ആസിഡ് ആക്രമണത്തിന്റെ ഇരകള്ക്കായി രൂപീകരിച്ച മീര് ഫൗണ്ടേഷന് കോവിഡ് പ്രതിരോധത്തിലും പ്രവര്ത്തിച്ചു വരികയാണ്. ഷാരൂഖ് ഖാനും മീര് ഫൗണ്ടേഷനും ആരോഗ്യ വകുപ്പ് മന്ത്രി കെ.കെ. ശൈലജ നന്ദി അറിയിച്ചു.
തിരുവനന്തപുരം: കേരളത്തിന്റെ കൊവിഡ് പ്രതിരോധ പ്രവർത്തനങ്ങളുടെ ഭാഗമായി ബോളിവുഡ് സൂപ്പർ താരം ഷാരുഖ് ഖാനും. താരത്തിന്റെ മീര് ഫൗണ്ടേഷന് കേരളത്തിലെ കൊവിഡ് പ്രതിരോധ പ്രവര്ത്തനങ്ങള്ക്കായി 20,000 എന് 95 മാസ്കുകള് നല്കി. ആസിഡ് ആക്രമണത്തിന്റെ ഇരകള്ക്കായി രൂപീകരിച്ച മീര് ഫൗണ്ടേഷന് കൊവിഡ് പ്രതിരോധത്തിലും പ്രവര്ത്തിച്ചു വരികയാണ്.
സിനിമാ താരങ്ങളായ ഇന്ദ്രജിത്ത്, രാജശ്രീ ദേശ്പാണ്ഡെ എന്നിവരാണ് കേരളത്തിലെ കോവിഡ് പ്രതിരോധ പ്രവര്ത്തനങ്ങളെ കുറിച്ച് ഷാറൂഖ് ഖാന്റെ ശ്രദ്ധയില്പ്പെടുത്തിയത്. ഷാരൂഖ് ഖാനും മീര് ഫൗണ്ടേഷനും ആരോഗ്യ വകുപ്പ് മന്ത്രി കെ.കെ. ശൈലജ നന്ദി അറിയിച്ചു.
