തുണി അലക്കി വിരിച്ച് ‘പ്രവീണ് മൈക്കിള്‘; ‘നായാട്ട്’പോസ്റ്ററുമായി ചാക്കോച്ചന്
ഏപ്രില് എട്ടിനാണ് ചിത്രം തിയേറ്ററുകളിലെത്തുന്നത്. നിമിഷ സജയന്, കുഞ്ചാക്കോ ബോബന്, ജോജു വര്ഗീസ് എന്നിവരാണ് നായാട്ടില് പ്രധാന കഥാപാത്രങ്ങളായെത്തുന്നത്.
സൂപ്പർ ഹിറ്റ് ചിത്രം ചാര്ലിക്ക് ശേഷം മാര്ട്ടിന് പ്രക്കാട്ട് സംവിധാനം ചെയ്യുന്ന പുതിയ ചിത്രം നായാട്ടിന്റെ പുതിയ പോസ്റ്റര് പുറത്തിറങ്ങി. കുഞ്ചാക്കോ ബോബനാണ് പുതിയ പോസ്റ്റര് ഫേസ്ബുക്കില് പങ്കുവെച്ചത്. തുണി വിരിക്കുന്ന ചാക്കോച്ചനാണ് പോസ്റ്ററിലുള്ളത്. ചിത്രത്തില് പ്രവീണ് മൈക്കിള് എന്നാണ് ചാക്കോച്ചന്റെ പേര്.
ഏപ്രില് എട്ടിനാണ് ചിത്രം തിയേറ്ററുകളിലെത്തുന്നത്. നിമിഷ സജയന്, കുഞ്ചാക്കോ ബോബന്, ജോജു വര്ഗീസ് എന്നിവരാണ് നായാട്ടില് പ്രധാന കഥാപാത്രങ്ങളായെത്തുന്നത്. പൊലീസ് കഥാപാത്രങ്ങളായാണ് മൂവരും എത്തുന്നത്.
Praveen Michael.... without some kalippu☺️☺️ .....NAYATTU @ April 8th...... #Nayattu
Posted by Kunchacko Boban on Saturday, 27 March 2021
സംവിധായകന് രഞ്ജിത്, ശശികുമാര് എന്നിവരുടെ ഉടമസ്ഥതയിലുള്ള ഗോള്ഡ് കോയ്ന് പിക്ച്ചേര്സും മാര്ട്ടിന് പ്രക്കാട്ട് ഫിലിംസും ചേര്ന്നാണ് ചിത്രം നിര്മ്മിക്കുന്നത്. കോലഞ്ചേരി, അടിമാലി, മൂന്നാര്, വട്ടവട, കൊട്ടക്കാംബൂര് എന്നിവിടങ്ങളായിരുന്നു ലൊക്കേഷനുകള്. ജോസഫ് എന്ന ചിത്രത്തിലൂടെ ശ്രദ്ധേയനായ ഷാഹി കബീറാണ് ചിത്രത്തിന്റെ കഥയും തിരക്കഥയും രചിക്കുന്നത്.