ജനുവരി 23നാണ് 'ഡൊമിനിക് ആന്ഡ് ദി ലേഡീസ് പേഴ്സ്' തിയറ്ററുകളിൽ എത്തിയത്.
മമ്മൂട്ടി നായകനായി ഏറ്റവും ഒടുവിൽ റിലീസ് ചെയ്ത 'ഡൊമിനിക് ആന്ഡ് ദി ലേഡീസ് പേഴ്സ്' എന്ന ചിത്രത്തിലെ വീഡിയോ ഗാനം റിലീസ് ചെയ്തു. ഈ രാത്രി എന്ന് തുടങ്ങുന്ന ഗാനം ആലപിച്ചിരിക്കുന്നത് വിജയ് യേശുദാസ്, തിരുമാലി, സത്യപ്രകാശ്, പവിത്ര ചാരി എന്നിവർ ചേർന്നാണ്. തിരുമാലി, വിനായക് ശശികുമാർ എന്നിവർ ചേർന്നാണ് വരികൾ എഴുതിയിരിക്കുന്നത്.
ജനുവരി 23നാണ് 'ഡൊമിനിക് ആന്ഡ് ദി ലേഡീസ് പേഴ്സ്' തിയറ്ററുകളിൽ എത്തിയത്. ഗൗതം വാസുദേവ് മേനോൻ സംവിധാനം ചെയ്യുന്ന ചിത്രത്തിൽ ഡൊമനിക് എന്ന ഡിറ്റക്റ്റീവ് കഥാപാത്രത്തെയാണ് മമ്മൂട്ടി അവതരിപ്പിച്ചത്. ഗൗതം വസുദേവ് മേനോന്റെ മലയാളം സംവിധാന അരങ്ങേറ്റമാണ് 'ഡൊമിനിക് ആന്ഡ് ദി ലേഡീസ് പഴ്സ്'. ചിത്രത്തിന്റേതായി നേരത്തെ റിലീസ് ചെയ്ത പോസ്റ്ററുകളിലും ടീസറും ട്രെയിലറും ഏറെ ശ്രദ്ധിക്കപ്പെട്ടിരുന്നു. മമ്മൂട്ടി കമ്പനിയായിരുന്നു ചിത്രത്തിന്റെ നിര്മ്മാണം. ഈ ബാനര് നിര്മ്മിച്ച ആറാമത്തെ ചിത്രമാണ് ഇത്.
വിജയാകാശത്ത് പറന്നുയർന്ന് 'പൊൻമാൻ'; ബേസിൽ ജോസഫ് പടത്തിന്റെ സക്സസ് ട്രെയിലർ എത്തി
സുഷ്മിത ഭട്ട്, വിജി വെങ്കിടേഷ്, വിനീത്, വിജയ് ബാബു തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ജോര്ജ് സെബാസ്റ്റ്യനാണ് എക്സിക്യൂട്ടീവ് പ്രൊഡ്യൂസര്. കഥ ഡോ. നീരജ് രാജന്, തിരക്കഥ, സംഭാഷണം ഡോ. നീരജ് രാജന്, ഡോ. സൂരജ് രാജന്, ഗൗതം വസുദേവ് മേനോന്, ഛായാഗ്രഹണം വിഷ്ണു ആര് ദേവ്, എഡിറ്റിംഗ് ആന്റണി, സംഗീതം ദര്ബുക ശിവ, പ്രൊഡക്ഷന് ഡിസൈനര് ഷാജി നടുവില്, സ്റ്റണ്ട്സ് സുപ്രീ സുന്ദര്, കലൈ കിങ്സണ്, ആക്ഷന് സന്തോഷ്, നൃത്തസംവിധാനം ബൃന്ദ മാസ്റ്റര്, കോ ഡയറക്ടര് പ്രീതി ശ്രീവിജയന്, ലൈന് പ്രൊഡ്യൂസര് സുനില് സിംഗ്, പ്രൊഡക്ഷന് കണ്ട്രോളര് അരോമ മോഹന്, ചീഫ് അസോസിയേറ്റ് ഡയറക്ടര് ആരിഷ് അസ്ലം, ഫൈനല് മിക്സ് തപസ് നായക്, കലാസംവിധാനം അരുണ് ജോസ്.
