നിഖില് സിദ്ധാര്ഥ- അനുപമ ചിത്രത്തിന് വൻ സ്ക്രീൻ കൗണ്ടാണ് ഇപ്പോഴും.
അനുപമ പരമേശ്വരൻ നായികയായി തിയറ്ററില് ഒടുവില് പ്രദര്ശനത്തിന് എത്തിയത് '18 പേജെസ്' ആണ് . 'കാര്ത്തികേയ 2' എന്ന സര്പ്രൈസ് ഹിറ്റിന് ശേഷം നിഖില് സിദ്ധാര്ഥയും അനുപമ പരമേശ്വരനും ഒന്നിച്ച ചിത്രമാണ് '18 പേജെസ്'. ചിത്രത്തിന് മികച്ച പ്രതികരണമാണ് തിയറ്ററുകളില് നിന്ന് ലഭിച്ചുകൊണ്ടിരിക്കുന്നത്. '18 പേജെസ്' റിലീസായി മൂന്നാം ആഴ്ചയും അഞ്ഞൂറിലധികം സ്ക്രീനിലാണ് പ്രദര്ശിപ്പിക്കുന്നത് എന്നാണ് റിപ്പോര്ട്ട്
പല്നാട്ടി സൂര്യ പ്രതാപിന്റെ സംവിധാനത്തിലുള്ള ചിത്രം വൻ ഹിറ്റായിരിക്കുകയാണ്. ഗോപി സുന്ദര് ആണ് ചിത്രത്തിന്റെ സംഗീത സംവിധാനം നിര്വഹിച്ചിരിക്കുന്നത്. എ വസന്താണ് ചിത്രത്തിന്റെ ഛായാഗ്രാഹണം നിര്വഹിച്ചിക്കുന്നത്. നവീൻ നൂലിയാണ് ചിത്രസംയോജനം നിര്വഹിച്ചത്.
അനുപമ പരമേശ്വരൻ നായികയായി ഒട്ടേറെ ചിത്രങ്ങളാണ് പ്രഖ്യാപിക്കപ്പെട്ടിട്ടുള്ളതും റിലീസ് കാത്തിരിക്കുന്നതും. ഘന്ത സതീഷ് ബാബു സംവിധാനം ചെയ്ത 'ബട്ടര്ഫ്ലൈ' എന്ന ചിത്രം അനുപമ പരമേശ്വരൻ നായികയായി '18 പേജെസി'ന് ശേഷം പ്രദര്ശനത്തിന് എത്തിയിരുന്നു. ഡിസ്നി പ്ലസ് ഹോട്സ്റ്റാറിലൂടെ ചിത്രം ഡിസംബര് 29ന് ഡയറക്ട് റിലീസ് ചെയ്യുകയായിരുന്നു. രവി പ്രകാശ് ബോദപതി, പ്രസാദ് തിരുവല്ലൂരി എന്നിവര് ചേര്ന്നാണ് ചിത്രം നിര്മിച്ചിരിക്കുന്നത്. ജനറേഷൻ നെക്സ്റ്റ് മൂവിസാണ് ചിത്രത്തിന്റെ ബാനര്. നാരായണയാണ് 'ബട്ടര്ഫ്ലൈ' ചിത്രത്തിന്റെ എക്സിക്യുട്ടീവ് പ്രൊഡ്യൂസര്. പാഞ്ചജന്യ പൊത്തരാജുവാണ് ചിത്രത്തിന്റെ പ്രൊഡക്ഷൻ കണ്ട്രോളര്.
ജയം രവി നായകനായ 'സൈറണി'ലും അനുപമ പരമേശ്വരൻ പ്രധാനപ്പെട്ട ഒരു വേഷത്തില് എത്തുന്നുണ്ട്. ആന്റണി ഭാഗ്യരാജ് ആണ് ചിത്രം സംവിധാനം ചെയ്യുന്നത്. ജി വി പ്രകാശ് കുമാര് ആണ് ചിത്രത്തിന്റെ സംഗീത സംവിധായകൻ. സെല്വകുമാര് എസ് കെ ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്.
Read More: രജനികാന്തിനൊപ്പം മോഹൻലാലുമെന്ന് റിപ്പോര്ട്ട്, 'ജയിലറി'നായി കാത്ത് ആരാധകര്
