എമ്പുരാന്റെ പോസ്റ്ററിലെ രഹസ്യത്തെ കുറിച്ച് ചിത്രത്തിന്റെ ഛായാഗ്രാഹകന്റെ വെളിപ്പെടുത്തല്.
എമ്പുരാന്റെ ചര്ച്ചകളിലാണ് മലയാളി പ്രേക്ഷകര്. ഓരോ വിശേഷവും വലിയ വാര്ത്തയാകുകയാണ്. എമ്പുരാന്റേതായി ആദ്യം പുറത്തുവിട്ട പോസ്റ്ററിന്റെ രഹസ്യത്തെ കുറിച്ച് സൂചനകള് നല്കുകയാണ് ഛായാഗ്രാഹകൻ സുജിത്ത് വാസുദേവ്. വളരെ പ്രധാനപ്പെട്ടതാണ് ആ പോസ്റ്ററെന്നു പറയുകയാണ് സുജിത് വാസുദേവ്.
ടെക്നിക്കല് എഫര്ട്ട് ചെയ്തെടുത്ത പോസ്റ്ററാണെന്നും പറയുന്നു സുജിത് വാസുദേവ്. ആ പോസ്റ്ററില് വലിയൊരു കഥയുണ്ട്. ചിലപ്പോള് നിങ്ങള് ഇനി ആ സിനിമ കണ്ടിട്ട് നോക്കുമ്പോള് ആ ആദ്യ പോസ്റ്ററിന് കൃത്യമായ ഒരു കഥയുണ്ടാകും, അത് മനസ്സിലാകുമെന്നും പറയുന്നു സുജിത് വാസുദേവ്. എന്തായാലും ആ കഥ എന്തായിരിക്കുമെന്നറിയാൻ സിനിമയ്ക്കായി കാത്തിരിക്കുകയാണ് ആരാധകര്.
ലൂസിഫറിന്റെ രണ്ടാം ഭാഗായി എമ്പുരാൻ സിനിമ മാര്ച്ച് 27ന് റിലീസാകുമ്പോള് പ്രതീക്ഷയിലാണ് താരത്തിന്റെ ആരാധകര്. സ്റ്റീഫൻ നെടുമ്പള്ളിയെന്ന ഖുറേഷി അബ്രമായി ചിത്രത്തില് മോഹൻലാല് എത്തിയപ്പോള് ആഗോള ബോക്സ് ഓഫീസില് 150 കോടി രൂപയില് അധികം ബിസിനസ് നേടി ലൂസിഫര് തിളങ്ങിയിരുന്നു. ലൂസിഫറിലെ സ്റ്റീഫൻ നെടുമ്പള്ളിക്കായിരിക്കില്ല രണ്ടാം ഭാഗമായ എമ്പുരാനില് പ്രാധാന്യം എന്ന് റിപ്പോര്ട്ടുണ്ട്. ഖുറേഷി അബ്രഹാമിന്റെ പിന്നാലെ സഞ്ചരിക്കുന്ന കഥയായിരിക്കും എമ്പുരാന്റെയെന്നാണ് അപ്ഡേറ്റുകളില് നിന്ന് മനസിലാകുന്നത്.
ഖുറേഷി എബ്രമായി ലൂസിഫറിന്റെ അവസാന ഭാഗത്ത് പ്രത്യക്ഷപ്പെട്ട മോഹൻലാലിന്റെ എമ്പുരാൻ സ്റ്റൈലിഷ് സിനിമ ആയിരിക്കുമെന്നാണ് പ്രതീക്ഷിക്കുന്നത്. സംവിധായകൻ പൃഥിരാജും മോഹൻലാല് നായകനാകുന്ന ചിത്രത്തില് നിര്ണായക വേഷത്തിലുണ്ടാകുമ്പോള് ഗോവര്ദ്ധനായി ഇന്ദ്രജിത്ത്, ജതിൻ രാംദാസായി ടൊവിനോ തോമസ് തുടങ്ങിയവരും മറ്റ് പ്രധാന കഥാപാത്രങ്ങളായും ഉണ്ടാകും എന്നാണ് വ്യക്തമായിരിക്കുന്നത്. ഛായാഗ്രാഹണം നിര്വഹിക്കുന്നത് സുജിത് വാസുദേവാണ്. മലയാളത്തിനു പുറത്തെയും താരങ്ങള് മോഹൻലാല് ചിത്രത്തില് ഉണ്ടാകുമെന്ന് ക്യാരക്ടര് ലുക്കുകള് ഇന്നലെ വരെ പുറത്തുവിട്ടതില് നിന്ന് ഉറപ്പായിട്ടുണ്ട്.
Read More: എമ്പുരാൻ കണ്ടു തീര്ന്നയുടൻ തിയറ്റര് വിടരുത്, അതിനൊരു കാരണമുണ്ട്!
