ഹരിദാസ് സംവിധാനം ചെയ്ത് ഷൈന് ടോം ചാക്കോ നായകനാകുന്ന 'ഡാന്സാഫ്' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി.
മലയാള സിനിമയിൽ ഒരു പിടി മികച്ച ചിത്രങ്ങൾ ഒരുക്കിയ ഹരിദാസ് സംവിധാനം ചെയ്യുന്ന പുതിയ ചിത്രമാണ് ഡാന്സാഫ്. ഷൈന് ടോം ചാക്കോ നായക കഥാപാത്രത്തെ അവതരിപ്പിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തെത്തി. തലയിൽ തൊപ്പി ധരിച്ച് മുഖം കുനിച്ചു നിന്ന് പിസ്റ്റള് ലോഡ് ചെയ്യുകയാണ് പോസ്റ്ററില് ഷൈൻ ടോം ചാക്കോ. പ്രമുഖ താരങ്ങളായ ടൊവിനോ തോമസ്, മഞ്ജു വാര്യർ, ആസിഫ് അലി എന്നിവരുടെ ഒഫിഷ്യൽ പേജുകളിലൂടെയാണ് ഫസ്റ്റ് ലുക്ക് പ്രകാശനം ചെയ്തത്.
പുത്തൻ തലമുറയുടെ വികാര വിചാരങ്ങൾക്കൊപ്പം സഞ്ചരിച്ചുകൊണ്ടാണ് ഹരിദാസ് തൻ്റെ പുതിയ ചിത്രം അവതരിപ്പിക്കുന്നത്. ലഹരി വിരുദ്ധ പോരാട്ടത്തിനായി കേരള സർക്കാർ രൂപം കൊടുത്ത ഒരു വിഭാഗമാണ് ഡാൻസാഫ്. ഈ സംഘത്തിൻ്റെ ടീം ക്യാപ്റ്റനാണ് ചിത്രത്തില് ഷൈൻ ടോം ചാക്കോ അവതരിപ്പിക്കുന്ന കഥാപാത്രം. നീതി നടപ്പാക്കാൻ എൻകൗണ്ടർ രീതി നടപ്പാക്കുന്ന യുവ പൊലീസ് ഉദ്യോഗസ്ഥൻ പ്രേക്ഷകരെ ഏറെ സ്വാധിനിക്കുമെന്നതിൽ സംശയമില്ല. എൻവിപി ക്രിയേഷൻസിൻ്റെ ബാനറിൽ മുഹമ്മദ് ഷാഫിയാണ് ഈ ചിത്രം നിർമ്മിക്കുന്നത്. ഉണ്ണി ലാലു, അരുൺ (ഫോർ ദി പീപ്പിൾ ഫെയിം), ജോയ് മാത്യു, ജാഫർ ഇടുക്കി, ജിയോ ബേബി, ശാന്തി കൃഷ്ണ, സൂര്യ കൃഷ് (പൊങ്കാല ഫെയിം), ജെയ്സ് ജോസ്, നവാസ് വള്ളിക്കുന്ന്, കലാമണ്ഡലം പാർവ്വതി, പ്രശസ്ത സോഷ്യൽ മീഡിയ താരം ജീവ ജോസഫ്, ജയേഷ് പുന്നശ്ശേരി, അങ്കിത്, അമൽ, സുൽത്താൻ, രാഹുൽ, സതീഷ് നമ്പ്യാർ, മിന്നൽ രെജി, അഫ്രിൻ കല്ലൻ, വിനോദ് ആൻ്റണി, ചൈത്ര പര്വീണ്, ആതിര പട്ടേൽ, ആരതി വിശ്വനാഥ് എന്നിവരും ഈ ചിത്രത്തിലെ പ്രധാന താരങ്ങളാണ്.
തിരക്കഥ ഋഷി ഹരിദാസ്, ജിതിൻ രാജ് സി, സംഗീതം സെയ്ദ് അബ്ബാസ്, ഛായാഗ്രഹണം എൽബൻ കൃഷ്ണ, എഡിറ്റിംഗ് ശ്യാം ശശിധരൻ, കലാസംവിധാനം സുജിത് രാഘവ്, മേക്കപ്പ് ലാലു കൂട്ടാളിട, കോസ്റ്റ്യൂം ഡിസൈൻ അഫ്രിൻ കല്ലൻ, ചീഫ് അസോസിയേറ്റ് ഡയറക്ടർ ഗിരീഷ് മാരാർ, അസോസിയേറ്റ് ഡയറക്ടർ നവനീത് കൃഷ്ണ, സ്റ്റിൽസ് ഷിബി ശിവദാസ്, ഡിസൈൻ കോളിൻസ് ലിയോഫിൽ, ഫിനാൻസ് കൺട്രോളർ കാത്തിം ബാവ തുറക്കൽ, പ്രൊഡക്ഷൻ എക്സിക്യൂട്ടീവ്സ് ഷെമീജ് കൊയിലാണ്ടി, അഫ്സൽ, പ്രൊഡക്ഷൻ കൺട്രോളർ ഗിരീഷ് അത്തോളി. കോഴിക്കോട്, മുക്കം, തിരുവാമ്പാടി, കൂടരഞ്ഞി പുല്ലുരാമ്പാറ, കൂമ്പാറ എന്നിവിടങ്ങളിലായി ചിത്രീകരണം പൂർത്തിയായ ഈ ചിത്രത്തിൻ്റെ പോസ്റ്റ് പ്രൊഡക്ഷൻ ജോലികൾ പുരോഗമിക്കുന്നു. പിആര്ഒ വാഴൂർ ജോസ്.
