വരുന്നൂ ജെയിംസ് ബോണ്ട്; ചിത്രത്തിന് പേരിട്ടു
ഡാനിയല് ക്രേഗ് നായകനാകുന്ന പുതിയ ജെയിംസ് ബോണ്ട് ചിത്രത്തിന് പേരിട്ടു.
ലോകമെമ്പാടുമുള്ള സിനിമാ പ്രേക്ഷകര് കാത്തിരിക്കുന്നതാണ് ജെയിംസ് ബോണ്ട് സിനിമ പരമ്പരയിലെ പുതിയ സിനിമ. ഡാനിയല് ക്രേഗ് ആണ് ചിത്രത്തില് നായകനാകുന്നത്. ഒസ്കര് ജേതാവ് റമി മലേക് ആയിരിക്കും വില്ലൻ കഥാപാത്രമായി എത്തുക. ചിത്രത്തിന് പേരിട്ടതാണ് പുതിയ വാര്ത്ത.
ജെയിംസ് ബോണ്ട് സിനിമയ്ക്ക് നോ ടൈം ടു ഡൈ എന്നാണ് പേരിട്ടിരിക്കുന്നത്. സാമൂഹ്യമാധ്യമത്തിലൂടെയാണ് അണിയറപ്രവര്ത്തകര് ഇക്കാര്യം അറിയിച്ചത്. ചിത്രത്തിന്റെ പ്രമേയം സംബന്ധിച്ച് ചില സൂചനകളും നേരത്തെ പുറത്തുവിട്ടിരുന്നു. സര്വീസില് പ്രവര്ത്തിച്ചുകൊണ്ടിരിക്കുന്ന ജെയിംസ് ബോണ്ടിനെയല്ല ചിത്രത്തില് ആദ്യം കാണുകയെന്ന് അണിയറപ്രവര്ത്തകര് പറയുന്നു. കാരി ജോജി ഫുകുനാഗയാണ് ചിത്രം സംവിധാനം ചെയ്യുന്നത്. റാൽഫ് ഫിയെൻസ്, റോറി കിന്നിയർ തുടങ്ങിയവരും ചിത്രത്തിലുണ്ടാകും.