ഉര്വശി പ്രധാന കഥാപാത്രമാകുന്ന ചിത്രമാണ് 'ചാൾസ് എന്റർപ്രൈസസ്'.
ഒട്ടെറെ ഹിറ്റ് സിനിമകളിൽ ഒരുമിച്ചെത്തിയ താരങ്ങളാണ് ജഗതി ശ്രീകുമാറും ഉർവ്വശിയും. അപകടത്തിൽപ്പെട്ട് അഭിനയ ജീവിതത്തിൽ ഇടവേളയെടുക്കേണ്ടി വന്ന ജഗതീ ശ്രീകുമാർ ഉർവ്വശിക്കൊപ്പം വളരെ നാളുകൾക്ക് ശേഷം ഒരു വേദി പങ്കിട്ടിരിക്കുകയാണിപ്പോൾ. ഉർവ്വശി പ്രധാന കഥാപാത്രത്തെ അവതരിപ്പിക്കുന്ന "ചാൾസ് എന്റർപ്രൈസസ്" എന്ന ചിത്രത്തിന്റെ ഓഡിയോ ലോഞ്ച് വേദിയായ തിരുവനന്തപുരത്തെ ലുലുമാളായിരുന്നു താരങ്ങളുടെ കണ്ടുമുട്ടലിന്റെ ഇടമായി മാറിയത്. നവാഗതനായ സുഭാഷ് ലളിത സുബ്രഹ്മണ്യനാണ് സംവിധാനം ചെയ്യുന്നത്.
രസകരമായ ഒട്ടേറെ നർമ്മമുഹൂർത്തങ്ങളിലൂടെയുള്ള ഒരു ഫാമിലി സറ്റെയർ ഡ്രാമയാണ് ചിത്രമെന്നാണ് ടീസറിൽ നിന്ന് ലഭിച്ചിരുന്ന സൂചന. പാ രഞ്ജിത്ത് സിനിമകളിലൂടെ ശ്രദ്ധേയനായ കലൈയരസൻ ആദ്യമായി മലയാളത്തിൽ അഭിനയിക്കുന്ന ചിത്രം കൂടിയാണ് 'ചാൾസ് എന്റർപ്രൈസസ്'. ഛായാഗ്രഹണം സ്വരൂപ് ഫിലിപ്പ് ആണ്. ഉര്വശിക്കും കലൈയരസനും പുറമേ ബാലു വര്ഗീസ്, ഗുരു സോമസുന്ദരം, കലൈയരസന്, അഭിജ ശിവകല, സുജിത് ശങ്കർ, അൻസൽ പള്ളുരുത്തി, സുധീർ പറവൂർ, മണികണ്ഠൻ ആചാരി, മാസ്റ്റർ വസിഷ്ട്ട്, ഭാനു, മൃദുല, ഗീതി സംഗീതി, സിജി പ്രദീപ്, അജിഷ, ആനന്ദ്ബാൽ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
ഡോ. അജിത് ജോയ്, അച്ചു വിജയൻ എന്നിവർ ചേർന്നു നിർമ്മിക്കുന്നു. ജോയ് മൂവി പ്രൊഡക്ഷൻസിന്റെ ബാനറിലാണ് ചിത്രത്തിന്റെ നിര്മാണം. സഹനിര്മ്മാണം പ്രദീപ് മേനോന് അനൂപ് രാജ് എന്നിവരാണ്. നിര്മ്മാണ നിര്വ്വഹണം ദീപക് പരമേശ്വരനാണ്.
ഗാനരചന അന്വര് അലി, ഇമ്പാച്ചി, നാച്ചി, സംഗീത ചേനംപുല്ലി എന്നിവര് നിർവ്വഹിച്ചിരിക്കുന്നു. സംഗീതം സുബ്രഹ്മണ്യന് കെ വി കലാസംവിധാനം മനു ജഗദ് ആണ്. പശ്ചാത്തല സംഗീതം അശോക് പൊന്നപ്പൻ, പിആർഒ വൈശാഖ് സി വടക്കേവീട്, വസ്ത്രാലങ്കാരം അരവിന്ദ് കെ ആര്, മേക്കപ്പ് സുരേഷും നിര്വഹിക്കുന്ന ചിത്രം ജോയ് മൂവി പ്രൊഡക്ഷൻസ് ഏപ്രിൽ എട്ടിന് പ്രദർശനത്തിനെത്തിക്കും.
Read More: പ്രദീപിന് അര്ദ്ധ സെഞ്ച്വറി, പഞ്ചാബിനെതിരെ കര്ണാടകയ്ക്ക് തകര്പ്പൻ ജയം
