മ്യൂസിക് ഗെയിംഷോ ‘സ്റ്റാര്‍ട്ട് മ്യൂസിക് സീസൺ 2‘ നാളെ മുതൽ; അവതാരകരായി ആര്യയും ധർമജനും
ഏഷ്യാനെറ്റിന്‍റെ ഹിറ്റ് ഷോ ആയ ബഡായി ബംഗ്ലാവിലൂടെ പ്രേക്ഷകര്‍ക്ക് സുപരിചിതയായ ആര്യയും ധർമജനും വീണ്ടും അവതാരകരായി ഒരുമിക്കുന്നു.
തെന്നിന്ത്യയാകെ തരംഗമായി പടരുന്ന ടെലിവിഷന്‍ മ്യൂസിക് ഗെയിംഷോ സ്റ്റാര്‍ട്ട് മ്യൂസിക്കിന്‍റെ സീസൺ 2 ഏഷ്യാനെറ്റിൽ ആരംഭിക്കുന്നു. ജനപ്രിയ താരങ്ങളും സെലിബ്രിറ്റികളും മത്സരാർത്ഥികളായി പങ്കെടുക്കുന്ന ‘സ്റ്റാര്‍ട്ട് മ്യൂസിക് – ആരാദ്യം പാടും‘ എന്ന ഷോയില്‍ പ്രേക്ഷകരെ ഹരം പിടിപ്പിക്കുന്ന വിഭവങ്ങളും വേണ്ടുവോളം നിറച്ചിട്ടുണ്ട്.
നര്‍മ്മ മുഹൂര്‍ത്തങ്ങളും ആഘോഷ നിമിഷങ്ങളും പ്രേക്ഷകരെ ഉദ്വോഗത്തിന്‍റെ മുള്‍മുനയിൽ നിര്‍ത്തുന്ന ഘട്ടങ്ങളും ജനപ്രിയ ഗാനങ്ങളും ഉള്‍പ്പെടെ മലയാളികള്‍ക്ക് ഒരു കാഴ്ചസദ്യ ഒരുക്കുകയാണ് ഈ ഷോയിലൂടെ ഏഷ്യാനെറ്റ്. നൂതന സാങ്കേതിക വിദ്യകള്‍ സമന്വയിപ്പിച്ച് ഒരുക്കിയ പടുകൂറ്റൻ സെറ്റിലാണ് പരിപാടിയുടെ ചിത്രീകരണം നടക്കുന്നത്. ഏഷ്യാനെറ്റിന്‍റെ ഹിറ്റ് ഷോ ആയ ബഡായി ബംഗ്ലാവിലൂടെ പ്രേക്ഷകര്‍ക്ക് സുപരിചിതയായ ആര്യയും ധർമജനും വീണ്ടും അവതാരകരായി ഒരുമിക്കുന്നു.
വേറിട്ട ദൃശ്യ ചാരുതയുമായെത്തുന്ന സ്റ്റാര്‍ട്ട് മ്യൂസിക് – ആരാദ്യം പാടും ലോഞ്ചിങ് എപ്പിസോഡ് നവംബർ 14ന് രാത്രി 8മണിക്ക് സംപ്രേഷണം ചെയ്യും. തുടർന്നുള്ള ശനി, ഞായർ ദിവസങ്ങളിൽ രാത്രി 8 .30 നും ഏഷ്യാനെറ്റിൽ സംപ്രേഷണം ചെയ്യും.
