വിമാനത്താവളത്തില് നിവിനെ കണ്ടപ്പോഴുള്ള ഫോട്ടോ പങ്കുവെച്ച് മലയാളികളുടെ പ്രിയതാരം ശോഭന.
മലയാളത്തില് ഏറ്റവും ആരാധകരുള്ളവരില് ഒരാളാണ് നിവിൻ പോളി (Nivin Pauly). നിവിൻ പോളിക്ക് ഒപ്പം ഫോട്ടോ എടുക്കുന്നത് സാധാരണക്കാര്ക്ക് മാത്രമല്ല പുതു താരങ്ങള്ക്കും സന്തോഷമുള്ള കാര്യമാണ്. നിവിൻ പോളിയുടെ മിക്ക ഫോട്ടോകളും ഓണ്ലൈനില് തരംഗമാകാറുമുണ്ട്. ഇപോഴിതാ നിവിൻ പോളിക്കൊപ്പമുള്ള ഫോട്ടോ പങ്കുവെച്ചിരിക്കുന്നത് മലയാളത്തിന്റെ എക്കാലത്തെയും മികച്ച നടിമാരില് ഒരാളായ ശോഭനയാണ് (Shobhana).
ശോഭന ചെന്നൈ എയര്പോര്ട്ടില് വെച്ചാണ് അപ്രതീക്ഷിതമായി നിവിന് പോളിയെ കണ്ടത്. ആകസ്മികമായ ഒരു കൂടിക്കാഴ്ച എന്നാണ് ശോഭന ഫോട്ടോ പങ്കുവെച്ച് എഴുതിയിരിക്കുന്നത്. ഒട്ടേറെ പേരാണ് ശോഭനയുടെ ഫോട്ടോയ്ക്ക് കമന്റുകളുമായി എത്തുന്നത്. റാം സംവിധാനം ചെയ്യുന്ന ചിത്രത്തിന്റെ തിരക്കിലാണ് നിവിൻ പോളി ഇപോള്.
റാം സംവിധാനം ചെയ്യുന്ന ചിത്രം നിര്മിക്കുന്നത് സുരേഷ് കാമാച്ചിയുടെ വി ഫോര് പ്രൊഡക്ഷൻസ് ആണ്.
മമ്മൂട്ടി നായകനായി അഭിനയിച്ച ചിത്രം പേരൻപിലൂടെ പ്രിയംനേടിയ റാമിന്റെ സംവിധാനത്തില് അഭിനയിക്കുന്നതിന്റെ സന്തോഷത്തിലാണ് നിവിൻ പോളി. താൻ നായകനാകുന്ന പുതിയ ചിത്രത്തിന്റെ വിശേഷങ്ങള് നിവിൻ പോളി തന്നെ പങ്കുവയ്ക്കുകയും ചെയ്തിരുന്നു. യുവൻ ശങ്കര് രാജയാണ് ചിത്രത്തിന്റെ സംഗീത സംവിധായകൻ. ഇതുവരെ പേരിട്ടിട്ടില്ലാത്ത നിവിന്റെ ചിത്രത്തില് അഞ്ജലിയാണ് നായികയായി എത്തുന്നത്.
