മികച്ച പ്രതികരണം നേടി ടൈറ്റൻസ്,
ജയസൂര്യയും വിനായകനും പ്രധാന വേഷങ്ങളിലെത്തിയ പ്രിൻസ് ജോയ് ചിത്രം ‘ടൈറ്റൻസ്’ ആഗോള റിലീസിന് പിന്നാലെ വമ്പൻ പ്രേക്ഷകശ്രദ്ധ നേടുന്നു. കോമഡിയും ഫാന്റസിയും ത്രില്ലും സമന്വയിപ്പിച്ച ചിത്രത്തിന് തിയേറ്ററുകളിൽ നിന്ന് മികച്ച പ്രതികരണങ്ങളാണ് ലഭിക്കുന്നത്. ജയസൂര്യയുടെയും വിനായകന്റെയും പ്രകടനങ്ങൾക്കും നർമ്മരംഗങ്ങൾക്കും ചിത്രത്തിലെ ഫാന്റസി ഘടകങ്ങൾക്കും പ്രേക്ഷകരിൽ നിന്ന് വലിയ കയ്യടിയാണ് ലഭിക്കുന്നത്. നേരമ്പോക്ക്, മാനുവൽ മൂവി മേക്കേഴ്‌സ്, അവനിർ ടെക് എന്നീ ബാനറുകളിൽ മിഥുൻ മാനുവൽ തോമസും ഇർഷാദ് എം. ഹസനും, ബാബു ഏട്ടൻ ഫിലിംസിന്റെ ബാനറിൽ പ്രദീപ് സി.എസും ചേർന്നാണ് ചിത്രം നിർമ്മിച്ചിരിക്കുന്നത്.
‘അനുഗ്രഹീതൻ ആന്റണി’യിലൂടെ ശ്രദ്ധ നേടിയ പ്രിൻസ് ജോയ് സംവിധാനം ചെയ്ത ‘ടൈറ്റൻസ്’ രചിച്ചിരിക്കുന്നത് ജെയിംസ് സെബാസ്റ്റ്യനാണ്. വ്യത്യസ്തമായ കഥാപാത്രങ്ങളെയും സാഹചര്യങ്ങളെയും കോമഡിയുടെയും ഫാന്റസിയുടെയും ത്രില്ലിന്റെയും പശ്ചാത്തലത്തിൽ അവതരിപ്പിക്കുന്നതാണ് ചിത്രത്തിന്റെ പ്രധാന ആകർഷണം. നർമ്മം നിറഞ്ഞ മുഹൂർത്തങ്ങൾക്കൊപ്പം അപ്രതീക്ഷിത സംഭവങ്ങളും ഉദ്വേഗം ജനിപ്പിക്കുന്ന രംഗങ്ങളും ചേർത്താണ് കഥ മുന്നോട്ടുപോകുന്നത്. പ്രേക്ഷകരെ ചിരിപ്പിക്കുകയും അതേസമയം കഥയുടെ അടുത്ത ഘട്ടം എന്തായിരിക്കുമെന്ന ആകാംക്ഷ നിലനിർത്തുകയും ചെയ്യുന്ന അവതരണമാണ് ചിത്രത്തിന്റേത്. വ്യത്യസ്തമായ ഈ ചേരുവകൾ തിയേറ്ററിൽ ഒരുമിച്ച് ആസ്വദിക്കാവുന്ന ഒരു ഫൺ റൈഡായി ചിത്രത്തെ മാറ്റുന്നു.
ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക
ചിത്രത്തിലെ പ്രധാന താരങ്ങളായ ജയസൂര്യയും വിനായകനും തങ്ങളുടെ പ്രകടനങ്ങളിലൂടെ ശ്രദ്ധ നേടുന്നുവെന്നതാണ് പ്രേക്ഷക പ്രതികരണങ്ങളിലെ പ്രധാന ഘടകം. ഇരുവരും ഒന്നിച്ചെത്തുന്ന രംഗങ്ങളും കഥാപാത്രങ്ങൾക്കിടയിലെ മനോഹരമായ രസതന്ത്രവും ചിത്രത്തിന്റെ വിനോദമൂല്യത്തിന് കരുത്തുപകരുന്നു. നർമ്മരംഗങ്ങൾ കൈകാര്യം ചെയ്യുന്ന രീതിയും കഥാപാത്രങ്ങളുടെ വ്യത്യസ്തമായ സ്വഭാവങ്ങളും പ്രേക്ഷകരെ ആകർഷിക്കുന്ന ഘടകങ്ങളാണ്. നിഹാൽ, ബേബി ജീൻ, സണ്ണി വെയ്ൻ, ഇന്ദ്രൻസ്, സുരേഷ് കൃഷ്‍ണ തുടങ്ങിയവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ഓരോ കഥാപാത്രവും കഥയുടെ രസച്ചരടിൽ പങ്കുചേരുന്ന രീതിയിൽ, കോമഡിക്കും ഫാന്റസിക്കും ത്രില്ലിനും പ്രാധാന്യം നൽകിയാണ് ചിത്രം ഒരുക്കിയിരിക്കുന്നത്.
കുട്ടികൾക്കും കുടുംബങ്ങൾക്കും യുവപ്രേക്ഷകർക്കും ഒരുപോലെ ആസ്വദിക്കാവുന്ന വിനോദചിത്രം എന്ന നിലയിലാണ് ‘ടൈറ്റൻസ്’ ശ്രദ്ധ നേടുന്നത്. കുടുംബത്തോടൊപ്പം തിയേറ്ററിലെത്തി ചിരിക്കാനും രസിക്കാനും കഴിയുന്ന മുഹൂർത്തങ്ങൾക്കൊപ്പം ഫാന്റസിയുടെ കൗതുകവും ത്രില്ലിന്റെ ഉദ്വേഗവും ചിത്രം സമ്മാനിക്കുന്നു. ഗൗരവമേറിയ പ്രമേയങ്ങൾക്കിടയിൽ വിനോദത്തിന് പ്രാധാന്യം നൽകുന്ന സിനിമകൾ ഇഷ്ടപ്പെടുന്ന പ്രേക്ഷകർക്ക് ‘ടൈറ്റൻസ്’ രസകരമായൊരു അനുഭവമാണ് സമ്മാനിക്കുന്നത്.
ഡോൺ വിൻസെന്റ് ഒരുക്കിയ ചിത്രത്തിലെ ഗാനങ്ങളും സംഗീതവും വലിയ പ്രേക്ഷക പ്രശംസ നേടുന്നുണ്ട്. മാജിക് ഫ്രെയിംസ് ആണ് ചിത്രം കേരളത്തിൽ വിതരണം ചെയ്തിരിക്കുന്നത്. ഫാർസ് ഫിലിംസാണ് ഓവർസീസ് ഡിസ്ട്രിബ്യൂഷൻ നിർവഹിച്ചത്. 123 മ്യൂസിക്സാണ് ചിത്രത്തിന്റെ ഓഡിയോ, മ്യൂസിക് അവകാശങ്ങൾ സ്വന്തമാക്കിയിരിക്കുന്നത്.
സംവിധാനം: പ്രിൻസ് ജോയ്, രചന: ജെയിംസ് സെബാസ്റ്റ്യൻ, നിർമ്മാതാക്കൾ: മിഥുൻ മാനുവൽ തോമസ്, ഇർഷാദ് എം. ഹസൻ, പ്രദീപ് സി.എസ്., ഛായാഗ്രഹണം: വിഷ്ണു ശർമ്മ, എഡിറ്റിംഗ്: ഷമീർ മുഹമ്മദ്, സംഗീതം: ഡോൺ വിൻസെന്റ്, പ്രൊഡക്ഷൻ ഡിസൈൻ: അരുൺ വെഞ്ഞാറമൂട്, എക്സിക്യൂട്ടീവ് പ്രൊഡ്യൂസർമാർ: സുനിൽ സിങ്, ശ്രീജിത്ത് ഗില്ലി, സജിത്ത് പി.വൈ., ലൈൻ പ്രൊഡ്യൂസർ: റോബിൻ വർഗീസ്, പ്രൊഡക്ഷൻ കൺട്രോളർ: പ്രശാന്ത് നാരായണൻ, ആർട്ട് ഡയറക്ടർ: മഹേഷ് പിറവം, വിഎഫ്എക്സ് ഡയറക്ടർ: വിശാഖ് ബാബു, കോസ്റ്റ്യൂം: സിജി നോബിൾ തോമസ്, മേക്കപ്പ്: റോണക്സ് സേവ്യർ, സൗണ്ട് ഡിസൈൻ: കിഷൻ മോഹൻ, സൗണ്ട് മിക്സിങ്: രാജകൃഷ്ണൻ എം.ആർ., ചീഫ് അസോസിയേറ്റ് ഡയറക്ടർമാർ: രജീഷ് വേലായുധൻ, ബേസിൽ വർഗീസ് ജോസ്, ക്രിയേറ്റീവ് അസോസിയേറ്റ്: ബിനോഷ് ജോർജ്, സംഘട്ടനം: ഫീനിക്സ് പ്രഭു, ഡിജിറ്റൽ പി.ആർ.: യദുൽ ബോസ്, വിവേക് വിനയ്‌രാജ്, സ്റ്റിൽസ്: എസ്.ബി.കെ. ഷുഹൈബ്, ബോയാക്, വിഎഫ്എക്സ്: മൈൻഡ് സ്റ്റെയിൻ സ്റ്റുഡിയോസ്, പിക്റ്റോറിയൽ എഫ്.എക്സ്., ഡിസൈൻസ്: യെല്ലോ ടൂത്ത്സ്, പി.ആർ.ഒ.: വൈശാഖ് സി. വടക്കേവീട്, ജിനു അനിൽകുമാർ.
