ഫ്രാൻസിസ് ഇട്ടിക്കോര സിനിമയാക്കിയാൽ മമ്മൂട്ടി മാത്രമേ ഇട്ടിക്കോരയെ അവതരിപ്പിക്കാവൂ എന്ന് നോവലിസ്റ്റ് ടി ഡി രാമകൃഷ്ണൻ.
കൊച്ചി: മലയാളത്തിലെ ബെസ്റ്റ് സെല്ലര് നോവലുകളില് ഒന്നായ ഫ്രാന്സിസ് ഇട്ടിക്കോര സിനിമയാക്കിയാല് മമ്മൂട്ടി അല്ലാതെ ഇട്ടിക്കോരയായി ആരെയും കാണാന് കഴിയില്ലെന്ന് നോവലിസ്റ്റ് ടിഡി രാമകൃഷ്ണന്. ഒരു ലിറ്ററി ഫെസ്റ്റിവലിലെ പരിപാടിയില് സംസാരിക്കുകയായിരുന്നു നോവലിസ്റ്റ്.
സിനിമയാക്കാന് ഏറെ ബുദ്ധിമുട്ടുള്ളതാണ് ഫ്രാന്സിസ് ഇട്ടിക്കോരയെന്ന് നോവലിസ്റ്റ് പറഞ്ഞു. നോവല് വായിച്ചവര്ക്ക് അത് ആക്കാര്യം നന്നായി അറിയാം. ഇതെല്ലാം മറികടന്ന് നോവല് സിനിമയായല് ഇട്ടിക്കോരയായി മമ്മൂട്ടി അല്ലാതെ മറ്റൊരു പകരക്കാരനില്ലെന്ന് ടിഡി രാമകൃഷ്ണന് പറയുന്നു.
ഫ്രാന്സിസ് ഇട്ടിക്കോര എന്ന നോവലിന്റെ ആദ്യത്തെ വായനക്കാരില് ഒരാളാണ് മമ്മൂട്ടി. അദ്ദേഹം നോവല് വായിക്കുന്ന വീഡിയോ ഇപ്പോഴും സോഷ്യല് മീഡിയയില് ലഭ്യമാണ്. ഒറ്റപ്പാലത്ത് ഒരു ഷൂട്ട് നടക്കുന്ന സമയത്താണ് മമ്മൂട്ടിയെ കണ്ടതെന്നും. ആ സമയത്താണ് ഇട്ടിക്കോര സമ്മാനിച്ചത് എന്ന് ടിഡി രാമകൃഷ്ണന് പറഞ്ഞു.
അന്ന് മുതല് മമ്മൂട്ടിയുമായി അടുപ്പമുണ്ടെന്നും, ഈ അടുപ്പമാണ് ഭ്രമയുഗത്തിലേക്ക് അടക്കം എത്തിച്ചതെന്നും ടിഡി രാമകൃഷ്ണന് പറയുന്നു. ഇട്ടിക്കോരയായി മമ്മൂട്ടിയെ മാത്രമേ ആലോചിക്കാന് സാധിക്കുള്ളൂവെന്നും മറ്റൊരു നടനും ഈ വേഷത്തിലേക്ക് ചിന്തിക്കാന് സാധിക്കില്ലെന്നും നോവലിസ്റ്റ് കൂട്ടിച്ചേര്ത്തു.
ഫ്രാൻസിസ് ഇട്ടിക്കോര 2009 ല് പ്രസിദ്ധീകരിക്കപ്പെട്ട നോവലാണ്. കേരളത്തിലെ കുന്നംകുളത്ത് ജനിച്ച് ഇറ്റലിയിലെ ഫ്ലോറന്സില് വച്ച് മരിച്ച പതിനാലാം നൂറ്റാണ്ടില് ജീവിച്ച മലയാളിയായ വ്യാപാരിയായ ഫ്രാന്സിസ് ഇട്ടിക്കോരയുടെയും അയാളുടെ പാരമ്പര്യം പേറുന്ന "പതിനെട്ടാം കൂറ്റുകാർ" എന്ന വിഭാഗത്തിന്റെയും കഥയാണ് നോവല് പറയുന്നത്.
മമ്മൂട്ടി പ്രധാന വേഷത്തില് എത്തിയ ഭ്രമയുഗം എന്ന ചിത്രത്തിന്റെ സംഭാഷണം രചിച്ചതും ടിഡി രാമകൃഷ്ണനാണ്. കഴിഞ്ഞ വര്ഷം ഫെബ്രുവരിയില് റിലീസായ ഈ ഹൊറര് ത്രില്ലര് ചിത്രം രാഹുൽ സദാശിവനാണ് സംവിധാനം ചെയ്തത്.
ഐതിഹ്യമാലയിൽ നിന്നുള്ള കുഞ്ചമൺ പോറ്റി എന്നറിയപ്പെടുന്ന ഒരു കഥാപാത്രവുമാണ് ഈ സിനിമയ്ക്ക് പ്രചോദനമായത്. ചിത്രത്തിൽ മമ്മൂട്ടിക്കൊപ്പം അമൽഡ ലിസ്, അർജുൻ അശോകൻ, സിദ്ധാർത്ഥ് ഭരതൻ എന്നിവർ അഭിനയിച്ചിരുന്നു. നിരൂപ പ്രശംസയും സാമ്പത്തിക വിജയവും ഈ ചിത്രം നേടിയിരുന്നു.
യഥാർത്ഥ പി പി അജേഷിനെ തേടി സിനിമയിലെ പി പി അജേഷ്; വമ്പൻ സമ്മാനവുമായി 'പൊൻമാനിലെ' അജേഷ്
ആസിഫ് അലിയുടെ ആഭ്യന്തര കുറ്റവാളി ഫസ്റ്റ് ലുക്ക് പോസ്റ്റർ റിലീസ്; ചിത്രം ഈദിന് റിലീസാകും
