സൗത്ത് കൊറിയൻ ഗേൾ ഗ്രൂപ്പായ ബ്ലാക്ക്പിങ്ക് തങ്ങളുടെ പത്താം വാർഷികം ആഘോഷിക്കുന്ന വേളയിൽ ആരാധകർക്കായി ഇരട്ടി മധുരവുമായി എത്തുകയാണ് ജിസൂ. പുത്തൻ ആൽബം പുറത്തിറങ്ങിയതിനൊപ്പം തന്റെ പുതിയ നെറ്റ്ഫ്ലിക്സ് ഡ്രാമയെക്കുറിച്ചുള്ള വിശേഷങ്ങൾ പങ്കുവെച്ചിരിക്കുകയാണ്.
കെ-പോപ്പ് പ്രശസ്ത ഗേൾ ഗ്രൂപ്പായ 'ബ്ലാക്ക്പിങ്ക്' തങ്ങളുടെ പുതിയ ആൽബം 'ഡെഡ്ലൈൻ' പുറത്തിറക്കിയതിന്റെ ആവേശത്തിലാണ്. ഇതിനിടയിൽ ഗ്രൂപ്പിലെ ഏറ്റവും മുതിർന്ന അംഗമായ ജിസൂ തന്റെ അഭിനയ ജീവിതത്തിലെ പുതിയ നാഴികക്കല്ലായ 'ബോയ്ഫ്രണ്ട് ഓൺ ഡിമാൻഡ്' എന്ന നെറ്റ്ഫ്ലിക്സ് പരമ്പരയെക്കുറിച്ച് മനസ്സ് തുറന്നിരിക്കുകയാണ്. ബ്ലാക്ക്പിങ്ക് ആരാധകർ അഥവാ ബ്ലിങ്ക്സ് ഈ പുതിയ പ്രോജക്റ്റിനെ ഇരുകൈയും നീട്ടി സ്വീകരിക്കുമെന്ന ഉറച്ച വിശ്വാസത്തിലാണ് താരം.
മൂന്ന് വർഷത്തിന് ശേഷം 'ഡെഡ്ലൈൻ'
ഏകദേശം മൂന്ന് വർഷത്തെ ഇടവേളയ്ക്ക് ശേഷമാണ് ബ്ലാക്ക്പിങ്ക് ഒരു മൾട്ടി-ട്രാക്ക് ആൽബം പുറത്തിറക്കുന്നത്. അഞ്ച് ഗാനങ്ങൾ ഉൾപ്പെട്ട ഈ ഇപി ആൽബം കഴിഞ്ഞ വെള്ളിയാഴ്ചയാണ് റിലീസ് ചെയ്തത്. ആൽബത്തിലെ പ്രധാന ഗാനമായ 'ഗോ' ഇതിനോടകം തന്നെ ചാർട്ടുകളിൽ ഇടംപിടിച്ചു കഴിഞ്ഞു. മൂന്ന് മിനിറ്റ് ദൈർഘ്യമുള്ള ഈ ഗാനം ഗ്രൂപ്പിന്റെ ശക്തമായ തിരിച്ചുവരവിനെയാണ് അടയാളപ്പെടുത്തുന്നതെന്നാണ് റിപ്പോർട്ടുകൾ പറയുന്നത്.
'ബ്ലാക്ക്പിങ്കിന്റെ പത്താം വാർഷികമാണിത്. ഇത്രയും നല്ല പാട്ടുകളുമായി മറ്റൊരു ആൽബം കൂടി പുറത്തിറക്കാൻ കഴിഞ്ഞതിൽ എനിക്ക് വലിയ സന്തോഷമുണ്ട്. എല്ലാവർക്കും ഞങ്ങളുടെ പുതിയ സംഗീതം ഇഷ്ടപ്പെടുമെന്ന് ഞങ്ങൾ വിശ്വസിക്കുന്നു,' ജിസൂ ദി ഹോളിവുഡ് റിപ്പോർട്ടിന് നൽകിയ അഭിമുഖത്തിൽ പറഞ്ഞു.
Related Articles
'ബോയ്ഫ്രണ്ട് ഓൺ ഡിമാൻഡ്': ജിസൂവിന്റെ പുതിയ വേഷം
ഗായിക എന്ന നിലയിൽ മാത്രമല്ല, നടി എന്ന നിലയിലും ജിസൂ തിളങ്ങുകയാണ്. നെറ്റ്ഫ്ലിക്സിന്റെ പുതിയ റൊമാന്റിക് കോമഡി പരമ്പരയായ 'ബോയ്ഫ്രണ്ട് ഓൺ ഡിമാൻഡ്' മാർച്ച് 6-ന് സ്ട്രീമിംഗ് ആരംഭിക്കും. ജോലി ഭാരം കൊണ്ട് തളർന്ന സിയോ മി-റേ എന്ന വെബ്ടൂൺ പ്രൊഡ്യൂസറുടെ വേഷത്തിലാണ് ജിസൂ എത്തുന്നത്.
യാഥാർത്ഥ്യത്തിലെ പ്രണയ പരാജയങ്ങളിൽ നിന്ന് രക്ഷപെടാൻ ഒരു വിർച്വൽ ഡേറ്റിംഗ് സിമുലേഷൻ പ്രോഗ്രാം ഉപയോഗിക്കുന്ന കഥാപാത്രമാണ് മി-റേ. തന്റെ സ്വപ്നത്തിലെ ഡേറ്റുകൾ വിർച്വൽ ലോകത്ത് അനുഭവിക്കാൻ അവൾക്ക് ഇതിലൂടെ സാധിക്കുന്നു. പ്രശസ്ത താരം സിയോ ഇൻ-ഗുക്ക് ഈ പരമ്പരയിൽ ജിസൂവിന്റെ സഹപ്രവർത്തകനും എതിരാളിയുമായ പാർക്ക് ക്യോങ്-നാം എന്ന കഥാപാത്രത്തെ അവതരിപ്പിക്കുന്നത്.
