വരുണ് ധവാനാണ് ചിത്രത്തിലെ നായകൻ.
കൃതി സനോണ് നായികയാകുന്ന പുതിയ ചിത്രമാണ് 'ഭേഡിയ'. വരുണ് ധവാൻ ആണ് ചിത്രത്തിലെ നായകൻ. നവംബര് 25ന് ആണ് ചിത്രം റിലീസ് ചെയ്യുക. ഇപ്പോഴിതാ 'ഭേഡിയ' എന്ന ചിത്രത്തിലെ കൃതി സനോണിന്റെ ഫസ്റ്റ് ലുക്ക് പുറത്തുവിട്ടിരിക്കുകയാണ്.
'ഡോ. അനിക' എന്ന കഥാപാത്രമായിട്ടാണ് ചിത്രത്തില് കൃതി സനോണ് അഭിനയിക്കുന്നത്. അമര് കൗശിക് ആണ് ചിത്രം സംവിധാനം ചെയ്യുന്നത്. ജിഷ്ണു ഭട്ടചാര്ജിയാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. സച്ചിൻ- ജിഗാര് ചിത്രത്തിന്റെ സംഗീത സംവിധാനം നിര്വഹിക്കുന്നു. ചിത്രത്തിന്റെ ട്രെയിലര് ഒക്ടോബര് 19ന് പുറത്തുവിടുമെന്നാണ് അറിയിച്ചിരിക്കുന്നത്. 'ഭേഡിയ'യില് 'ഭാസ്കര്' എന്ന കഥാപാത്രമായിട്ടാണ് വരുണ് ധവാൻ അഭിനയിക്കുന്നത്. കഴിഞ്ഞ ദിവസം വരുണ് ധവാന്റെ ഫസ്റ്റ് ലുക്ക് പുറത്തുവിട്ടിരുന്നു.
ദീപക് ദൊബ്രിയാല്, അഭിഷേക് ബാനര്ജി എന്നിവരും ചിത്രത്തിലുണ്ടാകും. ദിനേശ് വിജനാണ് നിര്മാണം. ഹൊറര്- കോമഡി യുണിവേഴ്സില് ദിനേശ് വിജന്റെ മൂന്നാം ചിത്രമാണ് ഇത്. 2018ലെ 'സ്ത്രീ', 2021ലെ 'രൂഹി' എന്നീ ചിത്രങ്ങളുടെ ഭാഗമാണ് ഇത്.
'ജഗ്ജഗ്ഗ് ജിയോ' ആണ് വരുണ് ധവാൻ നായകനായി ഏറ്റവും ഒടുവില് പ്രദര്ശനത്തിന് എത്തിയ ചിത്രം. അനില് കപൂറും പ്രധാന വേഷത്തില് എത്തിയ ചിത്രം രാജ് മേഹ്തയായിരുന്നു സംവിധാനം ചെയ്തത്. 2022 ജൂണ് 24ന് ആണ് ചിത്രം റിലീസ് ചെയ്തത്. കൃതി സനോണ് നായികയായി ഏറ്റവും ഒടുവില് പ്രദര്ശനത്തിന് എത്തിയ ചിത്രം 'ഹീറോപന്തി 2'വാണ്. ആക്ഷൻ ഹീറോ ടൈഗര് ഷ്രോഫ് ആണ് ചിത്രത്തില് നായകനായി എത്തിയത്. അഹമ്മദ് ഖാനാണ് ചിത്രം സംവിധാനം ചെയ്തത്. എ ആര് റഹ്മാനാണ് സംഗീത സംവിധാനം നിര്വഹിച്ചത്.
Read More: എസ് എസ് രാജമൗലിയുടെ സംവിധാനത്തിലുള്ള പുതിയ ചിത്രത്തില് കാര്ത്തിയും
