Meera Jasmine as Naisy in L 366 Mohanlal Tharun Moorthy movie.L366 എന്ന ചിത്രത്തിൽ മോഹൻലാലും മീര ജാസ്മിനും വീണ്ടും ഒന്നിക്കുന്നു. ലൗലജൻ എന്ന കഥാപാത്രമായി മോഹൻലാൽ എത്തുമ്പോൾ നൈസി എന്ന കഥാപാത്രത്തെയാണ് മീര ജാസ്മിൻ അവതരിപ്പിക്കുന്നത്.
തുടരും എന്ന ചിത്രത്തിന് ശേഷം മോഹൻലാലും തരുൺ മൂർത്തിയും വീണ്ടുമൊന്നിക്കുന്ന ചിത്രമാണ് L366. വലിയ ഇടവേളയ്ക്ക് ശേഷം മോഹൻലാൽ താടി വടിച്ച് അഭിനയിക്കുന്ന ചിത്രം കൂടിയാണിത്. ചിത്രത്തിന്റെ ഫസ്റ്റ്ലുക്ക് പോസ്റ്ററുകളും മറ്റും ശ്രദ്ധേയമായിരുന്നു. മീര ജാസ്മിൻ ആണ് ചിത്രത്തിൽ നായികയായെത്തുന്നത്.
ലൗലജൻ എന്ന കഥാപാത്രമായി മോഹൻലാൽ എത്തുമ്പോൾ നൈസി എന്ന കഥാപാത്രമായാണ് മീര ജാസ്മിൻ ചിത്രത്തിലെത്തുന്നത്. ഇപ്പോഴിതാ മീരയുടെ ക്യാരക്ടർ പോസ്റ്റർ പുറത്തുവിട്ടിരിക്കുകയാണ് തരുൺ മൂർത്തി. 2013 ൽ പുറത്തിറങ്ങിയ സിദ്ധിഖ് ചിത്രം 'ലേഡീസ് ആന്റ് ജെന്റിൽമാൻ' എന്ന ചിത്രത്തിലായിരുന്നു മോഹൻലാലിന്റെ നായികയായി അവസാനം മീര എത്തിയത്. സത്യൻ അന്തിക്കാട് സംവിധാനം ചെയ്ത് കഴിഞ്ഞ വർഷം പുറത്തിറങ്ങിയ ഹൃദയപൂർവ്വത്തിൽ കാമിയോ റോളിൽ മീര ജാസ്മിൻ എത്തിയിരുന്നു.
Related Articles
ആഷിക് ഉസ്മാൻ പ്രൊഡക്ഷൻസ്
ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനാണ് ഈ ചിത്രം നിർമ്മിക്കുന്നത്. രതീഷ് രവിയുടേതാണ് ചിത്രത്തിന്റെ തിരക്കഥ. സംഗീതം ജേക്സ് ബിജോയ്, ഛായാഗ്രഹണം ഷാജികുമാർ, എഡിറ്റിംഗ് വിവേക് ഹർഷൻ, ശബ്ദസംവിധാനം വിഷ്ണു ഗോവിന്ദ്, വസ്ത്രാലങ്കാരം മഷർ ഹംസ, പ്രൊഡക്ഷൻ ഡിസൈനർ ഗോകുൽ ദാസ്, കോ ഡയറക്റ്റര് ബിനു പപ്പു, പ്രൊഡക്ഷൻ കൺട്രോളർ സുധർമ്മൻ വള്ളിക്കുന്ന്, സഹസംവിധാനം ബിനു പപ്പു, മേക്കപ്പ് റോണെക്സ് സേവിയര്. സെൻട്രൽ പിക്ചേഴ്സ് ആണ് ഈ ചിത്രം പ്രദർശനത്തിനെത്തിക്കുന്നത്.
