ലോകേഷ് കനകരാജും വിജയ്യും ഒന്നിച്ചുള്ള ഫോട്ടോയാണ് പുറത്തുവിട്ടിരിക്കുന്നത്.
പ്രഖ്യാപനംതൊട്ടേ ആരാധകരുടെ സജീവ ചര്ച്ചയിലുള്ള ചിത്രമാണ് 'ലിയോ'. ലോകേഷ് കനകരാജിന്റെ സംവിധാനത്തില് വിജയ് വീണ്ടും നായകനാകുന്നുവെന്നതാണ് 'ലിയോ' വാര്ത്താ പ്രാധാന്യം നേടാൻ കാരണം. 'ലിയോ'യെ കുറിച്ചുള്ള അപ്ഡേറ്റുകള്ക്കും ഓണ്ലൈനില് വലിയ സ്വീകാര്യത ലഭിക്കാറുണ്ട്. കശ്മിരില് ചിത്രീകരണം നടക്കുന്ന 'ലിയോ'യിലെ താരങ്ങളുടെയും സാങ്കേതിക പ്രവര്ത്തകരുടെയും ഫോട്ടോ പുറത്തുവന്നിരിക്കുകയാണ്.
മലയാളി നടൻ മാത്യു, സംവിധായകൻ ഗൗതം വാസുദേവ് മേനോൻ തുടങ്ങിയവരെയടക്കം ലോകേഷ് കനകരാജിനും വിജയ്യ്ക്കുമൊപ്പം ഫോട്ടോയില് കാണാം. തൃഷയാണ് വിജയ് ചിത്രത്തില് നായിക. വിജയ്യും തൃഷയും 14 വര്ഷങ്ങള്ക്ക് ശേഷമാണ് വീണ്ടും ഒന്നിക്കുന്നത്. സഞ്ജയ് ദത്ത്, പ്രിയ ആനന്ദ്, സാൻഡി, മിഷ്കിൻ, മൻസൂര് അലി ഖാൻ, അര്ജുൻ തുടങ്ങിയവരും ചിത്രത്തിലുണ്ട്.
വംശി പൈഡിപ്പള്ളി സംവിധാനം ചെയ്ത ചിത്രമായ 'വാരിസാ'ണ് വിജയ്യുടേതായി ഏറ്റവും ഒടുവില് പ്രദര്ശനത്തിന് എത്തിയത്. വിജയ് നായകനായ 'വാരിസ്' എന്ന സിനിമയിൽ ഒരു പ്രധാന കഥാപാത്രമായി എസ് ജെ സൂര്യയും എത്തുന്നുണ്ട്. വിജയ്യും എസ് ജെ സൂര്യയും ഒന്നിക്കുന്ന നാലാമത്തെ ചിത്രം എന്ന പ്രത്യേകതയുണ്ട് 'വാരിസി'ന്. ശ്രീ വെങ്കടേശ്വര ക്രിയേഷൻസിന്റെ ബാനറിൽ ദിൽ രാജുവും ശിരീഷും ചേർന്നാണ് ചിത്രത്തിന്റെ നിർമ്മാണം.
ചിത്രത്തില് ശരത്കുമാര്, പ്രകാശ് രാജ്, പ്രഭു, ജയസുധ, ശരത്കുമാർ ശ്രീകാന്ത്, ഷാം, സംഗീത കൃഷ്, സംയുക്ത തുടങ്ങി വൻ താരനിരയും പ്രധാന കഥാപാത്രങ്ങളായി എത്തിയിരിക്കുന്നു. എസ് തമന്റെ സംഗീത സംവിധാനത്തിലുള്ള ചിത്രത്തിലെ 'രഞ്ജിതമേ', 'തീ ദളപതി', 'സോള് ഓഫ് വാരിസ്', 'ജിമിക്കി പൊണ്ണ്', 'വാ തലൈവാ' എന്നീ ഗാനങ്ങള് ഉള്പ്പെടുത്തിയിട്ടുള്ള ജൂക്ക്ബോക്സ് റിലീസിന് മുന്നേ വൻ ഹിറ്റായിരുന്നു. പൊങ്കല് റിലീസായി തമിഴിലും തെലുങ്കിലുമായി ഹരിപിക്ചേഴ്സ് ഇ ഫോർ എന്റർടെയ്ൻമെന്റ്, എയ്സ് എന്നിവർ ചേർന്നാണ് കേരളത്തിൽ വിജയ്യുടെ ചിത്രം പ്രദര്ശനത്തിന് എത്തിച്ചിരിക്കുന്നത്.
Read More: 'ബിഗ് ബോസ് പ്രെഡിക്ഷൻ ലിസ്റ്റിൽ പേര് വന്നു', വീഡിയോയില് ആലീസ് ക്രിസ്റ്റി
