പൃഥ്വിരാജ് ആ വാഗ്ദാനം നിറവേറ്റിയെന്നും പറയുന്നു മണിക്കുട്ടൻ.
പ്രേക്ഷകര് ആകാംക്ഷയോടെ കാത്തിരിക്കുന്നതാണ് എമ്പുരാൻ. മോഹൻലാലിന്റെ എമ്പുരാൻ സിനിമയിലെ ഓരോ കഥാപാത്രത്തെയും പരിചയപ്പെടുത്തുകയാണ്. മണിക്കുട്ടനെയാണ് ഇന്ന് എമ്പുരാനിലേതായി പരിചയപ്പെടുത്തിയിരിക്കുന്നത്. എമ്പുരാന്റെ വിശേഷങ്ങള് മണിക്കുട്ടൻ പങ്കുവയ്ക്കുന്ന വീഡിയോയും പുറത്തുവിട്ടിട്ടിട്ടുണ്ട്. കഥാപാത്രത്തിന്റെ പേരും മണിക്കുട്ടൻ എന്നാണ്. ലൂസിഫറില് ഡബ്ബ് ചെയ്തിരുന്നു ഞാൻ. അന്നേ പൃഥ്വിരാജ് ഓഫര് ചെയ്തതാണ്. എനിക്ക് എമ്പുരാനില് നല്ല ഒരു കഥാപാത്രം തന്നിട്ടുണ്ട്. വളരെ മനോഹരമായിട്ടാണ് അദ്ദേഹം കഥാപാത്രത്തെ കുറിച്ച് വ്യക്തമാക്കിയത്. സീനിനെക്കുറിച്ച് ഒന്നും പറയാൻ പാടില്ലെന്ന് തന്നോട് ആവശ്യപ്പെട്ടിട്ടുണ്ട്. ലൊക്കേഷനില് ഹെലികോപ്റ്റര് ഒക്കെ പറന്ന്.. ഞാൻ ഒന്നും അങ്ങനെ പറയുന്നില്ല. നിങ്ങളുടെ സര്പ്രൈസ് ഞാൻ കളയുന്നില്ല. ഞാൻ അന്തംവിട്ടതു പോലെ നിങ്ങളും എന്തായാലും അന്തംവിടുമെന്നാണ് പ്രതീക്ഷ. എല്ലാവരും എമ്പുരാൻ കാണാൻ വന്നേക്കണേയെന്നും പറയുന്നു നടൻ മണിക്കുട്ടൻ.
മോഹൻലാലിന്റെ എമ്പുരാനെ കുറിച്ച് ടൊവിനോ പറഞ്ഞ വാക്കുകള് ചര്ച്ചയായിരുന്നു. ''എമ്പുരാനില് ഞാൻ മുഖ്യമന്ത്രി ആണല്ലോ. റഷ്യയിലാണല്ലോ ലൂസിഫര് കൊണ്ട് അവസാനിപ്പിച്ചിരിക്കുന്നത്. എത്ര രാജ്യങ്ങളിലാണ് പിന്നെ ചിത്രീകരിച്ചതെന്ന് തനിക്ക് അറിയാം. ഞാൻ കുറെ സ്വീക്വൻസുകള് കണ്ടു. ഭയങ്കര അടിപൊളിയാണ്. ഞാൻ എക്സൈറ്റഡാണ്. അത് മൊത്തം സിനിമയായി കാണണം. പറ്റിയാല് അന്നത്തെ പോലെ തന്നെ തനിക്ക് രാജുവേട്ടനും ലാലേട്ടനും ഒക്കെയുള്ള ഒരു തിയറ്ററില് കാണാനായാല് ഗംഭീരമാകു''മെന്നും നടൻ ടൊവിനോ അഭിപ്രായപ്പെട്ടു.
ലൂസിഫറിന്റെ രണ്ടാം ഭാഗായി എമ്പുരാൻ സിനിമ മാര്ച്ച് 27ന് റിലീസാകുമ്പോള് പ്രതീക്ഷയിലാണ് താരത്തിന്റെ ആരാധകര്. സ്റ്റീഫൻ നെടുമ്പള്ളിയെന്ന ഖുറേഷി അബ്രമായി ചിത്രത്തില് മോഹൻലാല് എത്തിയപ്പോള് ആഗോള ബോക്സ് ഓഫീസില് 150 കോടി രൂപയില് അധികം ബിസിനസ് നേടി ലൂസിഫര് തിളങ്ങിയിരുന്നു. ലൂസിഫറിലെ സ്റ്റീഫൻ നെടുമ്പള്ളിക്കായിരിക്കില്ല രണ്ടാം ഭാഗമായ എമ്പുരാനില് പ്രാധാന്യം എന്ന് റിപ്പോര്ട്ടുണ്ട്. ഖുറേഷി അബ്രഹാമിന്റെ പിന്നാലെ സഞ്ചരിക്കുന്ന കഥയായിരിക്കും എമ്പുരാന്റെയെന്നാണ് അപ്ഡേറ്റുകളില് നിന്ന് മനസിലാകുന്നത്.
ഖുറേഷി എബ്രമായി ലൂസിഫറിന്റെ അവസാന ഭാഗത്ത് പ്രത്യക്ഷപ്പെട്ട മോഹൻലാലിന്റെ എമ്പുരാൻ സ്റ്റൈലിഷ് സിനിമ ആയിരിക്കുമെന്നാണ് പ്രതീക്ഷിക്കുന്നത്. സംവിധായകൻ പൃഥിരാജും മോഹൻലാല് നായകനാകുന്ന ചിത്രത്തില് നിര്ണായക വേഷത്തിലുണ്ടാകുമ്പോള് ഗോവര്ദ്ധനായി ഇന്ദ്രജിത്ത്, ജതിൻ രാംദാസായി ടൊവിനോ തോമസ് തുടങ്ങിയവരും മറ്റ് പ്രധാന കഥാപാത്രങ്ങളായും ഉണ്ടാകും എന്നാണ് വ്യക്തമായിരിക്കുന്നത്. ഛായാഗ്രാഹണം നിര്വഹിക്കുന്നത് സുജിത് വാസുദേവാണ്. മലയാളത്തിനു പുറത്തെയും താരങ്ങള് മോഹൻലാല് ചിത്രത്തില് ഉണ്ടാകും എന്ന് റിപ്പോര്ട്ടുകള് സൂചിപ്പിക്കുന്നു.
Read More: വമ്പൻമാര് ഞെട്ടി, വേണ്ടത് രണ്ട് കോടി മാത്രം, സീനീയേഴ്സിനെ അമ്പരപ്പിച്ച് തണ്ടേല്
