സന്ദീപ് റെഡ്ഡി വംഗയാണ് സംവിധാനം.
രണ്ബിര് കപൂര് നായകനാകുന്ന പുതിയ ചിത്രമാണ് 'ആനിമല്'. സന്ദീപ് റെഡ്ഡി വംഗയാണ് ചിത്രം സംവിധാനം ചെയ്യുന്നത്. സന്ദീപ് റെഡ്ഡി വംഗയാണ് ചിത്രത്തിന്റെ തിരക്കഥ എഴുതുന്നതും. 'ആനിമലി'ന്റെ ഫസ്റ്റ് ലുക്ക് പുറത്തുവിട്ടിരിക്കുകയാണ്.
രക്തം പുരണ്ട് കയ്യില് ഒരു കോടാലിയുമായി നില്ക്കുന്ന രണ്ബിര് കപൂറിന്റെ ഫോട്ടോ ഉള്പ്പെടുത്തിയിരിക്കുന്ന ഫസ്റ്റ് ലുക്ക് പോസ്റ്റര് ഓണ്ലൈനില് ചര്ച്ചയായിട്ടുണ്ട്. 'അര്ജുൻ റെഡ്ഡി' എന്ന ചിത്രത്തിന് ശേഷം സന്ദീപ് റെഡ്ഡി വംഗ സംവിധാനം ചെയ്യുന്നു എന്നതിനാല് 'ആനിമലി'ല് വലിയ പ്രതീക്ഷകളുമാണ്. അമിത് റോയ് ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. ഹിന്ദി, തെലുങ്ക്, തമിഴ്, കന്നഡ, മലയാളം ഭാഷകളിലായിട്ടായിരിക്കും രണ്ബിര് കപൂര് നായകനാകുന്ന 'ആനിമല്' പ്രദര്ശനത്തിന് എത്തുന്നത്.
രണ്ബിര് കപൂറിന്റെ നായികാ വേഷത്തില് ചിത്രത്തില് രശ്മിക മന്ദാനയാണ് എത്തുക. അനില് കപൂറും ഒരു പ്രധാനപ്പെട്ട കഥാപാത്രമായി ചിത്രത്തില് അഭിനയിക്കുന്നു. ടീ സീരീസ്, ഭദ്രകാളി പിക്ചേഴ്സ് എന്നിവയുടെ ബാനറിലാണ് നിര്മാണം. ഭൂഷൻ കുമാറും പ്രണവ് റെഡ്ഡി വംഗയും ചേര്ന്നാണ് 'ആനിമലി'ന്റെ നിര്മാണം.
രണ്ബിര് കപൂര് നായകനായി ഏറ്റവും ഒടുവില് പ്രദര്ശനത്തിന് എത്തിയത് 'ബ്രഹ്മാസ്ത്ര പാര്ട്ട് വണ് ശിവ'യായിരുന്നു. അയൻ മുഖര്ജിയാണ് ചിത്രത്തിന്റെ സംവിധായകൻ. 'ശിവ' എന്ന നായക കഥാപാത്രമായിട്ടാണ് ചിത്രത്തില് രണ്ബിര് കപൂര് അഭിനയിച്ചത്. നായിക 'ഇഷ'യായി ആലിയ ഭട്ടും ചിത്രത്തില് വേഷമിട്ടു. മികച്ച പ്രതികരണമാണ് രണ്ബിര് ചിത്രത്തിന് തിയറ്ററുകളില് നിന്ന് ലഭിച്ചത്. അമിതാഭ് ബച്ചനും ചിത്രത്തില് പ്രധാനപ്പെട്ട കഥാപാത്രമായി എത്തി. നാഗാര്ജുന, മൗനി റോയ്, ഡിംപിള് കപാഡിയ, ഫരിദ ദേവി തുടങ്ങിയവരും 'ബ്രഹ്മാസ്ത്ര'യെന്ന ചിത്രത്തില് വേഷമിട്ടു.
Read More: 'ചോദിക്കേണ്ടത് അയാളോട് ഞാൻ ചോദിച്ചോളാം', ആകാംക്ഷ വര്ദ്ധിപ്പിച്ച് 'എലോണ്' ട്രെയിലര്
