Asianet News MalayalamAsianet News Malayalam

'എന്റെ വേണു, നിങ്ങളുടെ വേർപാട് സത്യമോ മിഥ്യയോ?'; കുറിപ്പുമായി സംവിധായകൻ ഭദ്രൻ

ഈ മാസം പതിനെന്നിനാണ് നെടുമുടി വേണു മരിച്ചത്.

film maker bhadran post about late nedumudi venu
Author
Kochi, First Published Oct 18, 2021, 9:23 AM IST
  • Facebook
  • Twitter
  • Whatsapp

ല്ലാ സിനിമ പ്രേമികളെയും ഒരുപോലെ ദുഃഖത്തിലാഴ്ത്തിയാണ് അതുല്യകലാകാരൻ നെടുമുടി വേണു(nedumudi venu) കാലയവനികയ്ക്കുള്ളിൽ മറഞ്ഞത്. ഇനിയും ചെയ്യാൻ ഏറെ കഥാപാത്രങ്ങൾ ബാക്കിവച്ച് നടൻ യാത്രയായത് ഇപ്പോഴും വിശ്വസിക്കാൻ ആയിട്ടില്ല സംവിധായകൻ(director) ഭ​ദ്രന്(bhadran). ഇപ്പോഴിതാ നെടുമുടി വേണുവിനെ കുറിച്ച് ഭദ്രൻ എഴുതിയ വാക്കുകൾ ശ്രദ്ധനേടുകയാണ്. മലയാളത്തിലെ എക്കാലത്തെയും ഹിറ്റ് ചിത്രമായ 'സ്ഫടിക'ത്തിലെ വാക്കുകൾ ഉദ്ധരിച്ച് കൊണ്ടായിരുന്നു ഭദ്രന്റെ കുറിപ്പ്.  

"എന്റെ വേണു, നിങ്ങളുടെ വേർപാട് സത്യമോ മിഥ്യയോ? എനിക്ക് ഇത്രയും ദിവസങ്ങൾ കഴിഞ്ഞിട്ടും വിശ്വസിക്കാനാകുന്നില്ല... ആ തിക്കുമുട്ടലിൽ ഞാൻ ഓർത്തുപോകുന്നു... അങ്ങയുടെ സംഭാവന ആയിരുന്നു സ്പടികത്തിലെ ആ രണ്ടു വാക്കുകൾ."ചുവപ്പിന് ചോര എന്നുകൂടി അർത്ഥമുണ്ട് മാഷേ..."ആ വാക്കുകൾ എഴുതി ചേർത്തപ്പോൾ വേണു അറിഞ്ഞിരുന്നില്ല ചാക്കോ മാഷിന്റെ അന്ത്യം വെടി കൊണ്ട് കൊല്ലപ്പെടാൻ ആയിരുന്നുവെന്ന്.
പ്രണാമം", എന്നാണ് ഭദ്രൻ കുറിച്ചത്. 

ഈ മാസം പതിനെന്നിനാണ് നെടുമുടി വേണു മരിച്ചത്. ഉദരസംബന്ധമായ അസുഖത്തെ തുടർന്ന് ആശുപത്രിയിൽ ചികിത്സയിൽ ഇരിക്കെ ആയിരുന്നു അന്ത്യം. ഇന്ത്യൻ സിനിമയിലെ ഏറ്റവും പ്രതിഭാധനരായ അഭിനേതാക്കളിൽ ഒരാളെയാണ് നെടുമുടി വേണുവിൻ്റെ വിയോഗത്തോടെ ചലച്ചിത്ര ലോകത്തിന് നഷ്ടമായത്.

Follow Us:
Download App:
  • android
  • ios