Asianet News MalayalamAsianet News Malayalam

'ജീവിതത്തില്‍ നിങ്ങള്‍ ഓരോരുത്തരും ഒപ്പമുള്ളതില്‍ അനുഗ്രഹീതന്‍'; പിറന്നാളാശംസകള്‍ക്ക് നന്ദി പറഞ്ഞ് മോഹന്‍ലാല്‍

കഴിഞ്ഞ വര്‍ഷത്തേതുപോലെ ചെന്നൈയിലെ വീട്ടിലായിരുന്നു ഈ പിറന്നാള്‍ ദിനത്തിലും മോഹന്‍ലാല്‍

mohanlal thanks everyone for birthday wishes
Author
Thiruvananthapuram, First Published May 21, 2021, 11:07 PM IST

തന്‍റെ പിറന്നാള്‍ ദിനത്തില്‍ ഫോണിലൂടെയും സോഷ്യല്‍ മീഡിയ വഴിയും ആശംസകള്‍ അറിയിച്ചവര്‍ക്ക് നന്ദി പറഞ്ഞ് മോഹന്‍ലാല്‍. "പിറന്നാളാശംസകള്‍ക്ക് ഞാന്‍ നന്ദി അറിയിക്കുകയാണ്. കൊവിഡിന്‍റെ ഈ പരീക്ഷണകാലത്ത് സോഷ്യല്‍ മീഡിയയിലൂടെയും ഫോണ്‍ വഴിയും ആശംസകള്‍ നേരാന്‍ നിങ്ങള്‍ സമയം കണ്ടെത്തി എന്നത് എന്നെ സംബന്ധിച്ച് വളരെ വലുതാണ്. നിങ്ങള്‍ ഓരോരുത്തരെയും ജീവിതത്തില്‍ ലഭിച്ചു എന്നതില്‍ അനുഗ്രഹീതനാണ് ഞാന്‍. സുരക്ഷിതരായി ഇരിക്കാനും കൊവിഡ് മുന്‍കരുതലുകള്‍ പാലിക്കാനും ഞാന്‍ അഭ്യര്‍ഥിക്കുന്നു. ഓര്‍മ്മിക്കാവുന്ന ഒരു ദിവസം സമ്മാനിച്ചതിന് ഒരിക്കല്‍ക്കൂടി നന്ദി", മോഹന്‍ലാല്‍ ഫേസ്ബുക്കില്‍ കുറിച്ചു.

അതേസമയം കഴിഞ്ഞ വര്‍ഷത്തേതുപോലെ ചെന്നൈയിലെ വീട്ടിലായിരുന്നു ഈ പിറന്നാള്‍ ദിനത്തിലും മോഹന്‍ലാല്‍. അടുത്ത സുഹൃത്തുക്കളും ബന്ധുക്കളും ഒപ്പമുണ്ടായിരുന്നു. കേക്ക് മുറിച്ചുള്ള ആഘോഷത്തിന്‍റെ ചിത്രങ്ങള്‍ മോഹന്‍ലാലിന്‍റെ അടുത്ത സുഹൃത്ത് സമീര്‍ ഹംസ സോഷ്യല്‍ മീഡിയയിലൂടെ പങ്കുവച്ചിരുന്നു.

അതേസമയം സംവിധാനം ചെയ്യുന്ന ആദ്യചിത്രം ബറോസിന്‍റെ ഷെഡ്യൂള്‍ ബ്രേക്കിലാണ് മോഹന്‍ലാല്‍ ഇപ്പോള്‍. ചിത്രത്തിന്‍റെ ഗോവ ഷെഡ്യൂള്‍ ഇതിനകം പൂര്‍ത്തിയായിട്ടുണ്ട്. 2019 ഏപ്രിലില്‍ ഔദ്യോഗികമായി പ്രഖ്യാപിച്ച 'ബറോസ്' മോഹന്‍ലാലിന്‍റെ സ്വപ്ന പ്രോജക്ട് ആണ്. ഇന്ത്യയിലെ ആദ്യ ത്രീഡി ചിത്രമായിരുന്ന 'മൈ ഡിയര്‍ കുട്ടിച്ചാത്തന്‍' സംവിധാനം ചെയ്‍ത  ജിജോയുടെ കഥയെ ആസ്‍പദമാക്കിയാണ് മോഹന്‍ലാല്‍ സിനിമയൊരുക്കുന്നത്. സംവിധാനത്തിനൊപ്പം ടൈറ്റില്‍ കഥാപാത്രമായ 'ഭൂത'ത്തെ മോഹന്‍ലാല്‍ തന്നെയാണ് അവതരിപ്പിക്കുന്നത്. 

Follow Us:
Download App:
  • android
  • ios