ചിത്രം ജൂലൈ 22ന് പ്രേക്ഷകർക്ക് മുന്നിലെത്തും.
പ്രഖ്യാപന സമയം മുതൽ ശ്രദ്ധനേടിയ ഫഹദ് ഫാസിൽ(Fahadh Faasil) ചിത്രമാണ് 'മലയൻകുഞ്ഞ്'(Malayankunju). നവാഗതനായ സജിമോന് പ്രഭാകര് (Sajimon Prabhakar) സംവിധാനം ചെയ്ത ചിത്രം ജൂലൈ 22ന് പ്രേക്ഷകർക്ക് മുന്നിലെത്തും. ഇപ്പോഴിതാ ചിത്രത്തിന്റെ പുതിയ അപ്ഡേറ്റ് പുറത്തുവിട്ടിരിക്കുകയാണ് അണിയറ പ്രവർത്തകർ. 'മലയൻകുഞ്ഞി'ന്റെ രണ്ടാം ട്രെയിലർ നാളെ എത്തുമെന്നാണ് അറിയിച്ചിരിക്കുന്നത്.
നാളെ വൈകുന്നേരം 6 മണിക്കാകും 'മലയൻകുഞ്ഞ്' രണ്ടാം ട്രെയിലർ എത്തുക. ഇക്കാര്യം അനൗൺസ് ചെയ്ത് കൊണ്ടുള്ള പോസ്റ്ററും പുറത്തുവിട്ടിട്ടുണ്ട്. മുൻപ് പുറത്തിറങ്ങിയ ആദ്യ ട്രെയിലറിന് മികച്ച പ്രതികരണമാണ് പ്രേക്ഷകരിൽ നിന്നും ലഭിച്ചത്. വ്യത്യസ്തമായ പാത്രസൃഷ്ടിയും കഥാപരിസരവുമാണ് ചിത്രത്തിന്റേതെന്നാണ് ട്രെയിലർ നൽകിയ സൂചന. ചിത്രത്തിന്റെ രചനയും ഛായാഗ്രഹണവും മഹേഷ് നാരായണനാണ്. ഫാസില് നിര്മ്മിക്കുന്നു എന്ന പ്രത്യേകതയുമുണ്ട്.
രജിഷ വിജയന് നായികയാവുന്ന ചിത്രത്തില് ഇന്ദ്രന്സ്, ജാഫര് ഇടുക്കി, ദീപക് പറമ്പോല് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. എ ആര് റഹ്മാന് സംഗീതം പകരുന്നു എന്നതും പ്രത്യേകതയാണ്. അര്ജു ബെന് ആണ് എഡിറ്റിംഗ്. പ്രൊഡക്ഷന് ഡിസൈന് ജ്യോതിഷ് ശങ്കര്, പ്രൊഡക്ഷന് കണ്ട്രോളര് ബെന്നി കട്ടപ്പന, സൗണ്ട് ഡിസൈന് വിഷ്ണു ഗോവിന്ദും ശ്രീശങ്കറും ചേര്ന്ന്, സിങ്ക് സൗണ്ട് വൈശാഖ് പി വി, മേക്കപ്പ് രഞ്ജിത്ത് അമ്പാടി, വസ്ത്രാലങ്കാരം ധന്യ ബാലകൃഷ്ണന്, സെഞ്ചുറി റിലീസ് തിയറ്ററുകളിലെത്തിക്കും.
'മലയന്കുഞ്ഞ്' ഒടിടിയില് അല്ല, തിയറ്ററില്ത്തന്നെ; റിലീസ് തീയതി പ്രഖ്യാപിച്ചു
കഴിഞ്ഞ ദിവസം ചിത്രത്തിന്റേതായി പുറത്തിറങ്ങിയ ഗാനം ഏറെ ശ്രദ്ധനേടിയിരുന്നു. എ ആർ റഹ്മാൻ ആണ് സംഗീത സംവിധാനം. വിജയ് യേശുദാസ് ആണ് ഗാനം ആലപിച്ചിരിക്കുന്നത്. ഗാനത്തിന് വരികൾ എഴുതിയിരിക്കുന്നത് വിനായക് ശശികുമാർ ആണ്. വർഷങ്ങൾക്ക് ശേഷമാണ് എ ആർ റഹ്മാൻ വീണ്ടും ഒരു മലയാളം ചിത്രത്തിനായി സംഗീതം ഒരുക്കുന്നത്. 'യോദ്ധ'യാണ് ഇതിന് മുൻപ് അദ്ദേഹം സംഗീതം നിർവഹിച്ച മലയാളം സിനിമ.
