വേറിട്ട പാൻ ഇന്ത്യൻ വെബ് സീരിസുമായി നിത്യാ മേനൻ, കുമാരി ശ്രീമതിയുടെ മോഷൻ പോസ്റ്റര്‍- വീഡിയോ
കുമാരി ശ്രീമതിയുമായി നിത്യ മേനൻ.
നടി നിത്യാ മേനന്റെ വെബ് സീരീസാണ് കുമാരി ശ്രീമതി. സംവിധാനം ഗോമതേഷ് ഉപാധ്യായ ആണ്. തിരക്കഥ ഉദയ്, കാര്‍ത്തിക്, ജയന്ത്, അവസരല ശ്രീനിവാസ് എന്നിവര്‍ ചേര്‍ന്ന് എഴുതുന്നു. തെലുങ്ക്, തമിഴ്, ഹിന്ദി മലയാളം ഭാഷകളില്‍ എത്തുന്ന കുമാരി ശ്രീമതി ആമസോണ്‍ പ്രൈം വീഡിയോയിലാണ് സ്‍ട്രീം ചെയ്യുക.
മലയാളത്തിന്റെ നിത്യ മേനന്റേതായി ഒടുവിലെത്തിയ ചിത്രം കോളാമ്പിയാണ്. ടി കെ രാജീവ് കുമാറായിരുന്നു സംവിധാനം ചെയ്‍തത്. രവി വര്‍മനായിരുന്നു ഛായാഗ്രാഹണം നിര്‍വഹിച്ചത്. നിത്യ മേനൻ അരുദ്ധതിയായി എത്തിയ ചിത്രത്തില്‍ അബ്‍ദുള്‍ ഖാദറായി രണ്‍ജി പണിക്കറും സുദര്‍ശനനായി ദിലീഷ് പോത്തനും സഞ്‍ജയ് തരകനായി സിജോയി വര്‍ഗീസും സുന്ദരാംഭിയായി രോഹിണിയും സോളമനായി സിദ്ധാര്‍ഥ് മേനോനും വര്‍ഗീസായി സുരേഷ് കുമാറും എത്തി.
കോളാമ്പിയുടെ നിര്‍മാണം നിര്‍മാല്യം സിനിമാസിന്റെ ബാനറില്‍ ആണ്. കോളാമ്പിയുടെ നിര്‍മാതാവ് രൂപേഷ് ഓമനയായിരുന്നു. നിത്യ മേനൻ നായികയായ ചിത്രത്തിന്റെ തിരക്കഥ ടി കെ രാജീവ് കുമാറും കെ എം വേണുഗോപാലും ചേര്‍ന്നാണ് എഴുതിയത്. ചിത്രത്തിലെ ഗാനത്തിന് പ്രഭാ വര്‍മയ്‍ക്ക് ദേശീയ അവാര്‍ഡ് ലഭിച്ചപ്പോള്‍ ഗായികയായ മധുശ്രീ നാരായണന് സംസ്ഥാന പുരസ്‍കാരവും ലഭിച്ചു.
വണ്ടര്‍ വുമണ്‍ എന്ന ഇംഗ്ലീഷ് ചിത്രത്തിലും നിത്യ മേനൻ അടുത്തിടെ പ്രധാന വേഷത്തില്‍ എത്തിയിരുന്നു. സംവിധാനം അഞ്‍ജലി മേനോനായിരുന്നു. നോറ ജോസഫ് എന്ന കഥാപാത്രമായിരുന്നു ചിത്രത്തില്‍ നിത്യാ മേനൻ. നദിയാ മൊയ്‍തു, പാര്‍വതി തിരുവോത്ത്, സയനോര ഫിലിപ്പ്, പദ്‍മപ്രിയ ജാനകിരാമൻ, അര്‍ച്ചന പദ്‍മിനി, അമൃത സുഭാഷ് തുടങ്ങിയ താരങ്ങളും നിത്യക്കൊപ്പം വണ്ടര്‍ വുമണില്‍ പ്രധാന കഥാപാത്രങ്ങളായി എത്തി.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക
