സായ് പല്ലവിയാണ് ചിത്രത്തില് നായികയായെത്തുന്നത്.
തമിഴകത്ത് മിനിമം ഗ്യാരണ്ടിയുള്ള ഒരു താരമാണ് ശിവകാര്ത്തികേയൻ. അതുകൊണ്ടുതന്നെ ശിവകാര്ത്തികേയൻ നായകനാകുന്ന ഓരോ ചിത്രവും ആരാധകര് കാത്തിരിക്കുന്നതാണ്. രാജ്കുമാര് പെരിയസ്വാമി സംവിധാനം ചെയ്യുന്ന ചിത്രമാണ് ശിവകാര്ത്തികേയന്റേതായി പുരോഗമിക്കുന്നത്. ശിവകാര്ത്തികേയൻ നായകനാകുന്ന പുതിയ ചിത്രത്തിന്റെ ആദ്യ ഷെഡ്യൂള് പൂര്ത്തിയായിരിക്കുകയാണ്.
'എസ്കെ 21' എന്ന വിശേഷണപ്പേരുള്ള ചിത്രത്തിന്റെ ചിത്രീകരണം നടന്നത് കശ്മീരിലായിരുന്നു. 'എസ്കെ 21'ന്റെ ആദ്യ ഷെഡ്യൂള് അവസാനിച്ചതായി രാജ്കുമാര് പെരിയസ്വാമിയാണ് വ്യക്തമാക്കിയത്. എല്ലാവര്ക്കും നന്ദിയും പറയുന്നു സംവിധായകൻ. കമല്ഹാസന്റെ രാജ് കമല് നിര്മിക്കുന്ന ചിത്രത്തില് സായ് പല്ലവി നായികയായി എത്തുമെന്നും ഒരു യുദ്ധ സിനിമയായിരിക്കും എന്നും ശിവകാര്ത്തികേയന്റെത് വേറിട്ട ലുക്കായിരിക്കും എന്നും റിപ്പോര്ട്ടുകളുണ്ട്.
ശിവകാര്ത്തികേയൻ നായകനായി 'മാവീരൻ' സിനിമയാണ് ഒടുവില് പ്രദര്ശനത്തിന് എത്തിയത്. മഡോണി അശ്വിനാണ് ചിത്രത്തിന്റെ സംവിധാനം. മഡോണി അശ്വിന്റേതാണ് ചിത്രത്തിന്റെ തിരക്കഥയും. ചിത്രം വൻ വിജയമായി മാറിയിരുന്നു.
'മാവീരൻ' ജൂലൈ 14ന് ആണ് തിയറ്ററുകളില് എത്തിയത്, ചിത്രം ആമസോണ് പ്രൈം വീഡിയോയിലാണ് ഒടിടി റിലീസ് ചെയ്തത്. വിധു അയ്യണ്ണ ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. സംവിധായകൻ എസ് ഷങ്കറിന്റെ മകള് അദിതി നായികയാകുന്ന ചിത്രത്തിന്റെ സംഗീത സംവിധായകൻ ഭരത് ശങ്കര് ആണ് ചിത്രത്തിന്റെ സംഗീത സംവിധായകൻ.
ശിവകാര്ത്തികേയൻ നായകനായി ഇതിനു മുമ്പ് തിയറ്ററുകളില് എത്തിയത് 'പ്രിൻസ് ആണ്'. അനുദീപ് കെ വി ആണ് ചിത്രം സംവിധാനം ചെയ്തത്. ചിത്രത്തിന് മികച്ച പ്രതികരണം നേടാനായിരുന്നില്ല ക്ലീൻ യു സര്ട്ടിഫിക്കറ്റോടെ ഒരു റൊമാന്റിക് കോമഡി ചിത്രവുമായിട്ടായിരുന്നു 'പ്രിൻസ്' എത്തിയത്. ശ്രീ വെങ്കടേശ്വരൻ സിനിമാസ് എല്എല്പിയാണ് 'പ്രിൻസ്' നിര്മിച്ചത്. വിദേശ യുവതിയുമായി പ്രണയത്തിലാകുന്ന തമിഴ് ടൂറിസ്റ്റ് ഗൈഡായിട്ടാണ് ശിവകാര്ത്തികേയൻ ചിത്രത്തില് അഭിനയിച്ചിരുന്നത്. 'പ്രിൻസ്' എന്ന ചിത്രത്തില് സത്യരാജും ഒരു പ്രധാന കഥാപാത്രമായി എത്തിയപ്പോള് യുക്രൈൻ താരം മറിയ റ്യബോഷ്പ്കയായിരുന്നു ശിവകാര്ത്തികേയന്റെ നായിക.
ശിവകാര്ത്തികേയൻ നായകനായി 'അയലാൻ' എന്ന ചിത്രവും റിലീസ് ചെയ്യാനുണ്ട്. ആര് രവികുമാറാണ് ചിത്രം സംവിധാനം ചെയ്യുന്നത്. എ ആര് റഹ്മാനാണ് ചിത്രത്തിന്റെ സംഗീത സംവിധായകൻ. സയൻസ് ഫിക്ഷൻ ചിത്രമായിട്ടാണ് 'അയലാൻ' പ്രദര്ശനത്തിന് എത്തുക.
ഇന്ത്യൻ ക്രിക്കറ്റ് താരമായ നടരാജന്റെ ജീവചരിത്ര സിനിമയില് ശിവകാര്ത്തികേയൻ നായകനാകുന്നുവെന്നും അടുത്തിടെ റിപ്പോര്ട്ടുണ്ടായിരുനനു. നടരാജൻ തന്നെയാണ് ഒരു മാധ്യമ സംവാദത്തില് ഇക്കാര്യം പറഞ്ഞത്. ശിവകാര്ത്തികേയൻ തന്നെ നടരാജന്റെ ജീവചരിത്ര സിനിമ സംവിധാനം ചെയ്തേക്കുമെന്നും റിപ്പോര്ട്ടുണ്ട്. ഇന്ത്യൻ ക്രിക്കറ്റ് ടീമില് 2020 ഡിസംബറില് അരങ്ങേറിയ ടി നടരാജൻ തമിഴ്നാട് ക്രിക്കറ്റ് താരമാണ്.
Read More: 'ലിയോ' ഒരുങ്ങുന്നു, ലോകേഷ് കനകരാജ് ചിത്രത്തിന്റെ അപ്ഡേറ്റ്
