അനൂപ് മേനോന്റെയും പൃഥ്വിരാജ് അടക്കമുള്ള സിനിമാ നടൻമാരുടെ വിദ്യാഭ്യാസ യോഗ്യതങ്ങള് ഇങ്ങനെ.
നടീ നടൻമാരുടെ വിശേഷങ്ങള് എന്നും സിനിമാ പ്രേക്ഷകര്ക്ക് കൗതുകമുള്ള കാര്യമാണ്. താരങ്ങളുടെ കുടുംബവും പ്രതിഫലവും ആസ്തിയുമൊക്കെ വാര്ത്തകളില് ഇടംനേടുന്നത് അതിനാലാണ്. താരങ്ങളുടെ വിദ്യാഭ്യാസ് യോഗ്യതകള് എന്തെന്ന് അറിയാനും പ്രേക്ഷകര്ക്ക് കൗതുകമുണ്ടാകും. മോഹൻലാലും മമ്മൂട്ടിയും സുരേഷ് ഗോപിയടക്കമുള്ള സിനിമാ നടൻമാരുടെ വിദ്യാഭ്യാസ യോഗ്യതകള് പരിശോധിക്കുകയാണ് ഇവിടെ.
ബികോം ബിരുദധാരിയാണ് കോളേജ് കാലത്തേ സിനിമയില് എത്തിയ മോഹൻലാല്. തിരുവനന്തപുരം എംജി കോളേജില് നിന്നാണ് താരം ബിരുദമെടുത്തത്. മമ്മൂട്ടി വക്കീല് ആയിരുന്നു സിനിമയില് വരുന്നതിന് മുമ്പ് എന്ന് നടന്റെ ആരാധകര്ക്ക് മിക്കവര്ക്കും അറിയാവുന്ന കാര്യമാണ്. എറണാകുളം ഗവണ് ലോ കോളേജിലാണ് താരം വിദ്യാഭ്യാസം നടത്തിയും എല്എല്ബി ബിരുദം കരസ്ഥമാക്കിയതും.
തീപാറും ഡയലോഗുകളിലൂടെ ആവേശം സൃഷ്ടിച്ച താരമായ സുരേഷ് ഗോപിയാകട്ടെ ഇംഗ്ലീഷ് സാഹിത്യത്തില് ബിരുദാനന്തര ബിരുദം നേടിയിട്ടുണ്ട്. ആക്ഷൻ ഹീറോയായ സുരേഷ് ഗോപി തന്റെ എംഎ പഠനം കൊല്ലം ഫാത്തിമ മാതാ നാഷണല് കോളേജിലായിരുന്നു നടത്തിയത്. മിമിക്രിയിലൂടെ പ്രേക്ഷകരുടെ പ്രിയങ്കരനാകുകയും പിന്നീട് സിനിമയില് കുടുംബ നായകനായി മാറുകയും ചെയ്ത ജയറാം കാലടി ശ്രീ ശങ്കര കോളേജില് നിന്ന് ഇക്കണോമിക്സില് ബിരുദം നേടി. കോമഡി വേഷങ്ങളിലൂടെ പ്രേക്ഷകരുടെ പ്രിയങ്കരും ഇന്ന് സിനിമയില് വേറിട്ട ഭാവങ്ങളില് എത്തി വിസ്മയിപ്പിക്കുന്ന ജഗദീഷ് തിരുവനന്തപുരം നാലാഞ്ചിറ മാര് ഇവാനിയസ് കോളേജില് നിന്ന് എംകോം ബിരുദം നേടിയപ്പോള് കേരള സര്വകലാശാലയില് ഒന്നാം റാങ്കുകാരനുമായിരുന്നു.
ഓസ്ടേലിയയിലെ ടാസ്മാനിയ ഐടി യൂണിവേഴ്സ്റ്റിയില് തന്റെ പഠനം നടത്തവേയാണ് പൃഥ്വിരാജിന് നന്ദനത്തിലേക്ക് അവസരം ലഭിക്കുന്നതും പിന്നീട് സിനിമയില് ഒന്നാംനിര നായകനാകുകയും ചെയ്തത്. തുടര്ന്ന് ബിരുദ പഠനം ഉപേക്ഷിക്കുകയായിരുന്നു. അനൂപ് മേനോൻ തിരുവനന്തപുരം ലോ കോളേജില് തന്റെ ബിരുദ പഠനം പൂര്ത്തിയാക്കിയപ്പോള് ഒന്നാം റാങ്കുകാരനുമായിരുന്നു. ഇന്ദ്രജിത്ത് തിരുന്നല്വേലി സര്ദാര് കോളേജിലാണ് തന്റെ ബിടെക്സ് പഠനം പൂര്ത്തിയാക്കുകയും ബിരുദം നേടുകയും ചെയ്തത്. എറണാകുളം സെയ്ന്റെ കോളേജില് പഠിച്ച താരം ജയസൂര്യ ബികോംകാരനാണ്. ചെമ്പഴത്തി ശ്രീ നാരായണ കോളേജില് തന്റെ സൈക്കോളജി ബിരുദം നേടിയ പ്രേംകുമാര് പിന്നീട് കോഴിക്കോട് സര്വകലാശാലയുടെ സ്കൂള് ഓഫ് ഡ്രാമയില് നിന്ന് തിയറ്ററില് ഒന്നാം റാങ്കും ഗോള്ഡ് മെഡലുമായി ബിരുദം നേടി. ആറ്റിങ്ങല് ഗവണ്മെന്റ് ഐടിഎയില് നിന്നാണ് തന്റെ മെക്കാനിക്കല് ഡിപ്ലോമ കോഴ്സ് സുരാജ് വെഞ്ഞാറമൂട് പൂര്ത്തിയാക്കിയത്.
