15 വര്ഷത്തെ ഇടവേളയ്ക്ക് ശേഷം മോഹന്ലാല്- ശോഭന ജോഡി ഒന്നിച്ച ചിത്രമെന്ന കൗതുകവും തുടരുമിന് മേല് പ്രേക്ഷകര്ക്ക് ഉണ്ട്.
തിയറ്ററുകളിൽ തുടരും സിനിമ വിജയകരമായി പ്രദർശനം തുടരുന്നതിനിടെ കൊണ്ടാട്ടം സോംഗ് യുട്യൂബിൽ ട്രെന്റിംഗ്. കഴിഞ്ഞ രണ്ട് ദിവസമായി ഗാനം ട്രെന്റിങ്ങിൽ ഒന്നാമതാണ് ഉള്ളത്. ജേക്സ് ബിജോയ് ആണ് സംഗീതം. എം ജി ശ്രീകുമാറും രാജലക്ഷ്മിയും ചേര്ന്നാണ് ആലപിച്ചിരിക്കുന്നത്. മോഹൻലാലും ശോഭനയും തകർത്താടിയ ഗാനം മലയാളികൾ ഒന്നടങ്കം ഏറ്റെടുത്തും കഴിഞ്ഞു.
അതേസമയം ആഗോള ബോക്സ് ഓഫീസില് നിന്ന് ഇതിനകം 100 കോടി ക്ലബ്ബില് എത്തിയിട്ടുണ്ട് ചിത്രം. മോഹന്ലാലിന്റെ 100 കോടി ക്ലബ്ബില് എത്തുന്ന നാലാമത്തെ ചിത്രമാണ് ഇത്. മലയാള സിനിമയെ സംബന്ധിച്ച് ഈ ക്ലബ്ബില് എത്തുന്ന 11-ാം ചിത്രവും. ഷണ്മുഖം എന്ന ടാക്സി ഡ്രൈവറായാണ് ചിത്രത്തില് മോഹന്ലാല് എത്തുന്നത്. ബിനു പപ്പു, ഫർഹാൻ ഫാസിൽ, മണിയൻപിള്ള രാജു എന്നിവര്ക്കൊപ്പം നിരവധി പുതുമുഖങ്ങളും ചിത്രത്തില് അഭിനയിക്കുന്നു. ശോഭനയാണ് ചിത്രത്തിലെ നായിക. 15 വര്ഷത്തെ ഇടവേളയ്ക്ക് ശേഷം മോഹന്ലാല്- ശോഭന ജോഡി ഒന്നിച്ച ചിത്രമെന്ന കൗതുകവും തുടരുമിന് മേല് പ്രേക്ഷകര്ക്ക് ഉണ്ട്.
Related Articles
ഷാജി കുമാര് ആണ് ഛായാഗ്രഹണം. എഡിറ്റിംഗ് നിഷാദ് യൂസുഫ്, ഷെഫീഖ് വി ബി, സംഗീതം ജേക്സ് ബിജോയ്, എക്സിക്യൂട്ടീവ് പ്രൊഡ്യൂസര് അവന്തിക രഞ്ജിത്ത്, ശബ്ദ സംവിധാനം വിഷ്ണു ഗോവിന്ദ്, കലാസംവിധാനം ഗോകുല് ദാസ്. കെ ആര് സുനിലിന്റെ കഥയ്ക്ക് തരുണ് മൂര്ത്തിയും കെ ആര് സുനിലും ചേര്ന്നാണ് തിരക്കഥ ഒരുക്കിയിരിക്കുന്നത്. എമ്പുരാന് ആയിരുന്നു മോഹന്ലാലിന്റേതായി നേരത്തെ റിലീസ് ചെയ്ത ചിത്രം. ബോക്സ് ഓഫീസില് വന് തേരോട്ടം സൃഷ്ടിച്ച ചിത്രം 335 കോടി നേടിയെന്നാണ് ഔദ്യോദിക വിവരം.
