'ഇതിലും വലിയ പ്രതിസന്ധികളെ അതിജീവിച്ചവരാണു ലോക ജനത. ഇതും നമ്മൾ അതിജീവിക്കും. ജീവിതവും കലയും സംസ്കാരവും എല്ലാം നമ്മൾ തിരിച്ചു പിടിക്കും..'
കൊവിഡിന് മുന്നില് ജീവിതവും സിനിമയുമൊക്കെ തകര്ന്നെന്ന് കരുതുന്ന സുഹൃത്തുക്കള് ചുറ്റുമുണ്ടെന്നും എന്നാല് തന്റെ ചിന്ത മറിച്ചാണെന്നും സംവിധായകന് വിനയന്. സംവിധാനം ചെയ്യുന്ന പുതിയ ചിത്രം '19-ാം നൂറ്റാണ്ടി'ന്റെ സോംഗ് കമ്പോസിംഗ് ആരംഭിച്ചെന്നും സെപ്റ്റംബര് അവസാനത്തോടെ ചിത്രീകരണം ആരംഭിച്ചേക്കുമെന്നും വിനയന് അറിയിച്ചു
വിനയന് പറയുന്നു
'19-ാം നൂറ്റാണ്ട്' എന്ന എന്റെ പുതിയ ചിത്രത്തിന്റെ സോംഗ് കമ്പോസിംഗ് ഇന്ന് ആരംഭിച്ചു. ശ്രീ ഗോകുലം മൂവീസിനു വേണ്ടി ശ്രീ ഗോകുലം ഗോപാലൻ നിർമ്മിക്കുന്ന ഈ ചിത്രത്തിൽ മലയാളത്തിലെയും ദക്ഷിണേന്ത്യയിലെയും പ്രമുഖതാരങ്ങൾ അണിനിരക്കും. ചിത്രത്തിന്റെ ഷൂട്ടിംഗ് സെപ്റ്റംബര് അവസാനമേ ഉണ്ടാകൂ. അപ്പോഴേക്കും കൊവിഡിന്റെ തീവ്രത കുറയുമെന്നു നമുക്കു പ്രതീക്ഷിക്കാം. കൊവിഡ് എന്ന മഹാമാരി ജീവിതമെല്ലാം തകർത്തു, ഇനി ഒരു ഉയിർത്തെഴുന്നേൽപ്പു സാദ്ധ്യമല്ല, സിനിമയ്ക്കു പ്രത്യേകിച്ചും.. എന്നൊക്കെ നിരാശപ്പെടുന്ന ചില സുഹൃത്തുക്കൾ നമുക്കിടയിലുണ്ട്. ഒന്നോർക്കുക, ഇതിലും വലിയ പ്രതിസന്ധികളെ അതിജീവിച്ചവരാണു ലോക ജനത. ഇതും നമ്മൾ അതിജീവിക്കും. ജീവിതവും കലയും സംസ്കാരവും എല്ലാം നമ്മൾ തിരിച്ചു പിടിക്കും. നമുക്കു പോസിറ്റീവ് ആയി ചിന്തിക്കാം. പൊരുതി മുന്നേറാം.
ആകാശഗംഗ 2 ആണ് വിനയന്റെ സംവിധാനത്തില് തീയേറ്ററുകളിലെത്തിയ അവസാനചിത്രം. 1999ല് പ്രദര്ശനത്തിനെത്തിയ ഹൊറര് കോമഡി ചിത്രം ആകാശഗംഗയുടെ രണ്ടാംഭാഗമായിരുന്നു ഇത്. ജയസൂര്യ, മോഹന്ലാല് ചിത്രങ്ങളും വിനയന്റെ സംവിധാനത്തില് പുറത്തുവരാനുണ്ട്.
