തെലുങ്ക് മാസ് മസാല ചിത്രങ്ങളുടെ മാതൃകയിൽ ഒരുങ്ങുന്ന സണ്ണി ഡിയോളിന്റെ 'ജാട്ട്' റിലീസ് തിയതി പ്രഖ്യാപിച്ചു. 2025 ഏപ്രിൽ 10-ന് ചിത്രം തിയറ്ററുകളിൽ എത്തും.
മുംബൈ: തെലുങ്ക് മാസ് മസാല സിനിമകളുടെ പാറ്റേണില് എത്തുന്ന സണ്ണി ഡിയോളിന്റെ ജാട്ടിന്റെ റിലീസ് ഡേറ്റ് പ്രഖ്യാപിച്ചു. നന്ദമൂരി ബാലകൃഷ്ണയുടെ വീര സിംഹ റെഡ്ഡി അടക്കമുള്ള ചിത്രങ്ങളിലൂടെ ശ്രദ്ധ നേടിയ സംവിധായകന് ഗോപിചന്ദ് മലിനേനിയാണ് ജാട്ട് ഒരുക്കുന്നത്. ഇപ്പോഴിതാ ചിത്രത്തിന്റെ റിലീസ് ഡേറ്റ് പ്രഖ്യാപിച്ചിരിക്കുകയാണ്.
ഏറെ പ്രതീക്ഷയോടെ കാത്തിരിക്കുന്ന ആക്ഷൻ ചിത്രം 2025 ഏപ്രിൽ 10-ന് തിയറ്ററുകളിൽ റിലീസ് ചെയ്യുന്നത്. ലോകമെമ്പാടുമുള്ള പ്രേക്ഷകരെ വിസ്മയിപ്പിച്ച റെക്കോർഡ് തകർത്ത ടീസർ ലോഞ്ചിന് ശേഷം റിലീസ് തീയതി പ്രഖ്യാപനം വന്നതോടെ ആരാധകർ ആവേശത്തിലാണ്.
അല്ലു അര്ജുന് ചിത്രം പുഷ്പ 2 നൊപ്പം തിയറ്ററുകളില് റിലീസ് ചെയ്യപ്പെട്ട ടീസര് ഏറെ ശ്രദ്ധിക്കപ്പെട്ടിരുന്നു. പാന് ഇന്ത്യന് തെലുങ്ക് ചിത്രങ്ങള് തിയറ്ററുകളില് ആഘോഷിക്കുന്ന ഉത്തരേന്ത്യന് പ്രേക്ഷകര്ക്കുവേണ്ടി ഡിസൈന് ചെയ്യപ്പെട്ടതെന്ന് കൃത്യമായി ബോധ്യപ്പെടുത്തുന്ന ടീസറില് മമ്പന് ആക്ഷന് രംഗങ്ങളുണ്ട്. 1.27 മിനിറ്റ് ആണ് ടീസറിന്റെ ദൈര്ഘ്യം.
സണ്ണി ഡിയോളിനൊപ്പം രണ്ദീപ് ഹൂഡ, വിനീത് കുമാര് സിംഗ്, റെഗിന കസാന്ഡ്ര, സൈയാമി ഖേര്, സ്വരൂപ് ഘോഷ് തുടങ്ങിയവര് മറ്റ് കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ കഥയും തിരക്കഥയും ഗോപിചന്ദിന്റേത് തന്നെയാണ്.
റാം ലക്ഷ്മണ്, വി വെങ്കട്ട്, പീറ്റര് ഹെയ്ന്, അനല് അരസ് എന്നിങ്ങനെ നീളുന്നു ചിത്രത്തിലെ ഫൈറ്റ് മാസ്റ്റര്മാരുടെ പേരുകള്. മൈത്രി മൂവ് മേക്കേഴ്സും പീപ്പിള് മീഡിയ ഫാക്റ്ററിയും ചേര്ന്നാണ് ചിത്രത്തിന്റെ നിര്മ്മാണം. ഗദര് 2 ന് ശേഷം സണ്ണി ഡിയോളിന് വമ്പന് ഹിറ്റ് സമ്മാനിക്കുമെന്ന് പ്രതീക്ഷിക്കപ്പെടുന്ന സിനിമയാണ് ഇത്.
സണ്ണി ഡിയോള് നായകനായി എത്തിയ ഖദ്ദര് 2 2023ല് ബോളിവുഡിലെ അപ്രതീക്ഷിത ഹിറ്റായിരുന്നു. ആഗോള ബോക്സോഫീസില് ചിത്രം 500 കോടിക്ക് അടുത്ത് നേടിയിരുന്നു.
അജിത് കുമാറിന് പത്മഭൂഷൺ; വൈകാരിക കുറിപ്പ് പങ്കുവച്ച് തമിഴ് സൂപ്പര്താരം
'ഒരു സീന് കണ്ട ചേട്ടന് തീരുമാനിച്ചു, അടുത്ത തിരക്കഥ അനിയന്': ഷാഫിയെന്ന സംവിധായകന് പിറന്ന ആ സംഭവം
