ബംഗാളില് ക്രമസമാധാനം തകര്ന്നിരിക്കുകയാണെന്നും രാഷ്ട്രപതി ഭരണം ഏര്പ്പെടുത്തണമെന്നും സംസ്ഥാനത്ത് ആരും സുരക്ഷിതമല്ലെന്നും എംപി ആരോപിച്ചു.
കൊല്ക്കത്ത: ദ കശ്മീര് ഫയല്സ് (The Kasmir Files) സിനിമ കണ്ട് മടങ്ങുമ്പോള് തനിക്ക് നേരെ ബോംബാക്രമണമുണ്ടായതായി ബംഗാള് ബിജെപി എംപി (Bengal BJP MP) ജനന്നാഥ് സര്ക്കാര് (Jagannath Sarkar). ആക്രമണത്തില് നിന്ന് കഷ്ടിച്ചാണ് രക്ഷപ്പെട്ടതെന്നും എംപി പറഞ്ഞു. റാണാഘട്ട് എംപിയാണ് ആരോപണവുമായി രംഗത്തെത്തിയത്. കശ്മീര് ഫയല്സ് സിനിമ കണ്ട് മടങ്ങുകയായിരുന്നു. ആ സമയമാണ് എന്റെ കാറിന് പിന്നില് ബോംബാക്രമണം നടന്നത്. കഷ്ടിച്ചാണ് അപകടത്തില് നിന്ന് രക്ഷപ്പെട്ടത്. കാര് വേഗതയില് ഓടിയതിനാലാണ് ബോംബ് ആക്രമണത്തില് നിന്ന് രക്ഷപ്പെട്ടതെന്നും അദ്ദേഹം വ്യക്തമാക്കി.
ബംഗാളില് ക്രമസമാധാനം തകര്ന്നിരിക്കുകയാണെന്നും രാഷ്ട്രപതി ഭരണം ഏര്പ്പെടുത്തണമെന്നും സംസ്ഥാനത്ത് ആരും സുരക്ഷിതമല്ലെന്നും എംപി ആരോപിച്ചു. സംസ്ഥാനത്തെ ആക്രമണം അവസാനിപ്പിക്കാന് രാഷ്ട്രപതി ഭരണം ഏര്പ്പെടുത്തുകയല്ലാതെ മാര്ഗമില്ലെന്നും എംപി ആരോപിച്ചു. രാജ്യത്തെ പ്രധാന ചര്ച്ചാ വിഷയങ്ങളിലൊന്നാണ് കശ്മീര് ഫയല്സ്. കശ്മീരി പണ്ഡിറ്റുകളുടെ പലായനമാണ് സിനിമയുടെ വിഷയം. വിവേക് അഗ്നിഹോത്രിയാണ് സിനിമ സംവിധാനം ചെയ്തിരിക്കുന്നത്.
ഹിജാബ് ഉത്തരവ് പുറപ്പെടുവിച്ച ജഡ്ജിമാര്ക്കെതിരെ വധഭീഷണി;3 പേർ അറസ്റ്റിൽ,ജഡ്ജിമാർക്ക് സുരക്ഷ ഒരുക്കും
ബെംഗ്ലൂരു: ഹിജാബ് (Hijab case) കേസില് വിധി (Verdict) പറഞ്ഞ ജഡ്ജിക്കെതിരെ വധഭീഷണി (Death threat) മുഴക്കിയ മൂന്ന് പേർ അറസ്റ്റിൽ. ഹീത് ജമാഅത്ത് പ്രവർത്തകരാണ് അറസ്റ്റിലായത്. തമിഴ്നാട് തൗഹീത് ജമാഅത്ത് പ്രവർത്തരാണ് പിടിയിലായത്. ജഡ്ജിമാർക്ക് വൈ കാറ്റഗറി സുരക്ഷ ഏർപ്പെടുത്താൻ തീരുമാനിച്ചെന്ന് കർണാടക മുഖ്യമന്ത്രി അറിയിച്ചു. ജഡ്ജിമാരുടെ വസതിയിലും സുരക്ഷ വർധിപ്പിക്കും. ജഡ്ജിമാർക്ക് നിരവധി ഭീഷണി സന്ദേശങ്ങൾ ലഭിച്ചുവെന്നും ഇത് പുരോഗമന സമൂഹത്തിന് യോജിച്ചതല്ലെന്നും കർണാടക മുഖ്യമന്ത്രി കൂട്ടിച്ചേര്ത്തു.
മാര്ച്ച് 15നാണ് കര്ണാടകയിലെ ഹിജാബ് കേസില് കര്ണാടക ഹൈക്കോടതി വിധി പറഞ്ഞത്. ഹിജാബ് മതപരമായി നിര്ബന്ധമല്ലെന്നും വിദ്യാലയങ്ങളില് ഹിജാബ് നിരോധിച്ച സര്ക്കാര് നടപടി തുടരാമെന്നുമാണ് ഹൈക്കോടതി വ്യക്തമാക്കിയത്. ഹൈക്കോടതി വിധിക്കെതിരെ കര്ണാടകയിലും തമിഴ്നാട്ടിലും മതസംഘടനകള് പ്രതിഷേധവുമായി രംഗത്തെത്തി. മധുരൈയിലെ യോഗത്തില് തമിഴ്നാട് തൗഹീദ് ജമാഅത്ത് ഓഡിറ്റിങ് കമ്മിറ്റി അംഗം കോവൈ റഹ്മത്തുള്ള നടത്തിയ പ്രസംഗം സോഷ്യല്മീഡിയയില് പ്രചരിച്ചിരുന്നു. തെറ്റായ വിധി പ്രസ്താവിച്ച ജഡ്ജി ഝാര്ഖണ്ഡില് പ്രഭാത സവാരിക്കിടെ കൊല്ലപ്പെട്ടത് ചൂണ്ടിക്കാട്ടിയായിരുന്നു റഹ്മത്തുള്ളയുടെ പ്രസംഗം. വിധി പറഞ്ഞ ജഡ്ജിമാര്ക്ക് എന്തെങ്കിലും സംഭവിച്ചാല് ബിജെപി നമ്മളെ കുറ്റപ്പെടുത്തുമെന്നും സമുദായത്തില് വൈകാരികമായി പ്രതികരിക്കുന്നരുണ്ടെന്നും റഹ്മത്തുള്ള പ്രസംഗിച്ചു.
തുടര്ന്ന് പൊലീസ് കേസെടുത്തു. തമിഴ്നാട് തൗഹീദ് ജമാഅത്ത് ജില്ലാ പ്രസിഡന്റ് ഹബീബുല്ലക്കെതിരെയും കേസ് രജിസ്റ്റര് ചെയ്തു. കര്ണാടക ഹൈക്കോടതി ജഡ്ജിമാര്, പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, യുപി മുഖ്യമന്ത്രി യോഗി ആദിത്യനാഥ് എന്നിവര്ക്കെതിരെ അപകീര്ത്തികരമായ പരാമര്ശം നടത്തിയതിന് റാജിക് മുഹമ്മദ് എന്നയാള്ക്കെതിരെയും കേസെടുത്തു.
