തമ്പി സംവിധാനം ചെയ്ത് ബിജു മേനോൻ നായകനായ 'അവറാച്ചൻ ആൻഡ് സൺസ്' മികച്ച പ്രേക്ഷക പ്രതികരണത്തോടെ വൻ വിജയത്തിലേക്ക് കുതിക്കുന്നു. ലിസ്റ്റിൻ സ്റ്റീഫൻ നിർമ്മിച്ച ഈ ചിത്രം തിയേറ്ററുകളിൽ ഹൗസ് ഫുൾ ഷോകളുമായി ബുക്ക് മൈ ഷോയിലും ട്രെൻഡിങ്ങിലാണ്.
ബിജു മേനോനെ നായകനാക്കി തമ്പി സംവിധാനം ചെയ്ത അവറാച്ചൻ ആൻഡ് സൺസിന് ഗംഭീര പ്രേക്ഷക പ്രതികരണങ്ങളാണ് ലഭിക്കുന്നത്. ലിസ്റ്റിൻ സ്റ്റീഫൻ അവതരിപ്പിക്കുന്ന ചിത്രം വീക്കെൻഡിൽ ഹൗസ് ഫുൾ, ഫാസ്റ്റ് ഫില്ലിംഗ് ഷോകളുമായി വൻ വിജയത്തിലേക്ക് മുന്നേറുകയാണ്. റിലീസ് ചെയ്ത ദിവസം മുതൽ ബുക്ക് മൈ ഷോയിലെ ടിക്കറ്റ് വിൽപ്പനയുടെ ട്രെൻഡിങ് ലിസ്റ്റിലും ചിത്രം മുന്നിലാണ്.
ഇപ്പോഴിതാ ചിത്രത്തിന്റെ വിജയത്തിൽ അഭിനന്ദനങ്ങളുമായി പൃഥ്വിരാജ്, മഞ്ജു വാര്യർ, സുരാജ് വെഞ്ഞാറമൂട് എന്നിവർ വീഡിയോയിലൂടെ ആശംസകൾ അറിയിച്ചു. ചിത്രം കണ്ടതിന് ശേഷം ലിസ്റ്റിൻ സ്റ്റീഫൻ നിർമ്മിച്ച “അവറാച്ചൻ ആൻഡ് സൺസ്” മികച്ച ചിത്രമാണെന്നും, ബിജു മേനോന്റെയും സഹതാരങ്ങളുടെയും ഗംഭീര പ്രകടനവും നർമ്മരംഗങ്ങളും കുടുംബപ്രേക്ഷകർക്ക് ചിത്രത്തെ പ്രിയപ്പെട്ടതാക്കുന്നുവെന്നും താരങ്ങൾ അഭിപ്രായപ്പെട്ടു.
ബിജു മേനോനോടൊപ്പം ശ്രീനാഥ് ഭാസി, ഗണപതി, വിനയ് ഫോർട്ട്, ജോണി ആന്റണി, ഗ്രേസ് ആന്റണി, അഖില ഭാർഗവൻ, പൗളി വത്സൻ, സാബുമോൻ, കോട്ടയം നസീർ, വിനീത് തട്ടിൽ, സാജൻ പള്ളുരുത്തി, ആഷിഖ് ഖാലിദ്, സുധി കോപ്പ, സജിൻ ചെറുകയിൽ, ഷാജു ശ്രീധർ, നിഷ സാരംഗ് തുടങ്ങി വൻ താരനിരയാണ് ചിത്രത്തിലുള്ളത്. ജോസഫ് വിജീഷും തമ്പിയും ചേർന്നാണ് തിരക്കഥ ഒരുക്കിയത്. സജിത് പുരുഷൻ ഛായാഗ്രഹണം നിർവഹിച്ച ചിത്രത്തിന്റെ എഡിറ്റിംഗ് ആകാശ് ജോസഫ് വർഗീസും സംഗീതം സനൽ ദേവും നിർവഹിക്കുന്നു. സൗത്ത് ഫ്രെയിംസ് എന്റർടൈൻമെന്റാണ് മാർക്കറ്റിംഗ്, ഒബ്സ്ക്യൂറ എന്റർടൈൻമെന്റ് ഡിജിറ്റൽ മാർക്കറ്റിംഗ്, അഡ്വെർടൈസിങ് : ബ്രിങ്ഫോർത്ത്, ടെൻ പോയിന്റ് പബ്ലിസിറ്റി ഡിസൈൻ, പി ആർ ഓ :പ്രതീഷ് ശേഖർ എന്നിവരാണ് മറ്റ് അണിയറപ്രവര്‍ത്തകര്‍.
Related Articles
