ആടിത്തിമിര്ക്കാൻ ശിവകാര്ത്തികേയനും എത്തുന്നു.
തമിഴകമൊന്നാകെ വിജയ് നായകനാകുന്ന ലിയോയുടെ ട്രെയിലര് കാത്തിരിക്കുകയാണ്. ഇന്ന് വൈകുന്നേരത്തോടെയാണ് വിജയ്യുടെ ലിയോയുടെ ട്രെയിലര് പുറത്തുവിടുക. നാളയും തമിഴകത്ത് മറ്റൊരു ആഘോഷമുണ്ടാകും. ശിവകാര്ത്തികേയൻ നായകനായി വേഷമിടുന്ന അയലാന്റെ ടീസര് നാളെ 7.8ന് പുറത്തുവിടുമെന്നാണ് പ്രഖ്യാപിച്ചിരിക്കുന്നത്.
സംവിധാനം ആര് രവികുമാറാണ്. തിരക്കഥയും ആര് രവികുമാറിന്റേത് തന്നെ. ഛായാഗ്രാഹണം നിര്വഹിക്കുന്നത് നിരവ് ഷായാണ്. സംഗീതം എ ആര് റഹ്മാനാണ്.
'എസ്കെ 21' എന്ന വിശേഷണപ്പേരുള്ള ചിത്രത്തിന്റെ തിരക്കിലാണ് ഇപ്പോള് ശിവകാര്ത്തികേയൻ. ശിവകാര്ത്തികേയൻ നായകനാകുന്ന പുതിയ ചിത്രത്തിന്റെ സംവിധാനം രാജ്കുമാര് പെരിയസ്വാമിയാണ്. സായ് പല്ലവി നായികയായി എത്തുന്നു. കമല്ഹാസന്റെ രാജ് കമലാണ് ശിവകാര്ത്തികേയൻ ചിത്രം നിര്മിക്കുന്നത്.
ശിവകാര്ത്തികേയൻ നായകനായി 'മാവീരൻ' സിനിമയാണ് ഒടുവില് പ്രദര്ശനത്തിന് എത്തിയത്. സംവിധാനം മഡോണി അശ്വിന്റേതായിരുന്നു തിരക്കഥയും മഡോണി അശ്വിന്റേതാണ് . ചിത്രം വൻ വിജയമായി മാറിയിരുന്നു.
'മാവീരൻ' ജൂലൈ 14ന് ആണ് തിയറ്ററുകളില് എത്തിയത്. ചിത്രം ആമസോണ് പ്രൈം വീഡിയോയായിലായിരുന്നു ഒടിടി റിലീസ് ചെയ്തത്. ഛായാഗ്രാഹണം നിര്വഹിച്ചത് വിധു അയ്യണ്ണ. അദിതി നായികയാകുന്ന മാവീരന്റെ സംഗീത സംവിധായകൻ ഭരത് ശങ്കര് ആയിരുന്നു.
ശിവകാര്ത്തികേയൻ നായകനായി ഇതിനു മുമ്പ് തിയറ്ററുകളില് എത്തിയത് 'പ്രിൻസ് ആണ്'. അനുദീപ് കെ വി ആണ് ചിത്രം സംവിധാനം ചെയ്തത്. ചിത്രത്തിന് മികച്ച പ്രതികരണം നേടാനായിരുന്നില്ല ക്ലീൻ യു സര്ട്ടിഫിക്കറ്റോടെ ഒരു റൊമാന്റിക് കോമഡി ചിത്രവുമായിട്ടായിരുന്നു 'പ്രിൻസ്' എത്തിയത്. ശ്രീ വെങ്കടേശ്വരൻ സിനിമാസ് എല്എല്പിയാണ് 'പ്രിൻസ്' നിര്മിച്ചത്. വിദേശ യുവതിയുമായി പ്രണയത്തിലാകുന്ന തമിഴ് ടൂറിസ്റ്റ് ഗൈഡായിട്ടാണ് ശിവകാര്ത്തികേയൻ ചിത്രത്തില് അഭിനയിച്ചിരുന്നത്. 'പ്രിൻസ്' എന്ന ചിത്രത്തില് സത്യരാജും ഒരു പ്രധാന കഥാപാത്രമായി എത്തിയപ്പോള് യുക്രൈൻ താരം മറിയ റ്യബോഷ്പ്കയായിരുന്നു ശിവകാര്ത്തികേയന്റെ നായിക.
ഇന്ത്യൻ ക്രിക്കറ്റ് താരമായ നടരാജന്റെ ജീവചരിത്ര സിനിമയില് ശിവകാര്ത്തികേയൻ നായകനാകുന്നുവെന്നും അടുത്തിടെ റിപ്പോര്ട്ടുണ്ടായിരുനനു. നടരാജൻ തന്നെയാണ് ഒരു മാധ്യമ സംവാദത്തില് ഇക്കാര്യം പറഞ്ഞത്. ശിവകാര്ത്തികേയൻ തന്നെ നടരാജന്റെ ജീവചരിത്ര സിനിമ സംവിധാനം ചെയ്തേക്കുമെന്നും റിപ്പോര്ട്ടുണ്ട്. ഇന്ത്യൻ ക്രിക്കറ്റ് ടീമില് 2020 ഡിസംബറില് അരങ്ങേറിയ ടി നടരാജൻ തമിഴ്നാട് സംസ്ഥാന ക്രിക്കറ്റ് താരമാണ്.
Read More: ചരിത്രമാകാൻ ലിയോയും, വിജയ്യുടെ പുതിയ ചിത്രം അതിര്ത്തി രാജ്യത്തും ആവേശത്തിര തീര്ക്കും
