പ്രേക്ഷകപ്രീതി നേടിയ 'വാഴ'യുടെ രണ്ടാം ഭാഗമായ 'വാഴ 2- ബയോപിക് ഒഫ് ബില്യണ് ബ്രോസ്' റിലീസ് തിയ്യതി പ്രഖ്യാപിച്ചു
പ്രേക്ഷകപ്രീതി നേടിയ 'വാഴ- ബയോപിക് ഓഫ് എ ബില്യണ് ബോയ്സ്' എന്ന ചിത്രത്തിന്റെ രണ്ടാം ഭാഗമായ 'വാഴ 2- ബയോപിക് ഒഫ് ബില്യണ് ബ്രോസ്' റിലീസ് തിയ്യതി പ്രഖ്യാപിച്ചു. ഏപ്രിൽ 2 നാണ് ചിത്രം തിയേറ്ററുകളിൽ എത്തുന്നത്. മലയാളത്തിൽ നിന്നും ജീത്തു ജോസഫ്- മോഹൻലാൽ കൂട്ടുകെട്ടിൽ പുറത്തിറങ്ങുന്ന ദൃശ്യം 3 ഏപ്രിൽ രണ്ടിനാണ് പുറത്തിറങ്ങുന്നത്.
നവാഗതനായ സവിൻ എസ് എ സംവിധാനം ചെയ്യുന്ന ചിത്രത്തിൽ സോഷ്യൽ മീഡിയ താരങ്ങളായ ഹാഷിർ, അലൻ, വിനായക്, അജിൻ, അൽ അമീൻ, നിഹാൽ, നിബ്രാസ്സ്, ഷഹുബാസ്, സാബിർ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. സുധീഷ്, വിജയ് ബാബു എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്.
Related Articles
ചിത്രത്തിന്റെ തിരക്കഥ, സംഭാഷണം വിപിന് ദാസ് എഴുതുന്നു. 'വാഴ'യുടെ ആദ്യഭാഗ ചിത്രത്തിലെ യുവ താരങ്ങൾക്കൊപ്പം മലയാളത്തിലെ മറ്റു പ്രമുഖ താരങ്ങളും ഈ ചിത്രത്തിൽ അഭിനയിക്കുന്നുണ്ട്. വിപിന് ദാസ് പ്രൊഡക്ഷന്സ് ആന്റ് ഇമാജിന് സിനിമാസിന്റെ ബാനറില് വിപിന് ദാസ്, ഹാരിസ് ദേശം, പി ബി അനീഷ്, ആദര്ശ് നാരായണ് എന്നിവര് ചേര്ന്ന് നിർമ്മിക്കുന്ന വാഴ 2 ബയോപിക് ഒഫ് ബില്യണ് ബ്രോസ് എന്ന ചിത്രത്തിന്റെ ഛായാഗ്രഹണം അഖിൽ ലൈലാസുരൻ നിര്വ്വഹിക്കുന്നു.
