രം ആദ്യ ഭാഗം എത്തുന്നത് 'ബ്രഹ്മാസ്ത്ര പാര്ട് വണ്: ശിവ' എന്ന പേരിലാണ്. ഷാരൂഖ് ഖാൻ ചിത്രത്തില് ഒരു അതിഥി വേഷത്തില് എത്തുമെന്നും റിപ്പോര്ട്ടുണ്ട്.
Read More : വിനീത് കുമാര് നായകനാകുന്ന 'സൈമണ് ഡാനിയേല്', ട്രെയിലര് പുറത്തുവിട്ട് മമ്മൂട്ടി
