ട്രാക്കിലും ജിമ്മിലും പരിശീലനം നടത്തുന്ന ചിത്രങ്ങളാണ് ഇപ്പോൾ താപ്സിയുടെ സോഷ്യൽ മീഡിയകളിൽ എല്ലാം.
സിനിമാ പ്രേമികളുടെ പ്രിയതാരമാണ് തപ്സി പന്നു. താരത്തിന്റെ സിനിമാ തിരഞ്ഞെടുപ്പുകൾ എപ്പോഴും വ്യത്യസ്തമാണ്. അതുകൊണ്ട് തന്നെ തപ്സിയുടെ പുതിയ ചിത്രങ്ങൾ കാണാൻ ഏറെ ആകാംഷയോടെയാണ് ആരാധകർ കാത്തിരിക്കുന്നത്. രശ്മി റോക്കറ്റ് എന്ന സിനിമയാണ് താപ്സിയുടേതായി ഇനി വരാനിരിക്കുന്നത്. ഈ ചിത്രവും വ്യത്യസ്തമായിരിക്കുമെന്നാണ് പ്രതീക്ഷ.
അത്ലറ്റായാണ് താരം ചിത്രത്തിൽ എത്തുന്നത്. അതിവേഗ ഓട്ടക്കാരിയുടെ കഥാപാത്രത്തിനോട് നീതി പുലർത്താനുള്ള തയ്യാറെടുപ്പിലാണ് താരം. ട്രാക്കിലും ജിമ്മിലും പരിശീലനം നടത്തുന്ന ചിത്രങ്ങളാണ് ഇപ്പോൾ താപ്സിയുടെ സോഷ്യൽ മീഡിയകളിൽ എല്ലാം. യോഗയും താരം പരിശീലിക്കുന്നുണ്ട്.
ആകർഷ് ഖുറാന സംവിധാനം ചെയ്യുന്ന ചിത്രത്തിൽ പ്രിയാൻഷു പൈൻയുള്ളിയും പ്രധാന വേഷത്തിൽ എത്തുന്നുണ്ട്. താപ്സിയുടെ ഭർത്താവിന്റെ വേഷമാണ് പ്രിയാൻഷു അവതരിപ്പിക്കുന്നത്. അടുത്ത വർഷം ചിത്രം പുറത്തിറങ്ങുമെന്നാണ് പ്രതീക്ഷിക്കുന്നത്.
