ശിവകാര്ത്തികേയന്റെ മദ്രാസിയുടെ ട്രെയിലര് പുറത്ത്.
ശിവകാര്ത്തികേയൻ നായകനായി വരാനിരിക്കുന്ന പുതിയ ചിത്രമാണ് മദ്രാസി. എ ആര് മുരുഗദോസ്സാണ് സംവിധാനം. മലയാളത്തിന്റെ ബിജുമേനോനും കേന്ദ്ര കഥാപാത്രമാകുന്നു. ബിജു മേനോന്റെ കരിയറിലെ ഒൻപതാമത്തെ തമിഴ് ചിത്രമാണിത്. ചിത്രത്തിന്റെ തകര്പ്പൻ ട്രെയിലര് പുറത്തുവിട്ടു.
ശ്രീ ലക്ഷ്മി മൂവീസ് നിർമ്മിക്കുന്ന ചിത്രത്തിൽ ശിവകാർത്തികേയൻ, രുക്മിണി വസന്ത് , വിദ്യുത് ജമാൽ, ബിജു മേനോൻ, ഷബീർ കല്ലറക്കൽ, വിക്രാന്ത് എന്നിവരാണ് പ്രധാന റോളുകളിൽ എത്തുന്നത്. മദ്രാസിയുടെ സംഗീത സംവിധാനം അനിരുദ്ധ് രവിചന്ദർ, സിനിമാട്ടോഗ്രാഫി: സുധീപ് ഇളമൺ, എഡിറ്റിങ് : ശ്രീകർ പ്രസാദ്, കലാസംവിധാനം: അരുൺ വെഞ്ഞാറമൂട്, ആക്ഷൻ കൊറിയോഗ്രാഫി : കെവിൻ മാസ്റ്റർ ആൻഡ് മാസ്റ്റർ ദിലീപ് സുബ്ബരായൻ, പിആർഒ ആൻഡ് മാർക്കറ്റിംഗ് കൺസൽട്ടന്റ് പ്രതീഷ് ശേഖർ എന്നിവരാണ്.
തമിഴകത്തിന്റെ ശിവകാര്ത്തികേയൻ നായകനായി ഒടുവില് വന്നതാണ് അമരൻ. അമരൻ 2024ല് സര്പ്രൈസ് ഹിറ്റ് ചിത്രമായി മാറിയിരുന്നു. ശിവകാര്ത്തികേയന്റെ അമരൻ ആഗോളതലത്തില് 334 കോടിയോളം നേടിയിരുന്നു. മേജര് മുകുന്ദ് വരദരാജന്റെ ജീവിതം പറഞ്ഞതായിരുന്നു ശിവകാര്ത്തികേയന്റെ അമരൻ. മേജര് മുകുന്ദ് വരദരാജനായിട്ടാണ് ശിവകാര്ത്തികേയൻ ചിത്രത്തില് എത്തിയത്. ഇന്ദു റെബേക്ക വര്ഗീസായി ശിവകാര്ത്തികേയൻ ചിത്രത്തില് നായികയായത് സായ് പല്ലവിയും മറ്റ് കഥാപാത്രങ്ങളായി ഭുവൻ അറോറ, രാഹുല് ബോസ്, ലല്ലു, ശ്രീകുമാര്, ശ്യാമപ്രസാദ്, ശ്യാം മോഹൻ, ഗീതു കൈലാസം, വികാസ് ബംഗര്, മിര് സല്മാൻ എന്നിവരുമുണ്ടായിരുന്നു. രാജ്കുമാര് പെരിയസ്വാമിയാണ് സംവിധാനം നിര്വഹിച്ചത്.
2024 ഒക്ടോബർ 31ന് റിലീസ് ചെയ്ത ചിത്രമാണ് അമരൻ. രാജ്കുമാർ പെരിയസാമി സംവിധാനം ചെയ്ത് രാജ് കമൽ ഫിലിംസ് ഇന്റർനാഷണലും സോണി പിക്ചേഴ്സ് ഫിലിംസ് ഇന്ത്യയും ചേർന്നായിരുന്നു നിർമ്മാണം.
