ബോളിവുഡിന് തുണയായ 'ബ്രഹ്മാസ്ത്ര'; ടെലിവിഷൻ പ്രീമിയർ പ്രഖ്യാപനം
ഹിന്ദി, തമിഴ്, തെലുങ്ക്, മലയാളം, കന്നഡ ഭാഷകളിൽ ആണ് ചിത്രം റിലീസ് ചെയ്തത്.
രണ്ബീര് കപൂർ നായകനായി എത്തി ബോക്സ് ഓഫീസിൽ മികച്ച വിജയം സ്വന്തമാക്കിയ സിനിമയാണ് 'ബ്രഹ്മാസ്ത്ര'. ഫാന്റസി ആക്ഷന് അഡ്വഞ്ചര് ചിത്രത്തിന്റെ രചനയും സംവിധാനവും നിർവഹിച്ചത് അയന് മുഖര്ജിയാണ്. ഇപ്പോഴിതാ ചിത്രത്തിന്റെ ടെലിവിഷൻ പ്രിമിയർ പ്രഖ്യാപിച്ചിരിക്കുക ആണ് അണിയറ പ്രവർത്തകർ. ഏഷ്യാനെറ്റിൽ ആണ് ബ്രഹ്മാസ്ത്രയുടെ മലയാളം പ്രീമിയർ. മാർച്ച് 26 ഞായറാഴ്ച 3.30ന് ചിത്രം സംപ്രേക്ഷണം ആരംഭിക്കും.
കരൺ ജോഹറിന്റെ ധർമ്മ പ്രൊഡക്ഷൻസ്, ഫോക്സ് സ്റ്റാർ സ്റ്റുഡിയോസ്, നമിത് മൽഹോത്ര എന്നിവർ ചേർന്നാണ് അയാൻ മുഖർജിയുടെ ഡ്രീം പ്രൊജക്റ്റായ ഈ ബിഗ് ബജറ്റ് ചിത്രം നിർമിക്കുന്നത്. ചിത്രത്തിന് മൂന്നുഭാഗങ്ങള് ഉണ്ടാകുമെന്ന് നേരത്തെ റിപ്പോർട്ടുകൾ വന്നിരുന്നു. ഹിന്ദി, തമിഴ്, തെലുങ്ക്, മലയാളം, കന്നഡ ഭാഷകളിൽ ആണ് ചിത്രം റിലീസ് ചെയ്തത്.
റിലീസ് ദിനത്തില് ചിത്രം നേടിയ ആഗോള ഗ്രോസ് 75 കോടിയാണെന്നാണ് കരണ് ജോഹര് പുറത്തുവിട്ട കണക്ക്. ഒരു പ്രവര്ത്തി ദിനത്തില് പുറത്തെത്തിയ ബോളിവുഡ് ചിത്രത്തെ സംബന്ധിച്ച് ഈ ആദ്യദിന ആഗോള ഗ്രോസ് എന്നത് എക്കാലത്തെയും റെക്കോര്ഡ് ആണെന്ന് ട്രേഡ് അനലിസ്റ്റുകൾ പറഞ്ഞിരുന്നു.
അസ്ത്രാവേഴ്സ് ഫ്രാഞ്ചൈസിയെക്കുറിച്ച് അയന് മുഖര്ജി പറഞ്ഞത്
ഇന്ത്യന് പുരാണങ്ങളുമായി ബന്ധപ്പെട്ട വിവിധ അസ്ത്രങ്ങളുടെ സങ്കല്പ്പങ്ങളെ അധികരിച്ച് സൃഷ്ടിക്കുന്ന സിനിമാ ഫ്രാഞ്ചൈസിയാണ് അസ്ത്രാവേഴ്സ്. വാനരാസ്ത്ര, നന്ദി അസ്ത്ര, പ്രഭാസ്ത്ര, ജലാസ്ത്ര, പവനാസ്ത്ര, ബ്രഹ്മാസ്ത്ര എന്നിങ്ങനെയാണ് ആ അസ്ത്രവേഴ്സ്. ഇതിലെ ആദ്യ ഭാഗമാണ് ബ്രഹ്മാസ്ത്ര പാര്ട്ട് 1- ശിവ. ഹിമാലയന് താഴ്വരയില് ധ്യാനത്തില് ഏര്പ്പെട്ടിരിക്കുന്ന ഒരുകൂട്ടം യോഗികളില് നിന്നാണ് ഈ ഫ്രാഞ്ചൈസിയുടെ തുടക്കം. യോഗികളുടെ ധ്യാനത്തില് സന്തുഷ്ടരായ ദേവകളുടെ സമ്മാനമായാണ് വിവിധ അസ്ത്രങ്ങള് ലോകര്ക്ക് ലഭിക്കുന്നത്. പഞ്ചഭൂതങ്ങളെ അധികരിച്ചുള്ളതാണ് ഈ അസ്ത്രങ്ങള്. ഇക്കൂട്ടത്തില് ഏറ്റവും ശക്തിയേറിയതാണ് ബ്രഹ്മാസ്ത്ര. ഈ അസ്ത്രങ്ങളുടെ സംരക്ഷകരുടെ സമൂഹമാണ് ബ്രഹ്മാഞ്ജ്. സമൂഹത്തിന്റെ നന്മയ്ക്കുവേണ്ടി പ്രവര്ത്തിക്കുന്ന ഒരു രഹസ്യ സമൂഹം കൂടിയാണ് ഇത്. മാറിയ ലോകത്തും ഈ ബ്രഹ്മാഞ്ജ് ഇന്നും നിലനില്ക്കുന്നുവെന്നാണ് ഈ ഫ്രാഞ്ചൈസി പറയുന്നത്. ബ്രഹ്മാസ്ത്ര പാര്ട്ട് 1 ശിവയില് രണ്ബീര് കപൂര് അവതരിപ്പിക്കുന്ന നായകന് സ്വയമേവ ഒരു അസ്ത്രമാണ്.
നിങ്ങൾ ബിഗ് ബോസ് ഫാൻ ആണോ ? എങ്കിൽ മോഹൻലാലിനെയും പ്രിയ മത്സരാർത്ഥിയെയും കാണാം; ചെയ്യേണ്ടത്