റോഷൻ ആൻഡ്രൂസായിരുന്നു സംവിധാനം നിര്വഹിച്ചത്.
മലയാളത്തിലും റീ റിലിസുകളുടെ കാലമാണ്. മലയാളത്തില് ഛോട്ടാ മുംബൈയാണ് ഏറ്റവും ഒടുവില് റീ റിലീസായി വൻ വിജയം കൊയ്തത്. പുതുതായും റീ റിലീസ് പ്രഖ്യാപിച്ചിരിക്കുന്ന ചിത്രം മോഹൻലാലിന്റേതാണ്. ഉദയനാണ് താരം ജൂലൈ 18ന് തിയറ്ററുകളിലേക്കെത്തുമെന്നാണ് സിനിമാ അനലിസ്റ്റുകളായ ഫ്രൈഡേ മാറ്റ്നി റിപ്പോര്ട്ട് ചെയ്യുന്നത്.
സഹസംവിധായകനായ ഉദയാഭാനുവായിരുന്നു ചിത്രത്തില് മോഹൻലാല്. രാജപ്പൻ തെങ്ങുമ്മൂടെന്ന മറ്റൊരു കഥാപാത്രം ചിത്രത്തില് ശ്രീനിവാസൻ അവതരിപ്പിച്ചു. സംവിധാനം റോഷൻ ആൻഡ്രൂസ് ആയിരുന്നു. മോഹൻലാലിന്റെ നായികയായി മീന എത്തിയപ്പോള് ചിത്രത്തില് ജഗതി ശ്രീകുമാര്, സലിംകുമാര്, ഭാവന എന്നിവരും വേഷമിട്ടു. ഛായാഗ്രാഹണം നിര്വഹിച്ചത് എസ് കുമാറാണ്. ഗാനരചന കൈതപ്രം നിര്വഹിച്ചപ്പോള് പശ്ചാത്തല സംഗീതം ഔസേപ്പച്ചനും ഗാനങ്ങളുടെ ഈണം ദീപക് ദേവുമായിരുന്നു.
മോഹന്ലാലിനെ നായകനാക്കി അന്വര് റഷീദ് സംവിധാനം ചെയ്ത്, 2007 ല് പുറത്തെത്തിയ ഛോട്ടാ മുംബൈ എന്ന ചിത്രം 4 കെ ഡോള്ബി അറ്റ്മോസ് സാങ്കേതിക മികവോടെ വീണ്ടും തിയറ്ററുകളില് എത്തിയപ്പോള് പ്രേക്ഷകര് ഉത്സവപ്രതീതിയിലാണ് വരവേറ്റത്. ഓപ്പണിംഗില് മലയാളം റീ റിലീസുകളില് മോഹൻലാലിന്റെ തന്നെ സ്ഫടികത്തിന്റെയും മണിച്ചിത്രത്താഴിന്റെയും പിന്നിലാണ് ഛോട്ടാ മുംബൈയുടെ ഇടം. വല്ല്യേട്ടനെയും ദേവദൂതനെയും വീഴ്ത്തിയാണ് ചിത്രം കളക്ഷനില് മുന്നേറിയത്. അത്ഭുതപ്പെടുത്തുന്ന സ്വീകാര്യതയാണ് ചിത്രത്തിന് ലഭിച്ചത്. കേരള ബോക്സ് ഓഫീസില് 3.78 കോടി രൂപയാണ് ഛോട്ടാ മുംബൈ നേടിയിരിക്കുന്നത് എന്നാണ് റിപ്പോര്ട്ട്.
മോഹന്ലാലിനെ നായകനാക്കി അന്വര് റഷീദ് ഒരേയൊരു ചിത്രം മാത്രമേ ഒരുക്കിയിട്ടുള്ളൂ. എന്നാല് അത് അത്രയും എന്റര്ടെയ്ന്മെന്റ് വാല്യു ഉള്ള ഒന്നായിരുന്നു. ബെന്നി പി നായരമ്പലമായിരുന്നു ചിത്രത്തിന്റെ രചയിതാവ്. മിഴിവുറ്റ കഥാപാത്രങ്ങളും രസകരമായ കഥാസന്ദര്ഭങ്ങളും ചിത്രത്തില് ആവോളം ഉണ്ടായിരുന്നു. മോഹന്ലാലിനൊപ്പം വലിയൊരു താരനിരയും ചിത്രത്തില് എത്തി. മോഹന്ലാല് തല എന്ന് കൂട്ടുകാര് വിളിക്കുന്ന വാസ്കോ ഡ ഗാമ ആയപ്പോള് നടേശന് എന്ന പ്രതിനായക കഥാപാത്രത്തെ അവതരിപ്പിച്ചത് കലാഭവന് മണി ആയിരുന്നു. ഭാവന ആയിരുന്നു നായികയായി എത്തിയത്. സിദ്ദിഖ്, ജഗതി ശ്രീകുമാര്, ഇന്ദ്രജിത്ത് സുകുമാരന്, മണിക്കുട്ടന്, ബിജുക്കുട്ടന്, സായ് കുമാര്, രാജന് പി ദേവ്, വിനായകന്, മണിയന്പിള്ള രാജു, മല്ലിക സുകുമാരന്, സുരാജ് വെഞ്ഞാറമൂട്, കൊച്ചിന് ഹനീഫ, ഭീമന് രഘു, വിജയരാഘവന്, ബാബുരാജ്, സനുഷ, ഗീത വിജയന്, രാമു, കുഞ്ചന്, നാരായണന്കുട്ടി, സന്തോഷ് ജോഗി, ബിജു പപ്പന്, കൊച്ചുപ്രേമന്, നിഷ സാരംഗ്, ഷക്കീല തുടങ്ങിയവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിച്ചത്.
