സിരുത്തൈ ശിവ- രജനികാന്ത് ചിത്രം, ആഘോഷതിമിര്പ്പില് അണ്ണാത്തെയിലെ പുതിയ ഗാനം
സിരുത്തൈ ശിവയുടെ സംവിധാനത്തിലുള്ള ചിത്രമായ അണ്ണാത്തെയിലെ പുതിയ ഗാനം പുറത്തുവിട്ടു.
സിരുത്തൈ ശിവയുടെ ( Siruthai Siva) സംവിധാനത്തിലുള്ള ചിത്രമായ അണ്ണാത്തെയാണ് ഇനി രജനികാന്തിന്റേതാായി (Rajinikanth) പ്രദര്ശനത്തിന് എത്താനുള്ളത്. സിരുത്തൈ ശിവയുടെ പുതിയ ചിത്രവും മാസായിരിക്കും എന്ന സൂചയാണ് ടീസര് നല്കിയത്. രജനികാന്ത് നായകനാകുന്ന അണ്ണാത്തെയിലെ ഫോട്ടോകള് ഓണ്ലൈനില് തരംഗമാകുകയും ചെയ്തിരുന്നു. ഇപ്പോഴിതാ അണ്ണാത്തെ എന്ന ചിത്രത്തിലെ പുതിയൊരു ഗാനം പുറത്തുവിട്ടിരിക്കുകയാണ്.
മരുധാനിയെന്ന് തുടങ്ങുന്ന ഗാനമാണ് ചിത്രത്തിലേതായി പുറത്തുവിട്ടിരിക്കുന്നത്. മീന, ഖുശ്ബു, കീര്ത്തി സുരേഷ് തുടങ്ങിയവരും മണി അമുതവൻ എഴുതിയ പുതിയ ഗാനത്തിന്റെ ലിറിക്ക് വീഡിയോയില് കാണാം. എസ് പി ബാലസുബ്രഹ്മണ്യമാണ് ചിത്രത്തിലെ ആദ്യ ഗാനം ആലപിച്ചത്. ഇതിഹാസ ഗായകൻ രജനി ചിത്രത്തിന് വേണ്ടി ആലപിച്ച ഗാനം വൻ ഹിറ്റാകുകയും ചെയ്തു.
സണ് പിക്ചേഴ്സ് ആണ് ചിത്രം നിര്മിക്കുന്നത്.
സംഗീത സംവിധാനം നിര്വഹിച്ചിരിക്കുന്നത് ഡി ഇമ്മൻ ആണ്. വിവേക ആണ് അണ്ണാത്തെ എന്ന ചിത്രത്തിലെ മറ്റ് ഗാനങ്ങള് എഴുതിയിരിക്കുന്നത്. വെട്രി പളനിസ്വാമിയാണ് ഛായാഗ്രാഹകൻ. രജനികാന്തും സിരുത്തൈ ശിവയും ഒന്നിക്കുമ്പോള് മാസാകും എന്ന പ്രതീക്ഷയിലാണ്. ഏറെകാലത്തെ കാത്തിരിപ്പിന് ശേഷം ചിത്രം റിലീസ് ചെയ്യുന്നുവെന്ന സന്തോഷത്തിലും.