ആര്യ പങ്കുവെച്ച ഫോട്ടോകള് ശ്രദ്ധയാകര്ഷിക്കുന്നു.
അടുത്തിടെയാണ് നടിയും അവതാരകയുമായ ആര്യ ബാബുവും കൊറിയോഗ്രാഫറും ഡി.ജെയുമായ സിബിൻ ബെഞ്ചമിനും വിവാഹിതയായത്. വിവാഹത്തിനു പിന്നാലെ, ഓസ്ട്രേലിയയിൽ നിന്നുള്ള ചിത്രങ്ങളും സിബിനും ആര്യയും ഇൻസ്റ്റഗ്രാമിൽ പങ്കുവെച്ചിരുന്നു. ഓസ്ട്രേലിയയിലെ അഡ്ലെയ്ഡിൽ ചിത്രങ്ങളാണ് ഇവർ പോസ്റ്റ് ചെയ്തത്. കല്യാണത്തിന് മുമ്പ് തന്നെ തങ്ങൾ കമ്മിറ്റ് ചെയ്ത ഒരു ഷോയുണ്ട്. അതിന്റെ ഭാഗമായാണ് ഓസ്ട്രേലിയയ്ക്ക് വന്നതെന്നു ഇരുവരും അറിയിച്ചിരുന്നു. കല്യാണം കഴിഞ്ഞ അടുത്ത ദിവസം തന്നെ ഓസ്ട്രേലിയയിലേക്ക് പുറപ്പെടേണ്ടി വന്നെന്നും ആര്യ പറഞ്ഞിരുന്നു.
ഇപ്പോളിതാ ഓസ്ട്രേലിയയിൽ നിന്നുമുള്ള ഇരുവരുടെയും പുതിയ ചിത്രങ്ങളും ശ്രദ്ധ നേടുകയാണ്. ''എന്റെ ആയുഷ്കാലതത്തേക്കുള്ള പാർട്ണർ. ഈ നിമിഷങ്ങൾക്ക് നന്ദി. നിനക്കൊപ്പവും നമ്മുടെ ഖുഷിക്കൊപ്പവും (ആര്യയുടെ ആദ്യവിവാഹത്തിലെ മകൾ) ഈ ലോകം എക്സ്പ്ലോർ ചെയ്യാൻ കാത്തിരിക്കുകയാണ്'', എന്നാണ് സിബിനൊപ്പമുള്ള ഫോട്ടോ പങ്കുവെച്ച് കൊണ്ട് ആര്യ കുറിച്ചത്. ഈ ബന്ധം എന്നും ഇങ്ങനെ തന്നെ മുൻപോട്ടു പോകട്ടെ എന്ന് പോസ്റ്റിനു താഴെ നിരവധി പേർ കമന്റ് ചെയ്യുന്നത്.
തന്റെ യുട്യൂബ് ചാനലിലൂടെ കല്യാണവുമായി ബന്ധപ്പെട്ട എല്ലാ ഫംങ്ഷന്റേയും വീഡിയോ പുറത്ത് വിടുമെന്ന് ആര്യ അറിയിച്ചിരുന്നു. ആദ്യപടിയായി ആര്യയുടെ ചാനലിൽ പോസ്റ്റ് ചെയ്ത മെഹന്ദി ചടങ്ങിന്റെ വീഡിയോ ആരാധകർ ഏറ്റെടുത്തു കഴിഞ്ഞു.
വർഷങ്ങളായി അടുത്ത സുഹൃത്തുക്കളായിരുന്നു ആര്യയും സിബിനും. കഴിഞ്ഞ മെയ് മാസത്തിലാണ് ഇരുവരുടെയും വിവാഹനിശ്ചയം കഴിഞ്ഞത്. ഇരുവരുടെയും അടുത്ത ബന്ധുക്കളും സുഹൃത്തുക്കളും മാത്രമായിരുന്നു ചടങ്ങിൽ എത്തിയിരുന്നത്. ബിഗ്ബോസ് സീസൺ 2ലെ മത്സരാർത്ഥിയായിരുന്നു നടിയും അവതാരികയുമായ ആര്യ ബാബു.ബിഗ് ബോസ് സീസൺ 6ലെ വൈൽഡ് കാർഡ് എൻട്രിയായാണ് സിബിൻ ബെഞ്ചമിൻ മത്സരത്തിൽ പങ്കെടുത്തത്.
