വിഷയത്തിൽ കിച്ച സുദീപിനെ പിന്തുണച്ചുകൊണ്ട് കുമാരസ്വാമിയും രംഗത്തെത്തി. അജയ് ദേവ്ഗണിന്റെ പെരുമാറ്റം 'മണ്ടത്തരമാ'ണെന്ന് നീണ്ട ട്വിറ്റർ ത്രെഡിൽ കുമാരസ്വാമി രൂക്ഷമായി വിമർശിക്കുന്നു.
ഹിന്ദി ഭാഷയുമായി ബന്ധപ്പെട്ട് (Hindi) കന്നഡ താരം കിച്ച സുദീപും(Kiccha Sudeep) ബോളിവുഡ് താരം അജയ് ദേവ്ഗണും(Ajay Devgn) തമ്മില് നടന്ന വാദപ്രതിവാദത്തിൽ പ്രതികരണവുമായി നടൻ സോനു സൂദ്(Sonu Sood). ഹിന്ദിയിലെ രാഷ്ട്ര ഭാഷ എന്ന് വിളിക്കാനാകില്ലെന്നും ഇന്ത്യയുടെ പൊതുവായ ഭാഷ വിനോദമാണെന്നും സോനു സൂദ് പറഞ്ഞു.
ഹിന്ദിയെ രാഷ്ട്ര ഭാഷ എന്ന് വിളിക്കാന് സാധിക്കുമെന്ന് എനിക്ക് തോന്നുന്നില്ല. ഇന്ത്യയ്ക്ക് ഒരു ഭാഷ മാത്രമേയുള്ളു, അത് വിനോദമാണ്. വിനോദത്തിന് ഭാഷ പ്രധാനമല്ല. നിങ്ങള് ഏത് ഭാഷയില് നിന്നുള്ളവരാണെങ്കിലും പ്രേക്ഷകരെ രസിപ്പിക്കാന് കഴിഞ്ഞാല് അവര് നിങ്ങളെ ഇഷ്ടപ്പെടും. ബഹുമാനിക്കും. നല്ല സിനിമകള് മാത്രമേ അവര് സ്വീകരിക്കുകയുമുള്ളൂ', എന്നാണ് സോനു സൂദ് പറഞ്ഞത്.
ഇപ്പോഴത്തെ പാന് ഇന്ത്യൻ ചിത്രങ്ങള് കണക്കിലെടുത്താല് ഹിന്ദിയെ ദേശീയ ഭാഷയെന്ന് പറയാനാകില്ലെന്നായിരുന്നു സുദീപിന്റെ പ്രസ്താവന. ഹിന്ദി ദേശീയ ഭാഷയാണെന്നത് മറക്കരുതെന്ന് പറഞ്ഞ അജയ് ദേവ്ഗണ്, സുദീപിന്റെ പ്രസ്താവനയില് കടുത്ത വിമര്ശനവും ഉന്നയിച്ചു. പാന് ഇന്ത്യന് സിനിമകളെന്ന് അവകാശപ്പെട്ട് ഇറങ്ങുന്ന ബോളിവുഡ് ചിത്രങ്ങള് തെലുങ്കിലും കന്നഡയിലും തമിഴിലും മലയാളത്തിലും റീമേക്ക് ചെയ്താലും ഇന്ന് വിജയിക്കുന്നില്ല. എന്നാല് തെന്നിന്ത്യന് സിനിമകളാകട്ടെ ഹിന്ദിയില് മൊഴി മാറ്റി ബോളിവുഡ് ചിത്രങ്ങളുടെ റെക്കോര്ഡുകള് തകര്ക്കുന്നു. ഇപ്പോഴത്തെ പാന് ഇന്ത്യൻ ചിത്രങ്ങള് കണക്കിലെടുത്താല് ഹിന്ദിയെ ദേശീയ ഭാഷയെന്ന് എങ്ങനെ പറയാനാകുമെന്നായിരുന്നു സുദീപിന്റെ ചോദ്യം. പിന്നാലെ രൂക്ഷവിമര്ശനവുമായി രംഗത്തെത്തിയ അജയ് ദേവ്ഗണ്, ഹിന്ദി ദേശഭാഷയാണെന്ന കാര്യം താരം മറക്കരുതെന്ന് ചൂണ്ടികാട്ടി.
Read Also: 'ദേവ്ഗൺ മണ്ടത്തരം പറയരുത്', കിച്ച സുദീപിന് സിദ്ധരാമയ്യയുടെയും കുമാരസ്വാമിയുടെയും പിന്തുണ
ഹിന്ദിക്ക് പ്രധാന്യം ഇല്ലെങ്കില് കന്നഡ ചിത്രങ്ങള് എന്തിനാണ് ഹിന്ദിയിലേക്ക് മൊഴിമാറ്റുന്നത് എന്നും അജയ് ദേവഗണ് ചോദിച്ചു. ഇരുതാരങ്ങളുടെയും പ്രസ്തവന ഹിന്ദി തെന്നിന്ത്യന് ഭാഷാപോരിന് വഴിമാറിയിരിക്കുകയാണ്. ദേശീയ പുരസ്കാര വേദികളില് പോലും തെന്നിന്ത്യന് താരങ്ങള്ക്കും സിനിമകള്ക്കും അര്ഹമായ പരിഗണന ലഭിക്കുന്നില്ലെന്ന ആരോപണവുമായി ചിരജ്ഞീവി നേരത്തെ രംഗത്തെത്തിയിരുന്നു.
സുദീപിന്റെ മറുപടി
''പ്രിയപ്പെട്ട അജയ് ദേവ്ഗൺ സർ, ഹിന്ദിയിൽ താങ്കളിട്ട ട്വീറ്റ് എനിക്ക് മനസ്സിലായി. കാരണം, ഞങ്ങൾ ഹിന്ദിയെന്ന ഭാഷയെ ബഹുമാനിക്കുകയും, സ്നേഹിക്കുകയും പഠിക്കുകയും ചെയ്തതാണ്. എന്നാൽ മോശമായി എടുക്കരുത്, താങ്കളിട്ട ട്വീറ്റിന് ഞാൻ കന്നഡയിൽ മറുപടിയിട്ടാൽ എങ്ങനെയിരിക്കും? എന്താ ഞങ്ങളും ഇന്ത്യയിലുള്ളവർ തന്നെയല്ലേ സർ?''
അതേസമയം, വിഷയത്തിൽ കിച്ച സുദീപിനെ പിന്തുണച്ചുകൊണ്ട് കുമാരസ്വാമിയും രംഗത്തെത്തി. അജയ് ദേവ്ഗണിന്റെ പെരുമാറ്റം 'മണ്ടത്തരമാ'ണെന്ന് നീണ്ട ട്വിറ്റർ ത്രെഡിൽ കുമാരസ്വാമി രൂക്ഷമായി വിമർശിക്കുന്നു. ഹൈപ്പർ സ്വഭാവം സൈബർ ഇടത്തിൽ പ്രകടിപ്പിക്കരുതെന്നും, ഇത്തരം പെരുമാറ്റം വെറും മണ്ടത്തരം മാത്രമാണെന്നും കുമാരസ്വാമി പറയുന്നു. രാജ്യത്തെ നിരവധി ഭാഷകളിൽ ഒന്ന് മാത്രമാണ് ഹിന്ദി. ഇന്ത്യയിലെ പ്രാദേശിക ഭാഷകളിൽ ഒന്ന് മാത്രമാണ് ഹിന്ദി. കൂടുതൽ പേർ സംസാരിക്കുന്നത് കൊണ്ട് ഹിന്ദി ദേശീയഭാഷയാകില്ലെന്നും കുമാരസ്വാമി പറയുന്നു.
