നയൻതാര നായികയായ 'മൂക്കുത്തി അമ്മൻ 2' മികച്ച പ്രേക്ഷക പ്രതികരണത്തോടെ പ്രദർശനം തുടരുന്നു. സുന്ദർ സി സംവിധാനം ചെയ്ത ഈ കളർഫുൾ എന്റർടെയ്‌നർ ചിത്രം വേൽസ് ഇന്റർനാഷണലാണ് നിർമ്മിച്ചിരിക്കുന്നത്.
മൂക്കുത്തി അമ്മന്റെ വൻ വിജയത്തിന് ശേഷം തിയേറ്ററുകളിലെത്തിയ നയൻതാര ചിത്രം ‘മൂക്കുത്തി അമ്മൻ 2’ന് മികച്ച പ്രേക്ഷക-നിരൂപക പ്രശംസകളാണ് ലഭിക്കുന്നത്. ആദ്യ ദിനം രാവിലെ 6 മണി മുതൽ പ്രദർശനം ആരംഭിച്ച ചിത്രത്തിന് ഹൗസ്ഫുൾ, ഫാസ്റ്റ് ഫില്ലിംഗ് ഷോകളാണ് ലഭിച്ചത്. ബുക്ക് മൈ ഷോയിൽ ബുക്കിംഗ് ആരംഭിച്ചതു മുതൽ ഇന്നുവരെ ടിക്കറ്റ് ബുക്കിംഗിൽ ഓരോ മണിക്കൂറിലും ട്രെൻഡിങ്ങിലാണ് മൂക്കുത്തി അമ്മൻ 2ന്റെ ടിക്കറ്റ് വിൽപ്പന. ഭയം, ഭക്തി, ഫാന്റസി, തമാശ എന്നിവയെല്ലാം ചേർന്ന ഒരു കളർഫുൾ എന്റർടെയ്‌നറാണ് സുന്ദർ സി ഈ ദീപാവലിക്ക് പ്രേക്ഷകർക്കായി ഒരുക്കിയിരിക്കുന്നത്.
വേൽസ് ഇന്റർനാഷണലിന്റെ ബാനറിൽ ഡോ. ഇഷാരി കെ. ഗണേഷ് നിർമ്മിച്ച ‘മൂക്കുത്തി അമ്മൻ 2 – മഹാശക്തി’യുടെ രചനയും സംവിധാനവും നിർവഹിച്ചിരിക്കുന്നത് സുന്ദർ സി. ആണ്. ചിത്രത്തിന്റെ സംഗീത സംവിധാനം ഹിപ്പ് ഹോപ്പ് തമിഴയാണ് നിർവഹിക്കുന്നത്. ഖുശ്ബു സുന്ദർ, കുഷ്മിത ഗണേഷ്, ഇഷാൻ സക്സേന, വിഘ്നേഷ് ശിവൻ എന്നിവരാണ് ചിത്രത്തിന്റെ സഹനിർമ്മാതാക്കൾ.
നയൻതാര, ദുനിയ വിജയ്, റെജീന കാസാൻഡ്ര, ഉർവശി, യോഗി ബാബു, മൈന നന്ദിനി, ഗരുഡ റാം, അഭിനയ, ശ്രുതി എസ്., സിംഗപുലി അണ്ണാവി, വി.ആർ. സ്വാമിനാഥൻ, ശിവകുമാർ എസ്., സുനിൽ വർമ്മ ഇൻഡുകുരി, വർഷിണി വെങ്കട്ട്, പാല കരുപ്പയ്യ, ആനന്ദ അധിഷ്ട ലക്ഷ്മി, നിതിൻ സത്യ, ഡെബ്ലിന ചാക്കി എന്നിവരാണ് മഹാശക്തിയിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഭാവന റിലീസാണ് ചിത്രം കേരളത്തിലെ തിയേറ്ററുകളിൽ വിതരണം ചെയ്യുന്നത്. മാർക്കറ്റിങ്: സിനി കണക്റ്റ് കമ്മ്യൂണിക്കേഷൻസ്,പി.ആർ.ഒ: പ്രതീഷ് ശേഖർ
