ആ സംവിധായകന്‍ തല്ലിയും ശകാരിച്ചും അഭിനയിപ്പിച്ചു: മമിത ബൈജു
അതിനിടയിലാണ് ഒരു മലയാള മാധ്യമത്തിന് നല്‍കിയ അഭിമുഖത്തില്‍ മുന്‍പ് മമിത നല്‍കിയ അഭിമുഖം വൈറലാകുന്നത്.
കൊച്ചി: 'പ്രേമലു' നടി മമിത ബൈജു നടന്‍ ബാലയുടെ 'വണാങ്കാന്‍' എന്ന ചിത്രത്തില്‍ ആദ്യം അഭിനയിച്ചിരുന്നു. നടന്‍ സൂര്യ ആ ചിത്രത്തിന്‍റെ ഭാഗമായിരുന്ന സമയത്തായിരുന്നു മമിതയും ചിത്രത്തില്‍ അഭിനയിച്ചത്. എന്നാല്‍ സൂര്യ പിന്‍മാറി പ്രൊജക്ട് പ്രതിസന്ധിയിലായപ്പോള്‍ മമിതയും ചിത്രത്തില്‍ നിന്നും പിന്‍മാറി. പിന്നീട് അരുണ്‍ വിജയിയെ നായകനാക്കി ബാല ചിത്രം വീണ്ടും ഷൂട്ട് ചെയ്ത് റിലീസിന് തയ്യാറാക്കുകയാണ്.
അതിനിടയിലാണ് ഒരു മലയാള മാധ്യമത്തിന് നല്‍കിയ അഭിമുഖത്തില്‍ മുന്‍പ് മമിത നല്‍കിയ അഭിമുഖം വൈറലാകുന്നത്. "ചിത്രത്തിൽ 'വില്ലടിച്ച മാടൻ' എന്ന പേരിൽ ഒരു നൃത്തമുണ്ട്. ഈ നൃത്തം ഞാൻ ആദ്യമായി ചെയ്യുകയാണോ, അല്ല അതില്‍ വിദഗ്ധയാണോ എന്ന് സംശയം ഉണ്ടായിരുന്നു. അത് ബാല സാറിനോട് ചോദിച്ചു "
"സംവിധായകൻ ബാല എന്നോട് വില്ലടിച്ചാന്‍ പാട്ട് ചെയ്യുന്ന പെണ്‍കുട്ടിയെ നിരീക്ഷിക്കാൻ ആവശ്യപ്പെട്ടു, തുടർന്ന് അത് പോലെ അഭിനയിക്കാന്‍ എന്നോട് നിർദ്ദേശിച്ചു. ആദ്യം ഞാൻ തയ്യാറായില്ല, ഇത് എന്നെ അസ്വസ്ഥനാക്കി. മൂന്ന് ടേക്കുകൾക്കുള്ളിലാണ് ഞാൻ അത് പഠിച്ചു. സംവിധായകന്‍ എന്നെ ശകാരിച്ചുകൊണ്ടേയിരുന്നു. അവസാനം ഞാന്‍ ശരിയക്കിയപ്പോള്‍ അത് കാര്യമായി എടുക്കരുതെന്ന് ബാല പറഞ്ഞു. തന്നെ പലതവണ ശകാരിച്ചതായി താരം പറഞ്ഞു.
ഷൂട്ടിങ്ങിനിടെ സംവിധായകൻ ബാല തന്നെ തല്ലിയിരുന്നതായി മമിത ബൈജു വെളിപ്പെടുത്തി. നടൻ സൂര്യ എന്താണ് പറഞ്ഞതെന്ന് അവതാരകൻ ചോദിച്ചപ്പോൾ. സൂര്യ സാറിന് അത് നേരത്തെ അറിയാം. അവർ നല്ല ബന്ധമാണ് പങ്കിടുന്നത്. ഞങ്ങൾ അതിൽ പുതിയവരാണ് മമിത പറഞ്ഞു.
ഡിസംബർ 22 ന് സൂര്യ ഇനി 'വണാങ്കൻ' എന്ന ചിത്രത്തിന്‍റെ ഭാഗമല്ലെന്ന് പ്രഖ്യാപിച്ച് സംവിധായകൻ ബാല ഒരു പ്രസ്താവന പങ്കിട്ടിരുന്നു. നടൻ സൂര്യയുടെ പ്രതിച്ഛായയോട് നീതി പുലർത്താത്ത തരത്തിൽ കഥയിൽ മാറ്റങ്ങൾ വരുത്തിയതാണ് അദ്ദേഹം പിന്‍മാറന്‍ കാരണം എന്നാണ് ബാല പറഞ്ഞത്.
മഞ്ഞുമ്മല്‍ ബോയ്സ് ഒടിടിയില്‍ എവിടെ, എപ്പോള്‍ റിലീസാകും; വിവരങ്ങള്‍ ഇങ്ങനെ
