ചിരിക്കാൻ വകതരുന്ന ഒട്ടേറെ രംഗങ്ങളുള്ള ട്രെയിലര് പുറത്തുവിട്ടതിനൊപ്പം 'ബ്രോ ഡാഡി'യുടെ റിലീസും പ്രഖ്യാപിച്ചിട്ടുണ്ട്.
പൃഥ്വിരാജും (Prithviraj) മോഹൻലാലും ഒന്നിക്കുന്ന ചിത്രം 'ബ്രോ ഡാഡി'ക്കായുള്ള കാത്തിരിപ്പിലാണ് ആരാധകര്. മോഹൻലാലിനൊപ്പം സ്വന്തം സംവിധാനത്തില് അഭിനയിക്കുകയും ചെയ്യുന്നുണ്ട് പൃഥ്വിരാജ് എന്നതാണ് 'ബ്രോ ഡാഡി'യുടെ ഏറ്റവും വലിയ പ്രത്യേകത. കോമഡിക്ക് പ്രാധാന്യം നല്കിയുള്ള ചിത്രമാണ് 'ബ്രോ ഡാഡി'. രസിപ്പിക്കുന്ന ഒരു ചിത്രം തന്നെയാകും 'ബ്രോ ഡാഡി' എന്ന് ഉറപ്പുതരുന്ന ട്രെയിലര് ഇപോള് പുറത്തുവിട്ടിരിക്കുകയാണ്.
അച്ഛനും മകനുമായിട്ടും ആണ് ചിത്രത്തില് മോഹൻലാലും പൃഥ്വിരാജും അഭിനയിക്കുന്നത്. മോഹൻലാലിന്റെ കഥാപാത്രത്തിന്റെ ജോഡിയായി ചിത്രത്തില് മീനയാണ്. അഭിനന്ദൻ രാമാനുജം ആണ് ചിത്രത്തിന്റെ ഛായഗ്രാഹകൻ. ദീപക് ദേവ് സംഗീത സംവിധാനം നിര്വഹിക്കുന്ന 'ബ്രോ ഡാഡി' ഡിസ്നി പ്ലസ് ഹോട് സ്റ്റാറിലൂടെ 26ന് പ്രദര്ശനത്തിനെത്തുമെന്നും ട്രെയിലറിനൊപ്പം അറിയിച്ചിട്ടുണ്ട്.
ആന്റണി പെരുമ്പാവൂരാണ് ചിത്രം നിര്മിക്കുന്നത്. സിദ്ധു പനയ്ക്കല് ആണ് പ്രൊഡക്ഷൻ കണ്ട്രോളര്. ഇത് ഒരു കോമഡി ചിത്രമായിരിക്കും ഇതെന്നാണ് പൃഥ്വിരാജ് പറഞ്ഞിരുന്നത്. സന്തോഷകരമായ ഒരു സിനിമയായിരിക്കും ഇതെന്നും പൃഥ്വിരാജ് പറഞ്ഞിരുന്നു.
മോഹൻലാലും പൃഥ്വിരാജും ഒന്നിക്കുന്ന രംഗങ്ങള് തന്നെയാണ് 'ബ്രോ ഡാഡി'യുടെ ആകര്ഷണം എന്നാണ് ട്രെയിലറില് നിന്നും വ്യക്തമാകുന്നത്. കല്യാണി പ്രിയദര്ശൻ ആണ് ചിത്രത്തില് പൃഥ്വിരാജിന്റെ ജോഡിയായി എത്തുന്നത്. ശ്രീജിത്തും എന്നും ബിബിൻ മാളിയേക്കലുമാണ് തിരക്കഥ എഴുതുന്നത്. എം ആര് രാജകൃഷ്ണനാണ് ചിത്രത്തിന്റെ ഓഡിയോഗ്രാഫി.
