ഒക്ടോബർ പത്തിനാണ് രാവണപ്രഭു റീ റിലീസായി എത്തുന്നത്. രഞ്ജിത്ത് സംവിധാനം ചെയ്ത ആദ്യ ചിത്രം കൂടിയായിരുന്നു 2001 ൽ പുറത്തിറങ്ങിയ രാവണപ്രഭു.
മോഹന്ലാലിനെ നായകനാക്കി രഞ്ജിത്ത് രചനയും സംവിധാനവും നിര്വ്വഹിച്ച് 2001 ല് പുറത്തെത്തിയ രാവണപ്രഭു റീ റിലീസിനൊരുങ്ങുന്നു എന്ന വാർത്ത വലിയ ആവേശത്തോടെയാണ് ആരാധകർ ഒന്നടങ്കം സ്വീകരിച്ചത്. 4കെ, ഡോള്ബി അറ്റ്മോസ് ദൃശ്യ, ശ്രാവ്യ മികവിലേക്ക് റീമാസ്റ്റര് ചെയ്യപ്പെട്ടാണ് ചിത്രം വീണ്ടുമെത്തുന്നത്. ഇപ്പോഴിതാ ചിത്രത്തിന്റെ പുത്തൻ റീ റിലീസ് പോസ്റ്റർ പുറത്തുവിട്ടിരിക്കുകയാണ്. 'ഇത് അയാളുടെ കാലമല്ലേ ഇതിങ്ങനെ തുടരും' എന്നാണ് പോസ്റ്ററിന്റെ തലക്കെട്ട്. ഒക്ടോബർ പത്തിനാണ് ചിത്രം തിയേറ്ററുകളിൽ എത്തുന്നത്.
രഞ്ജിത്തിന്റെ അരങ്ങേറ്റം
രഞ്ജിത്തിന്റെ സംവിധാന അരങ്ങേറ്റചിത്രം കൂടിയായിരുന്നു രാവണപ്രഭു. രഞ്ജിത്തിന്റെ തന്നെ തിരക്കഥയില് ഐ വി ശശി സംവിധാനം ചെയ്ത് 1993 ല് പുറത്തെത്തി കള്ട്ട് സ്റ്റാറ്റസ് നേടിയ ദേവാസുരത്തിലെ മംഗലശ്ശേരി നീലകണ്ഠനെ അയാളുടെ മകനൊപ്പം അവതരിപ്പിക്കുകയായിരുന്നു സംവിധാന അരങ്ങേറ്റ ചിത്രത്തില് രഞ്ജിത്ത്. വന് വിജയവുമായിരുന്നു റിലീസ് സമയത്ത് രാവണപ്രഭു. ചിത്രത്തിലെ കാര്ത്തികേയന്റെ മാസ് രംഗങ്ങളും നീലകണ്ഠന്റെ ഇമോഷണല് രംഗങ്ങളുമൊക്കെ കാണികള് ഏറ്റെടുത്തു. മംഗലശ്ശേരി നീലകണ്ഠന് മകന് കാര്ത്തികേയന്റെ മാസ് രംഗങ്ങളില് പലതും ഇപ്പോഴും റീലുകളില് ആവര്ത്തിച്ച് പ്രത്യക്ഷപ്പെടാറുണ്ട്. മലയാളത്തില് റീ റിലീസില് വിജയിച്ച പല ചിത്രങ്ങളുടെയും റീമാസ്റ്ററിംഗ് നിര്വ്വഹിച്ച മാറ്റിനി നൗ ആണ് രാവണപ്രഭുവും റീമാസ്റ്റര് ചെയ്തിരിക്കുന്നത്.
Related Articles
മലയാളത്തിലെ റീ റിലീസുകളില് തിയറ്ററില് ഏറ്റവും ഓളം സൃഷ്ടിച്ച ചിത്രമായിരുന്നു ഛോട്ടാ മുംബൈ. ഛോട്ടാ മുംബൈക്ക് പിന്നാലെ മലയാളത്തില് നിന്ന് എത്തുന്ന റീ റിലീസ് ആണ് രാവണപ്രഭു. ഛോട്ടാ മുംബൈ കൂടാതെ മോഹന്ലാലിന്റെ മറ്റ് മൂന്ന് ചിത്രങ്ങള് ഇതിനകം റീ റിലീസ് ആയി തിയറ്ററുകളില് എത്തിയിട്ടുണ്ട്. അതില് സ്ഫടികം ആണ് സമീപവര്ഷങ്ങളിലെ റീ റിലീസ് ട്രെന്ഡില് മലയാളത്തില് നിന്ന് ആദ്യം എത്തിയത്. പിന്നാലെ ദേവദൂതനും മണിച്ചിത്രത്താഴും എത്തി. ഉദയനാണ് താരം എന്ന ചിത്രവും ഇത്തരത്തില് റീ റിലീസിന് ഒരുങ്ങുന്നുണ്ട്.
