'വാഴ 2- ബയോപിക് ഓഫ് ബില്യൺ ബ്രോസ്'-ന്റെ ഫസ്റ്റ് ലുക്ക് പോസ്റ്റർ പൃഥ്വിരാജ് പുറത്തിറക്കി.
പ്രേക്ഷകപ്രീതി നേടിയ വാഴ- ബയോപിക് ഓഫ് എ ബില്യണ് ബോയ്സ് എന്ന ചിത്രത്തിന്റെ രണ്ടാം ഭാഗമായ വാഴ 2- ബയോപിക് ഒഫ് ബില്യണ് ബ്രോസ് ഫസ്റ്റ് ലുക്ക് പോസ്റ്റർ പുറത്ത്. പൃഥ്വിരാജ് സുകുമാരൻ തന്റെ ഫേസ്ബുക്ക് പേജിലൂടെയാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ ഔദ്യോഗികമായി പുറത്തുവിട്ടത്.
നവാഗതനായ സവിൻ എസ് എ സംവിധാനം ചെയ്യുന്ന ചിത്രത്തിൽ സോഷ്യൽ മീഡിയ താരങ്ങളായ ഹാഷിർ, അലൻ, വിനായക്, അജിൻ, അൽ അമീൻ, നിഹാൽ, നിബ്രാസ്സ്, ഷഹുബാസ്, സാബിർ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. സുധീഷ്, വിജയ് ബാബു എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്.
ചിത്രത്തിന്റെ തിരക്കഥ, സംഭാഷണം വിപിന് ദാസ് എഴുതുന്നു. 'വാഴ'യുടെ ആദ്യഭാഗ ചിത്രത്തിലെ യുവ താരങ്ങൾക്കൊപ്പം മലയാളത്തിലെ മറ്റു പ്രമുഖ താരങ്ങളും ഈ ചിത്രത്തിൽ അഭിനയിക്കുന്നുണ്ട്. വിപിന് ദാസ് പ്രൊഡക്ഷന്സ് ആന്റ് ഇമാജിന് സിനിമാസിന്റെ ബാനറില് വിപിന് ദാസ്, ഹാരിസ് ദേശം, പി ബി അനീഷ്, ആദര്ശ് നാരായണ് എന്നിവര് ചേര്ന്ന് നിർമ്മിക്കുന്ന വാഴ 2 ബയോപിക് ഒഫ് ബില്യണ് ബ്രോസ് എന്ന ചിത്രത്തിന്റെ ഛായാഗ്രഹണം അഖിൽ ലൈലാസുരൻ നിര്വ്വഹിക്കുന്നു.
Related Articles
സംഗീതം അങ്കിത് മേനോന്, എഡിറ്റിംഗ് കണ്ണന്, പ്രൊഡക്ഷന് കണ്ട്രോളര് റിന്നി ദിവാകര്, കല ബാബു പിള്ള, മേക്കപ്പ് സുധി സുരേന്ദ്രന്, കോസ്റ്റ്യൂംസ് അശ്വതി ജയകുമാര്, സ്റ്റില്സ് ബിജിത്ത് ധർമ്മടം, പരസ്യകല യെല്ലോ ടൂത്ത്സ്, ടൈറ്റില് ഡിസൈന് സാര്ക്കാസനം, സൗണ്ട് ഡിസൈൻ വിഷ്ണു സുജാതൻ, പ്രൊഡക്ഷന് എക്സിക്യൂട്ടീവ് അനീഷ് നന്തിപുലം, ഡിജിറ്റൽ മാർക്കറ്റിംഗ് വിപിൻ കുമാർ, പി ആര് ഒ എ എസ് ദിനേശ്.
