'ലാല് സലാമി'ല് നിന്ന് പിൻമാറുന്നതിന്റെ കാരണവും വ്യക്തമാക്കി പൂര്ണിമ രാമസ്വാമി.
സ്റ്റൈല് മന്നൻ രജനികാന്തിന്റെ മകള് ഐശ്വര്യ സംവിധാനം ചെയ്യുന്നുവെന്നതിനാല് വാര്ത്താപ്രാധാന്യം നേടിയ ചിത്രമാണ് 'ലാല് സലാം'. രജനികാന്തും അതിഥി വേഷത്തില് എത്തുന്ന ചിത്രത്തില് വിഷ്ണു വിശാലും വിക്രാന്തുമാണ് പ്രധാന കഥാപാത്രങ്ങളാകുന്നു. ചിത്രത്തിന്റെ അപ്ഡേറ്റുകള്ക്ക് ഓണ്ലൈനില് വലിയ സ്വീകാര്യതയും ലഭിക്കാറുണ്ട്. ഇപ്പോഴിതാ 'ലാല് സലാം' എന്ന ചിത്രത്തില് നിന്ന് കോസ്റ്റ്യൂം ഡിസൈനര് പൂര്ണിമ രാമസ്വാമി പിൻമാറിയെന്ന നിരാശപ്പെടുത്തുന്ന വാര്ത്തയാണ് പുറത്തുവരുന്നത്.
'ലാല് സലാ'മിന്റെ പ്രി പ്രൊഡക്ഷൻ ഘട്ടത്തില് അഭിപ്രായ വ്യത്യാസത്തെ തുടര്ന്ന് താൻ പിൻമാറിയതായി 'സൂരരൈ പൊട്ര്' കോസ്റ്റ്യൂം ഡിസൈനറായ പൂര്ണിമ രാമസ്വാമി തന്നെയാണ് അറിയിച്ചിരിക്കുന്നത്. ധനുഷ് നായകനായി '3'ഉം 'വെയ് രാജ വെയ്' എന്ന സിനിമയും ഐശ്വര്യ രജനികാന്ത് നേരത്തെ സംവിധാനം ചെയ്തിട്ടുണ്ട്. 'സിനിമ വീരൻ' എന്ന ഡോക്യുമെന്ററിയും സംവിധാനം ചെയ്തു. ഐശ്വര്യ രജനികാന്ത് 'സ്റ്റാൻഡിംഗ് ഓണ് ആൻ ആപ്പിള് ബോക്സ്: ദ സ്റ്റോറി ഓഫ് എ ഗേള് എമംഗ് ദ സ്റ്റാര്' എന്ന പുസ്തകവും ഐശ്വര്യ രജനികാന്ത് എഴുതിയിട്ടുണ്ട്. ലൈക്ക പ്രൊഡക്ഷൻസ് ആണ് ഐശ്വര്യ രജനികാന്ത് സംവിധാനം ചെയ്യുന്ന പുതിയ സിനിമ നിര്മിക്കുന്നത്.
സിരുത്തൈ ശിവ സംവിധാനം ചെയ്ത 'അണ്ണാത്തെ' എന്ന സിനിമയാണ് രജനികാന്ത് നായകനായി ഏറ്റവും ഒടുവില് പ്രദര്ശനത്തിന് എത്തിയത്. നെല്സണ് സംവിധാനം ചെയ്യുന്ന 'ജയിലര്' എന്ന ചിത്രത്തിലാണ് രജനികാന്ത് ഇപ്പോള് അഭിനയിക്കുന്നത്. രമ്യാ കൃഷ്ണനും ചിത്രത്തില് കരുത്തുറ്റ കഥാപാത്രമായി എത്തും. ഒരു ജയിലറുടെ വേഷത്തിലാണ് ചിത്രത്തില് രജനി എത്തുക.
രജനികാന്തിന്റെ 'ജയിലര്' ആക്ഷന് ഡ്രാമ ചിത്രമാണ് എന്നതിനാല് ആരാധകര് ആകാംക്ഷയോടെ കാത്തിരിക്കുകയാണ്. അനിരുദ്ധ് രവിചന്ദര് ചിത്രത്തിന് സംഗീതം പകരുന്നു. വിജയ് കാര്ത്തിക് കണ്ണന് ആണ് ഛായാഗ്രാഹണം നിര്ഹിക്കുന്നത്. തിരക്കഥയില് തന്റേതായ സ്വാതന്ത്ര്യമെടുക്കാന് നെല്സണിന് രജനീകാന്ത് അനുവാദം നല്കിയിരുന്നുവെന്ന് നേരത്തെ റിപ്പോര്ട്ടുകള് എത്തിയിരുന്നു.
Read More: 'വാരിസി'ന്റെ വിജയമാഘോഷിച്ച് വിജയ്, പുതിയ ചിത്രത്തിലെ ലുക്കെന്ന് ആരാധകര്
